重難過砌木帆船 .... 加油 ~~~~

多謝！  請得閒來頂多兩野.....


達文西是天才.......  我就玩木材......  


多謝支持！    也不算什麼大製作，但隻野砌起都幾大.....


木帆船難砌ｄ！  我有朋友砌隻木戰船砌左十幾年，都仲只係搞緊ｄ龍骨.....  睇見佢隻野就...
我會努力，謝謝！

養貓既人一定唔砌得呢隻野, 個底座同比隻貓磨爪到果個架有九成相似!

萬一如果隻飛行器爛尾，將個底座條柱繞上麻繩，送比你隻貓做禮物......  

[底座上色]

木底座整好後要先同佢上色，但要保留木紋，用一般模型油唔太適合..... 因為油漆會留係木材表面，會遮蓋部份木紋.......  
Call 左幾個朋友尋找協助，卒之搵到一位中式木傢俬師傅問路......   得師傅指點，去五金／油漆店買「色精」(又叫「索色」)，可以將木材表面染色而保留天然木紋.....  

於是到五金／油漆店買左呢隻「伊度巴」色精，係水性塗料，直接塗上就會滲透入木材表面裡，約 20~30 分鐘就乾，有需要可以乾後再塗以加深顏色.....
有唔同顏色選擇，我揀左編號 #307「酸枝色」，啡色帶點紅，夠古典味、望落又幾高貴......

上色材料：「伊度巴」色精 (酸枝色)、白光布包住「威士」紮起球狀 (用黎索色精抹在木材表面)、即棄手套.....
[attach]275088[/attach]

上色前的底座。
[attach]275087[/attach]

上了兩浸「酸枝色」色精的底座 (未上光油)。
[attach]275089[/attach]

[attach]275090[/attach]

呢隻「伊度巴」水性色精，好似水咁稀，第一層搽到木面都幾快就「索」入木裡 (滲透速度視乎不同種類木材的密度)，但發色唔夠厚實，要乾後再上多次....  
上第二次色時，色澤加深了，但發覺滲透程度已不及第一次，上得太多層其實都會在木材表面聚積的，所以也不能上得太多。

上完兩浸色精後，隻色都算唔錯，不過如果可以深少少會仲好..... 其實可以用色粉加入色精入面調色，但始終第一次用色精，暫時唔搞咁多野，吸收下經驗先....

上完色乾透後，可以上力架 (光油).....


待續.....

[ 本帖最後由 patmb 於 2009-4-12 06:05 AM 編輯 ]

起身見到就頂！
師兄加油！

[ 本帖最後由 戰斧 於 2009-4-12 11:09 AM 編輯 ]

顏色幾好, 遲D睇你上"力架", 學下野, 我都有幾盒"木"未開始, 你做 Pilot, 睇你頭啦

剛發現 你用個 Keyboard 同我個同款, 莫非老餅 D taste 都系咁上下

[底座上力架 (光油)]

底座用色精上色後，放低幾日，原來顏色會變得更深，更加美觀......        跟住就上亮光力架。

五金／油漆店買的「力架三寶」：亮光力架、3054 力架開油水、排筆。
不過呢隻排筆質素麻麻，上力架過程中有少少甩毛......
[attach]275119[/attach]

上完幾層力架後，打磨拋光。使用基本的砂紙、粗同幼打磨膏。
[attach]275120[/attach]

拋光完成.....  顏色唔錯，又立立靚！  這是底座右前方。
[attach]275121[/attach]

再來一幅左前方。
[attach]275122[/attach]

底座底部貼上絨毛貼紙 (在文具店另購)，可以防滑。
[attach]275123[/attach]

底座完成，可以將 80% 完成的機身 mount 上去影相。 好快有得睇。

待續.....

[ 本帖最後由 patmb 於 2009-4-14 04:56 AM 編輯 ]

嘩超pro

多謝戰斧兄支持！

放幾日假，戰斧兄搞緊ｄ乜？


對上一次玩力架已是Ｎ年前的事了，其實今次上力架上得唔係咁好......     不過有層光油算了.....
貓兄幾時同果幾盒木模型開光？  心動不如行動喇！

個 Keyboard/Mouse 係 Microsoft 1000 套裝，以前同「網上痕」特價買的，都無話特別揀的，因為當時佢得 Microsoft 同 LogiTech，但 LogiTech 無晒貨。

咦~~  貓兄你有玩 walkie-talkie？  定係工作需要？  

[ 本帖最後由 patmb 於 2009-4-12 01:22 PM 編輯 ]

貨車佬又笑小弟........  

