原帖由
carman 於 2007-10-26 10:25 AM 發表
但供完層樓樓就係你架la wo~供完樓退休就可以洗小一筆租屋錢....
你又可以供樓供到退休,平平地賣左佢 之後住公屋,咁下半世都唔洗怕冇錢la~
層樓係定唔係你只係地產商騙人既 "心理" 招數...
供樓d $$ 大部份俾咗利息 (銀行), 你供廿年, 頭個十年 9 成都係用黎供息,
層樓一百萬, 到最後埋單會發覺俾咗ニ百萬銀行, 即係同銀行打工...
就算供完樓, 仲有其他 "必要" 開支, 管理費 + 差餉 + 地租, 平均個個月千五,
俾小幾期管理費, 分分鐘封你屋, 到時老來又唔過得世...
你供完樓, 就等於一生最光輝最有賺錢能力既時刻俾哂銀行,
到老時層樓要維修又要科水, 唔好彩外牆跌落黎打親人要賠又要科水,
d 仔 / 女大, 買樓又要結婚又要俾 "首期" 買樓,
到時分分鐘要賣樓套現, 又再老來唔過得世...
仲有買咗樓即有資產, 除非你賣咗層樓 + 再用哂所有錢, 否則不可能申請公屋,
所以你所講老來先去住公屋, 賣咗樓d 錢慢慢駛根本冇可能...
反之住公屋, 可以隨時加名落去, 加咗之後就可以住到你死果日,
仲有結咗婚又可以分戶, 一間變兩間, 層樓有穿有爛要維修又係阿 "公" 俾,
儲埋d $$ 就真係自己既, 到老咗真係冇錢, 又可以堂堂正正去令公援,
到時租都可以唔駛俾...
d 人話要置業只係以前既思想, 以前d 人買樓係一橦連地皮買, 買咗成橦係自己,
買咗後可以租一層俾人, 又可以分一層俾d 仔女結婚住, 進可攻退可守...
但就唔係而家果 D 買個 Apartment 叫豪宅, d 菲傭見倒心裡恥笑緊我地香港人咁 Stupid,
反之佢地儲幾萬拎返菲律賓, 就真係成橦買 la~
PS.
星加坡政府規定個個家庭都分派到一間公屋, 大部份人都係住公屋住一世,
人地國家就示範咗人民租樓租一世係 Work 既~!
[
本帖最後由 twinsa 於 2007-10-27 03:44 PM 編輯 ]