原帖由
小瀟瀟 於 2007-5-5 06:42 PM 發表
d粉點樣塗上去?
定係要加油?關於油,又想問多數用開咩油,係咪雙星油性啞色好d?
請問洗塗會做出咩效果?
um..仲有你用d粉彩有冇編號?大概幾錢?
過多2,3日就考完...即刻買返黎砌..
要學下野先
仲有係油左底油先用粉彩架?
同埋褪色係點樣做,唔係太明..
太多野要指教啦
通常粉彩係用於模型既 weathering 上面, 即係上底色, 再做偏色, 洗塗, 乾掃, filter 等等, 到最後先至用粉彩做效果既.
粉彩可以用乾或濕兩種方法塗上模型表面. 乾即係就咁搵筆沾些少粉彩係筆尖, 慢慢擦上模型表面. 呢種好處係好易控制, 做錯左可以用擦膠輕輕擦甩, 我通常做 d 細位都係用呢個方法. 唔好處係粉彩擺得耐有機會會脫落, 我掃完粉彩都慣左薄噴返一層 topcoat 去固定 d 粉彩. 不過粉彩一沾左 solvent, 又會有少少變色.
濕就係加入 solvent 先至塗上模型表面. solvent 可以係 x-20a, MIG 本身亦都有專用 solvent. 好處係粉彩乾左之後, 會比較碼實模型表面, 但係會較厚身. 我做履帶就會用到 x-20a + 唔同色粉彩去做. 較易控制既做法係先將 x-20a 塗係模型表面, 再用另一枝筆沾上粉彩, 點塗係濕潤既地方, 同時間亦可以混合唔顏色, 做更多變化. 我隻貓貓既履帶就係咁做....
http://www.hkml.net/Discuz/viewthread.php?tid=52226
顏色方面, 我只有MIG 既三種唔同既啡 ( beach sand, europe dust, dark mud ), 加一隻 black smoke, 同 standard rush. 我覺得係 weathering 方面已經夠用, 當然我仲有一盒美術用既 pastel, 有 24隻色, 有須要可以混更多色出黎. 不過附著力, 始終係 mig 既優勝得多.
講左好多, 希望你明白啦......
分享
