用哩個例子黎講,你肯定係讀子,我唔質疑你,但係又係去到數字問題,除左靜電之外,
係實際應用緊既產物,好多時會用到升壓從而做到變頻既作用,高V但低I,果隻牛電你唔死,但足夠你HI一HI,
我試過用手模220V嫁,你應該聽過D師父話用手背試電嫁?點解又電我唔死呢?就係你指出既R啦,當然我企左係把木梯到啦,就FIT晒我話12V比粒LED包燒,你話仲要睇埋R一樣,
咁邊個錯?你同我都冇錯,只係大家睇既野唔同,點解你會明白指左手落220V會死呢,因為你會知道果到output current高,我唔會話你忽略左R即係我人體既電阻值同埋我企係邊一到,好似木梯咁,咁就即係冇野搵野黎講,從ohm law黎講又係冇錯過喎!點解我話12V駁落去包燒,因為我慣左,好多電子DC上常用9v,12v,24v,你去鴨記睇下d牛都係咁既規格,甚至帀邊抽頭,一邊頭12v,抽兩頭黎用就24v,就真係好少諗到12v output但係得0.05A.你要堅持我錯等同我話你插隻手落220會死係錯.
我諗大家係個腦入面諗緊電係點樣,最基本都冇錯,係睇法同誤解既問題,我同你最大既分野係你諗點計我諗點做.

就睇返你既文章,計算以及得出既方案,就當我所講既全部係錯先,你提出使用9v電池既方案,
在你計算在我睇法都可行,我冇講過任何"唔得,咁唔著會燒"之類既說話,既然討論,我指出哩個方案既不足係咪咁唔應該呢?如果要講唔關我(你)事,咁你同我一早都唔需要回哩個post啦.
在你觀點,計算後哩個方法可行,搞點.
在我觀點,
第一,30幾粒LED用電池推起,唔係唔得,但我會諗哩部係模型,換電唔方便,兩野D電就玩完,加上會變暗,除非要方便裝拆,唔想見到電線,美觀(題外話,好似而家人地結婚個後台掛起幅紗果 D,就會採用獨立電池,成百幾粒點解都唔用火牛比電?)第二9v電貴,而且難買,當然講到哩到就係我個人觀感,你講一句唔係我用,你又知樓主覺得唔方便咁冇野好講啦.
所以我就話用火牛直接比,簡單易做,又有埋穩壓,咁大家個方法都行得通架,220直接整流落電阻又得架,咁討論就係咁嫁啦?

我唔係做電子設計,計數我亦唔叻,下下計晒數買料自己砌KIT仲得掂既?大約要幾大買料改一改就算嫁啦,自己心中有數,
如果你係教緊電子理論我唔反對你,分分鐘你教得好過我,
重申聲明計係咁計做唔係咁做我只係FOR你手作果一part姐,唔洗咁快著著地既.

損耗電流即元件消耗既能量,暫時我唔認為我有講錯野.
消耗電流我好少聽到,都係果句,我見識少,讀書同做野我都係咁講,我會求證下,去yahoo search "消耗電流"的確有哩個詞語,但你亦不妨試下search "損耗電流"睇睇大家交流下.

我從冇講過改變電壓可以改變led既光度,你哩D咪理論人仕囉,我去鴨記買咁耐野就未見過人地賣野LABEL分類用A,包括我買左把扇整抽氣箱,
有DC12V,DC24V,AC220......N咁多隻,借問聲你我把扇就DC12V啦,咁應該比幾大A呀?點樣駁呀?

果幾句說話你覺得我係廢UP咁冇料到既話,咁哩個POST交返比你啦,諗住黎吹吹水變左打成篇野冇左成粒鐘,仲要比人串,
打下機好過,我知自己D錢唔係吹水搵返黎就得,又未燒過野又未電死過人,文字上得戚唔係絕對既.

阻左各位既時間真係唔係好意思,希望各位砌模型砌得開心!小弟暫時離開香港啦,
等睇樓主成品,努力!

[ 本帖最後由 舊渣古 於 2008-12-16 09:16 PM 編輯 ]

如果一開始就搬左"文化高低"黎講, 咁重有乜好討論? 討論只有論點,並無文化高低分野! 你一開口就話自已"文化低", 即系暗示人"自持文化高", 話人捉你"字虱"! 用番你既講法, 實驗最重要, 但如果無一個基礎, 點去開始呢? 並非每個人都有呢方面既知識, 有一個基本既Guideline 不失為一件好事!  如果你認真D睇下我既Post, 我一開始就系以網友提供果個網站為討論基礎! 如果要深入討論電子線路, 我就無本事, 你系半個電子人, 我就連半個都唔系, 頂多我可算系一個電子愛好者而已!  所以我並唔打算逐點去回應你!

