我想大家既然有個共識系想搞清楚個概念, 咁就唔應該會有” 火紅火綠” 既情況, 講真我就從無呢個感覺, 討論乜都無所謂, 我從來都無想過要去證明”叻過人, "一山還有一山高"! 如果你覺得我唔客氣, 我道歉, 我於文字上我絕對直接, 但真人我會比較易相處 (至少我D朋友系咁講)!

一點意見, 文字討論, 特別系技術層面上面, 睇既人唔識你, 唔知你水準, 所以對一D Terms 又或者名詞就要留意一下, 因為睇既人唔會知你系唔識定系打錯, 例如你講既”火牛”, 一般認知就系 Transformer, 系一個 AC轉AC 既元件, 即系你所講既” 變壓器”, 如果將連埋整流線路果 D都叫” 火牛”, 咁我就唔知點講好啦! 如果要區分, 呢種連整流線路既都入於 Power Supply系列, 亦有叫 Power Adaptor (以前譯做代電器)Power Supply 並不一定系可變電壓既, fixed output 都可以叫做 Power Supply! 電話差電機(Charger) 果種並非用傳統火牛, 有人叫佢做"電子牛", 但正如你自已所說, 系個差電機黎架嘛! 火牛/變壓器/Transformer 系一個電子元件, 你講既系一個電子線路, 絕對不可混淆! 普通人可以叫哂佢地做”火牛” (即如好多人叫電腦主機做 Harddisk一樣), 但如果行內人都系咁叫, 就唔Pro啦!

討論電我就未夠班啦, 第一我唔系呢行, 第二自已實在知識有限, 有機會希望可以系呢道再交流一下, 領教領教!

如果你Buy 我based on 個網站所講既, 咁多謝, 我無野再補充, I rest my case!

以上理論係想證明你睇,改變電流唔一定係加電阻!做野好多時唔一定係用可變電阻黎去改變電流,電子野你仲講得通,如果大電講緊KVA,成400A,加電阻???我諗支電阻做到消防筒咁大都唔知得唔得!而且?電黎晒!其實加電阻就即係晒緊電,係loss,哩層你一定明白.之但係要改變電壓呢,就容易得多啦!
抽幾組線頭就做道,auto-tx就類似咁既原理啦!

而家講緊led,址咁遠仲乜?唔係!我係要話比你知電壓既重要性,我收返你冇視電壓既說話,但你未免睇得太”唔重要”吧？

電壓唔重要可以落電阻改,咁我話你冇錯但實則唔係咁做,你而家明白未?

[ 本帖最後由 舊渣古 於 2008-12-17 11:12 PM 編輯 ]

睇兩位的文章。迫我溫書。你地兩個好毒呀。

我諗各位應該係時候走番去原點,個題目拉得太遠,學我公司d 老細成日同我講, 要睇住份spec黎做人, 所以我都attach 左份某led 廠既藍色led spec俾大家睇睇
入面有提到一粒led既forward current 同forward voltage, 即係話當一粒led佢既forward current 係20ma個陣, 佢既最大電壓係4v, 4v 打後係有機會打穿(有機會係指如果5v都未必會死,因為實有d margin 位係度)
講到光度,係份spec度都有寫,0ma 至30ma都會有分別, 但過左30ma之後就會冇左, 即係話佢既光度30ma已經係極限,再俾多d 只係會晒左,更甚者會打穿
即係話,呢粒野最佳狀態係3.2v個陣有20ma流過呢粒野
咁點樣控制佢4v之下有20ma流入呢?最簡單既方法係有得控制電流既supply,但呢個世界邊有咁多俾你玩,最簡單就係加電阻,所以又用番ohm's law黎計,首先排除左熱既影響, 3.2/20ma= 150, 咁如果我加一隻150ohm既電阻就最靚仔啦,但一粒led佢自己都有內阻,雖然好細,但即係話我地冇必要exactly一定要搵隻150ohm,可以細d
咁當然電池係冇3.2v,所以就要自己再計番啦~
同樣地,選擇邊隻size既電池就好睇你玩幾耐, 如一粒aaa既鹼性電池就有1200mah,即係話如果以1.5v, 1200ma行既話就玩得一個鐘就收皮, 至於你見到既有時d 玩具要接幾粒aaa電,其實係因為個電壓唔夠,所以要串多幾粒增加個電壓,至於電流,都係一樣1200mah,所以唔好以為串多粒就係2400mah,當然都唔好並住兩粒電池啦
其他size請去以下網頁睇
http://en.wikipedia.org/wiki/List_of_battery_sizes

所以我最初問既要用乜野顏色燈,先會知道你每粒需要幾多電流,再重而揀到一粒適合既電阻

絕對認同。
其實Led~可以很簡單。


但.....原理卻非常複雜。

幾位師兄,
容我拋拋書包,
唔想點對點去指邊位對邊位錯,我只係想講, 幾位出現o既分歧來自你地只係圍繞歐母定律黎討論.............完全無考慮其他因素.
電子與電學又豈止V=IR一條公式呢...............................................
試下考慮埋P=VI啦.

