hi, 我路過見到有少少經驗分享, 無詳細睇哂可能已經有人提出左既話唔好介意.
首先我睇到既係你用支綠蓋滲透膠水做無縫處理:
第一, 出呢支膠水既目的同無縫處理係相反意義, 你post果本書我見到都有講, 佢係俾你夾好見件後滲d膠水入去痴實佢, 好處係定左位先落膠水就唔會走位, 亦唔會有太多膠水殘留要做事後工序.
第二, 的確佢係借溶膠黎痴實件野, 如果因此而大力按等d膠必出黎, 以bandai宜家既準確度黎講反而你會破壞左本來件parts. 特別係你用左綠膠呢d咁稀既膠水, 你會更大力去按, 破壞力更大. 如果係內骨架, 會影響之後外甲既組裝, 如果係外甲咁樣按法, 會影響外觀形狀...
所以我覺得用必膠既方法無縫, 應該用普通果隻膠水好d (其實你post果頁又係講左, mr. cement 同 tamiya cement 都係可以咁做)
另外, 有人提到用aa膠同綠蓋易爆膠, 先講綠蓋易爆膠, 我反而覺得綠蓋痴野勁實好難爆膠, 除非溶錯膠例如有人提到既abs, 跟本溶唔到所以無真正痴實左, 否則兩面既膠溶左埋一齊既話基本上變左一件, 真係好難爆, 有時我痴錯野想分番開要用刀湯開佢先得, 所以平常力無理由咁易爆.
講番aa膠, 佢係萬能係快係好, 但係唔係快靚正, 因為佢有三個問題, 第一, 佢會令膠件變脆, 受唔到力好易爆, 好多時搬模型出出入入爆襯都係d aa膠位! 第二佢太硬, 打磨果時磨損隔離d膠都未磨完d aa. 第三易白化上左色既件就盡量唔好用aa 膠
以前我砌科幻時都係一支aa走天下, 成日爆成日爛又成日整到污穢不堪, 跟住學砌其他模型先發現膠水既重要性同點解出左咁多種膠水. 夾飛機身或者痴細零件時最好先定位再滲綠蓋膠水, 車車好多時要厚噴油好易o拿溶底層或者d膠水/筆地收縮現條痕出黎, 所以夾口要用d小收縮既物料例如aa膠或者塞d原膠料入去. 車車又好多時要上完色先痴parts同玻璃, 此時最好用唔會溶油既混合膠 (ab膠) 或者白膠漿. 仲有d夾口位要好食得力既話我會響裡層塗混合膠將佢補強.
希望呢d經驗幫到你地, 唔會因為用錯膠水而令本來好好既作品因此而破壞. 亦無心對教你地野既人有批評. 用得好既話佢地既方法無問題, 只不過佢地有經驗知道點樣處理, 不過d細眉細眼既野無留意講姐~
|