啊! 學到野啦, 我以前玩 "力架" 油完之後總系覺得唔平滑, 磨左再油後一樣, 原來無打磨, 就當系砌車咁"拋光", 是嗎?  得啦, 可以搵盒"木"野出黎 點火啦

個Mon 側邊果唔系 Walkie Talkie, 系 Alinco 既 All Band Receiver, 以前玩無線電通訊買既, 依家有時用黎聽 Air Band

嘩

又頂一下...

以前讀中學上木工堂時，上力架最初果幾層 (2~3 層起碼，多少層視乎需要的效果而定)，係用排筆手油上去....  

力架乾得好快的，所以如果開得太杰，好易有凹凸筆紋.....  但如果開得太稀，又會水汪汪，周圍流.......    有ｄ師傅或教學話用 1:1 開 (力架：開油水)，但我覺得可能都太杰左ｄ，可以先用 1:1.25 試試再調節。

用排筆上完力架後，其實表面都唔會好平，就算夠技術的，可能都只能做到「平而不滑」.....  所以要進行第二步驟：拋光。

傳統木器傢俬師傅做法，係用排筆油上力架乾後，用光布包威士 (可參考我的「上色精的工具」一圖)，將開得更稀少少的力架輕力打圈「卒」上去，可以將表面「卒」得平滑。 我以前上木工堂都係咁樣做過。  
呢個步驟，比用「砂紙 + 打磨膏」的方法安全，因為唔會磨穿，而且較易做到較薄的力架層 (薄層力架在木器表面，睇落會較自然，力架太厚望落會怪怪地)。  不過進行呢個傳統拋光步驟，一般只會徒手做，不戴膠手套，因為膠手套會溶.....  所以會搞到隻手黐立立、又好臭......

不過我最後都係當佢砌車仔咁用左「砂紙 + 打磨膏」呢個方法，始終係較有經驗，對我來說是較易掌握；而且唔想用傳統光布「卒」的方法會搞污漕隻手....
力架要上厚少少，但唔好太厚，以免失真。  用砂紙打磨咁大個平面，最好用平整的硬物托住砂紙來磨，會較易磨得平整。

快ｄ點火啦！  好好玩o架！


哦~~~  原來係 all band receiver！  咪可以偷聽差佬講野？

[ 本帖最後由 patmb 於 2009-4-12 10:00 PM 編輯 ]

多謝 pbaa 兄又來頂一頂！

extra long weekend，pbaa 兄係咪全速搞緊你果幾個火頭，定係又開新野，火上加油？

哦~~~  原來係 all band receiver！  咪可以偷聽差佬講野？

唔係好得啦, 大部份轉哂 Digital lor...白車台可能重得...


patmb兄, 我 long week end 左好耐...

半速搞緊果幾個火頭，又開左架F104DJ...

How do you spend your holiday

除左人生四大元素：「食、目訓、屙、玩」之外，咪係度發下「飛翔的夢想」囉.......

咪系! 轉曬Digital! 何奇無隱 就連室內無線電話都轉埋Digital ! 懷念以前Analog年代, 大氣中多姿多采, 疑似靚女李嘉X粗口鬧人, 賽馬貼士, 真系乜鬼都有得聽 有個朋友住西環有條件系天台奘天線, 樓上樓下D電話全部都聽到曬  不過即使以前, 差佬有重要野好多時都叫個伙記用 land line

好! 搞掂隻 Renault 貨櫃車, 跟住隻 F4J Showtime 100, 就可以開盒木模型玩下先

Hay!  想問一下, 「力架三寶」：亮光力架、3054 力架開油水、排筆。

我己經有二寶, 力架開油水同一樽樽散賣既天拿水有無分別??

呢幾日整緊架保時捷獵虎.

[ 本帖最後由 戰斧 於 2009-4-12 07:27 PM 編輯 ]