[ 本帖最後由 cas52612 於 2008-12-17 11:15 PM 編輯 ]

cas52612兄言之有理,只係我而家講LED歐母定律已經夠講,
而我同V兄對於係控制光暗同燒led上意見有分岐,所以先打咁多字討論.
cas52612兄賞面既話不妨又睇下我地既測試討論丫

黑暗兄多謝你既資料,又真係址到好遠,講講下舉例好難避免

咁你既諗法測試同計算都ok,到底咩問題呢?
其實,如果講要第一個方法去控制LED光暗,
唔止LED,所有野都會得到相同結果,如果係摩打,一樣會快會慢.
但有一個問題係我地用LED係測試中睇唔到既,因為LED需要電流實在太細,變左影響出黎既測試同計算上都好似冇影響.

我地改一改,用一樣比較需要高電流推動既野,就用返摩打作例,假定50V,500mA
用返OUTPUT VOLT不變,而改變OUTPUT CURRENT,摩打會跟隨電流高低而改變轉速.
但改去低於摩打需要既CURRENT時候,OUTPUT VOLT係會被拖跌,可能係跌至20-25V,
POWER發出警告,OVERLOAD,如果哩部唔係POWER SUPPLY係一隻火牛(你原諒我懶就咁叫火牛),
火牛會嚴重發熱直燒燬,但係個摩打無事!

但係如果改變VOLT,固定CURRENT係500mA
摩打一樣會變快變慢,但過高VOLT摩打就會出煙!

做大電其實有一個真實例子話比你聽,
出現一個故障令到電壓上升而燒左人地屋企好多家電!真實個案!
V兄有興趣既話再同你分享下!

各位會員可能話我成日講到大電咁遠做乜,而家講駁led之麻,但各位要明白原理都係一樣,做到但logic錯誤可能係電子野方面問題不大,又或者最多燒野,但同一個不恰當既logic做大電分分鐘連命都冇埋!希望各會員明白我出發點!多謝!

來來去去講o既都係電流電壓, 完全忽略o左功率(Power), Power= V(電壓)I(電流)
如果連呢一樣野都未攪清楚, 再打多一萬幾千字都係o徒氣

出發點正確, 但內容就..............................
LED好, 電視機雪櫃好, 冷氣機都好,   每一個負載(Load)都有其規格(specifications),
當中最主要都有交代工作電壓, 可承受電流, 仲有功率等(即係大家所講o既火數),
講番你個例子, 50V 0.5A得果25W, 碎料黎.
改變輸出電流(其實應該講成限制最高輸出電流)的確可以改變轉速, 不過改變電壓一樣可以, 至於燒唔燒係視乎負載規格(未加入負載寬容度呢個原素)
輸入(限制)低於負載o既工作電流, 負載極其量只會降低工作效率甚至不能工作而不會降低電壓.

其實我都想清楚一下你點樣理解"Power Supply" 同"火牛" 呢兩個詞語..............
又講番果樣野, 火牛(Power Supply????)燒唔燒, 摩打燒唔燒, 係睇兩樣負載o既規格.
25W個摩打, 你用隻10W火牛.......燒o既當然係火牛啦...............

[ 本帖最後由 cas52612 於 2008-12-19 02:23 AM 編輯 ]

你既問題系太在意話自已無錯, 而往往往忽略左去睇人地既野, 一唔[口岩] 聽就連其他既都唔睇 (又或者睇唔到, 即偏視), 即如我比個LED Tester你睇, 說明人家以電流黎標示, 文中一早就講左用9V, 你唔理, 要表示你明白果舊系乜野, 就話 “..哩個TESTER應該係用雷池,我暫時估係3V先!..” 你估人用 3V, 跟住就”解釋”個結構, 再結論”.. 咁你自己計咪又係我所講改緊個Volt囉..” (不過你估都估得唔合理, 用3V根本就無可能改volt)!

跟住你再Post 幾個 所謂 Test, 不過你對基本理論, 坦白說, 著實有點一知半解, 有機會見到你一定要同你要張名片, 以免搵錯左你做工程!

[口岩] 定錯 就留番比你自已去find out啦! 不過希望你比D心機睇清楚人講D乜, 消化下再話人錯都未遲, 我唔會走既!