我話"唔關你同我事"既意思就系我會提供一個意見, 點apply 系 user 既決定, 我系唔需要去幫佢考慮"  .... 換電唔方便,兩野D電就玩完,加上會變暗,除非要方便裝拆,唔想見到電線,美觀....." why should I care?  而我既Post 亦系以呢個做 base, 如果你系咁關心既, 咁系你個post 就應該 比個 Full Solution 人, right?  你又要認同我既講法無錯, 但又話我講得唔實際, 我就有點摸不著頭腦!

Anyway, 重要一點就系你話"... 我同你最大既分野係你諗點計我諗點做..."呢樣我絕對唔同意, 你既講法就系用我系學術派, 講多過做, 唔實際, 但請你再翻看我既Post, 數據, 你應不難看到方法並非我提供, 我只系引用網站上面calculation model, 認同佢地所提供既資料 (希望你亦有到過果個網站睇過), 如果你以為呢D都系不設實際, 咁你應該challenge 既系果個網站, 話比大家聽問題系邊度,  而唔系話自已"文化低", 重實際而不重理論等等...!  

我希望你會同意所謂"實際" 都要有理論為基礎, 如果唔系我地就叫呢D做"靠撞"!

給舊渣古 會員,

如果你覺得我系度"寸"緊你, 我願意同你講句對唔住!  我從無心去"寸"任何人, 更加無想過要"寸"你, 吹水文章, 嘻嘻哈哈就算, NO hard feelings! 可能我無你咁執著, 我明白自已唔一定系對, 但自已覺得對既就要堅持, 直至證明左系錯既就當然要認, 更加應該去改!

簡單回應你以上兩個 "Hot" post,

1)  "消耗" or "損耗", 我並非話你錯, 雖然我覺得字面上系有分別, 但重點系如果你 Quote 我既說話, 請如實一字一句, 唔好改, 原因我想不難理解, 又或你話我用既系錯既. 應該系咁....

2) "我從冇講過改變電壓可以改變led既光度..." 你的確系無講過, 我亦無話你講過, 但你確實系話 "...搵粒LED比12v,包燒..", 我系針對呢句說話講既, 希望你清楚呢個"包"字既意思, 你講得咁肯定, 我就用番肯定既tone去回應, 就只系咁既意思, 如果我系要"寸"你既話, 對你咁質問我 "...你哩D咪理論人仕囉,我去鴨記買咁耐野就未見過人地賣野LABEL分類用A,包括我買左把扇整抽氣箱,有DC12V,DC24V,AC220......N咁多隻,借問聲你我把扇就DC12V啦,咁應該比幾大A呀?點樣駁呀?..." 我會同你講

"師傅你講得實際做咁重要, 駛乜講丫 (就算講你都唔信啦) , 隨便搵隻火牛整流出黎, 又或者搵舊水電駁埋去試一下, 唔對再改囉1"

討論變成咁就系人身攻擊啦!

如果你上黎吹水, 花左時間又覺得唔值得既話, 咁就真系打下機, 砌下模型好過!

[ 本帖最後由 vr2xtd 於 2008-12-16 10:06 PM 編輯 ]

小弟讀電子和做電子維修的。

以小弟的知識。希望可以幫到你

我建議你用並聯的方式去接LED~

在Led前加100歐母電阻(電阻色環:宗黑宗金)。<==點解要加電阻？？(作用是用黎限流的，雖然話Led好耐用，但防止電壓唔隱定加左會耐用D~)

電源電壓方面.......視乎你用咩色LED~

通常~紅色=1.5V  ~綠色,藍色,燈色=2V  ~超光LED=2V-5V

依家欠電源接法。

我建議用串聯方式接駁。即  ( +口口口口- +口口口口-  ) 咁接。

我諗應該可以架喇。

兩位，冷靜一點。

消耗=用左,有作功的。一粒Led要用200粒電子1秒。咁佢ga消耗=200~

損耗=浪費,沒有作功。例如:齒輪運行得耐，會有損耗

講講下個人燥左,唔好意思!我say sorry!
講返正題,沖完個涼,諗左陣,諗下已前做野又諗下實際用既電子野,睇左陣書,發覺唔指手法,思維上你都有錯誤!
我諗今次可以講得比較清楚啦!
長話直說,冇視電壓,只需供給合適電流哩個講法絕對唔正確!我堅持己見,12V比LED,一定燒!
最衰冇左部POWER SUPPLY係到,唔係我拍埋片比各位睇.
實例:手提電話,我粒電係3.7V,1300mAH,
如照你所講,固定1300mAH,就算370V都冇問題?我話:一定出煙!
同你觀點完全相反,我話固定3.7V,電池130AH都冇問題,部電話仲耐用左n部!!

首先,假設一個需要12V,損耗5mA正常工作既電路作例:
比夠12V,但電流供給不足,只有1mA,就會發生電壓降,供電既一方被拖低電壓,假設係火牛,咁哩隻牛一定會嚴重發熱,有保護就會燒入面既熱敏電阻.
但對於次級(接受電源既一方)就唔會燒燬,只係有機會著唔到機或者神神地.