你用 Power Supply (可能以你理解一定要改到電壓至叫Power Supply), 系實際上講呢個只系一個可變電源, 不過無關系, 你 (再一次) 搞錯左既就系, 容量 (capacity) 同用量 (consumption), 你講 Power Supply輸出電流 (實則是限流, 一個保護裝置, in case 個 Load線路上出錯, 比如短路 唔會因有過大電流通過而損壞個 Load), 並唔系指個 Load (負載) 會用幾多電流, 即系話你set個電流系 50mA, 並唔系話接系 Power Supply既 Load (呢個 case系 LED), 一定會用 50mA (用幾多電流系視乎個 Load既 specifications.  你只系會睇電壓增加, 電(限)流設定無變, 但請問你知唔知真正流過LED既電流系幾多? 你隻LED 設計上系1.7V 20mA, 咁系1.7V下佢就會 消耗 20mA 電力, 即使你個 Power Supply set 左2A, 佢都只系會用20mA, 你既錯誤觀念就系加左電壓就會光D,

“…. OUTPUT VOLT 4V....5V....6V....10V.....,OUTPUT CURRENT 仍舊不變20mA.
LED越黎越光....燒!...”

你得明白，即使你加幾多電壓, LED工作電壓系唔會變既, 都系1.7V, 咁10V-1.7V 個 difference 去左邊? 都變為電流! 簡單D講, 如果LED設計系1.7V 20mA, 你用1.7V 系無可能加到電流上去, 高電位流向低電位, 你要增加電流, 就要增加電壓 (用水個例子應可解釋得到, 我日常工作有一部份系要同D唔technical既 users解釋technical既野, 水呢個解說我覺得可以, 如果你認為唔妥既, enlighten me, please)!  用一個你自已講既例, 手機用3.7V, 不論你接過幾大容量 (capacity) 既3.7V電池(2A, 3A---1KA) , 部手機都系用咁多電, 分別只系用既時間長短!  如果你真系如你自已所說, 明白個網站既資料, 你就唔應該會有呢D 咁既post走出黎!

討論除左要堅持自已既論點, 亦要睇下人講乜, 是對對手既一種尊重, 亦令自已保持一個Open Mind. 即如我說電流控制亮度 (正確說法應該系電流流過LED控制亮度), 你話唔系, 但你睇左 (可能你又偏視睇唔到) 會員提供既LED Data Sheet 清楚列明 電流同亮度既關系, 你依然話唔系, 咁請問你信D乜?  有時唔系 ” 你對, 不過我都無錯..” 就可以, 人地睇黎只系會覺得你太要面, 唔接受事實!

最後 Quote番你呢幾句.. “..以上理論係想證明你睇,改變電流唔一定係加電阻!做野好多時唔一定係用可變電阻黎去改變電流,電子野你仲講得通,如果大電講緊KVA,成400A,加電 阻???我諗支電阻做到消防筒咁大都唔知得唔得!而且?電黎晒!其實加電阻就即係晒緊電,係loss,哩層你一定明白.之但係要改變電壓呢,就容易得多 啦! 抽幾組線頭就做道,auto-tx就類似咁既原理啦!.. Unquote

我其實就唔知你想講乜, 更加睇唔到你講既所謂 “理論”! 我地系討論緊點接LED, 點控制亮度, 幾十mA top既野,你就同人講 KVA, 大家講緊 DC你就講 “抽幾組線頭..”, 先唔講AC/DC既問題, 請問“抽幾組線頭..” 同呢個討論有乜關系? 要點抽? 1V個? 2V一個? 如果你講緊 transformer, 抽幾多組線頭系繞線圈時已經要決定, 我可唔可以之後突然要多一組線頭? 你所講既根本就系irrelevant!

其他既我唔逐一回應, 不過一點 friendly advise 就系, 我地並唔系討論邊個女明星索D, 可以自已覺得系就系, 技術性既野要有根據, 我可以以為地球系四方既, 但同人討論呢個就要有D實質既資料, 數據去支持呢個講法! 唔可以乜都”求其” 靠估! 可能工作上你要表現專業,權威, 令客人信服, 但我地又唔系你既客!  討論有D實質資料, 數據, 咁大家先至學到野!

我有野想問。

想問下如果AC  12 V~變DC~  除左用橋式整流。仲有冇其他方法可以做到？？

3 phases 算唔算?

用一粒diodo整個half wave 加cap. 可以嘛...?
不過都係橋式最方便吧...

因我想整細D，盡量用小D零件~所以唔想塔橋.....

可以咁做。但.....cap 方面    用邊種？？用餅型電容還是電解質電容？

thank you~

you better go for a bridge rectifier, like 2w6 will do the job and the size is tiny small, add one 220uF35V ECap and one 47uF 35V Ecap for reservoir and Filtering purpose, to all bros, Electronics stuff can't always trust on theroy, somtimes it is just a baseline for us la, not offensive, use as little components as possible to archive the goal is a must in modern electronics, since more component means losses and phase shift, cheers

by the way , if you use only one diode not in bridge mode the result may come up with blinking effect, note single diode can only provide 30Hz Sine Wave Voltage which means it will not be a very smooth steady Voltage...adding a Ecap to leveling it is a must la....dmean that bridge rectifer will also need caps to leveling the voltage la....CHEERS

[ 本帖最後由 dino9328 於 2008-12-21 07:37 PM 編輯 ]