相反:
輸入220v電壓,6mA既話,即時出煙!
你根本搞錯左個理論,高電壓,非常低電流一樣可以電死你!點解咁講呢?因為當電壓高到一個程度(起碼講繄KVA),係可以BREAK DOWN 擊穿 R,亦即近乎short circuit,
哩個時候你再自己用ohm law計一計講緊KVA既電壓,A會上升到咩地步,電唔電得死你?哩個正正係我所講電壓同電流係兩回事,但係又係不可以分開既說法,亦都係計算
同實際上既分野,計數你隨時改過數值計算當然冇問題,但實際上會唔會有咁既情況出現呢!

仲有你所講話見過220駁整流子點LED,咁已經係正正做緊降壓哩樣野,只不過方法唔同,我用火牛線圈降壓,你彩用loss既方法降壓,而我用火牛降壓至12V,最大提供到幾多A就決定係隻牛
線圈做幾大!不妨搵隻火牛睇睇佢,人地寫明幾OUTPUT幾V,幾mA,電池會寫mAH,而用電既一方多數會寫幾W,
即話比你聽佢會損耗幾多電流,W計算返用幾多A,相信你識啦?
就係咁,假設一把抽氣扇要800mA,兩把就要1600mA,DC12V係佢原設計得出所需要既正常工作電壓,
我只需要搵隻火牛係12VDC(我果隻係13.5VDC,高少少係唔怕既),然後哩隻火牛既最大供電量係超過1600mA就冇問題!
電池點解要寫mAH,就係講緊計算損耗電流,2000mAH,即係話哩一粒電池放置係一個行2000mA既電路上面,一個鐘就會用完,而放係一個只需500mA運行既電路上面,
哩粒電池可以用4個鐘!

而唔係哩粒電子OUTPUT 2000mA,而你個電路需要100mA,你就加電阻去降低電流,錯晒!
一粒普通LED你都知只需要20-30mA既電流流過就會發光,咁一粒AA電你望下佢output幾A?咁又係咪要加電阻?
我部PS2上面駁左隻GUNDAM HEAD,我係USB到攞電,USB我知係5V,就算唔清楚,用他錶度一度都知,
因為我果粒係超藍光LED,需要正常工作電壓係3v,但係ps2個USB比到幾大A出黎呢?我唔肯定,冇實質數字,但你會心中有數,咁細過usb比你插下老鼠同keypad,
大A得去邊?雖然佢唔會好大A,比盡1A,但係已經足夠晒比一粒LED啦,就係咁,我試過一正一負直駁,冇燒,幾光下,但係長遠哩粒LED一定快死,所以我加左電阻,
係降低電壓至3.5v,加左粒幾大我唔記得,我而家都懶得計,所以我既目的係降壓,唔係降電流!但當然我加左電阻之後,係哩一個閉合電路上,收ohw law既關係,A一定會有所改變,
但其實根本唔係我要注意既野黎,所以!!
我話我同你既分野就係哩到啦!我無貶意,你就仲用ohm law計,我就一估幾多粒LED,一粒用幾多,粗略一計就比隻咁上下比到足夠A數output既火牛,比啱V數,已經搞點,
仲洗乜左計又計!我絕對同意所有實際建基係理論上面,但我亦都想你明白"斷估"之中其實一早應用左理論,我斷估之中都需要理論,只不過係攞大概數值!
反問下你冇視電壓哩點你自己實驗過未先?你係計晒數但如果冇實質試過又係咪斷估先?

經過哩晚,我d記憶翻晒黎,真係好多謝你!打左成晚字都值得既!
而家我就好肯定講一句你話唔洗理電壓只要比啱電流粒LED係錯既!改變電流控制光暗亦都唔啱,我有機會攞返部POWER SUPPLY做過實驗比你睇!

哩鑊吹水有價值,溫晒書!

男人講野有時燥左D,損耗=浪費.....又等我去問下D師兄先,多謝提供

好高興聽到你話"d記憶翻晒黎","哩鑊吹水有價值,溫晒書!"  

如果你講咁多只系要證明你對,我錯, 不如簡單D,

"師傅, 你系對既, 我錯!"

不過"師傅"你依然忽略左兩件事,

1. 我無用Ohm's Law 黎計, 從頭到尾, 讓我重申一次 (希望系最後一次), 我所提到既系網站上面既 Calculation Model. 即系一個計算機, 一個買LED既供應商提供比網民去認識如何接駁LED及計算限流電阻既計算機, 我只系用Ohm's Law 去解釋 (試圖解釋). 電壓, 電流,電阻 三者關系, got it?

2. 我話唔駛理電壓, 亦都系 Base on 呢個 Calculation Model 所講

所以我都系話最好你去睇一下, 番黎再話比大家聽, 人地既系咪"斷估先"?

Power Supply 我就有幾個, 大至十幾A都有, 但我就唔認為用Power Supply 可以證明D乜野, 當然我尊重你既睇法!  如果你話唔知USB 出幾多電流, ".... 我試過一正一負直駁,冇燒,幾光下,但係長遠哩粒LED一定快死,所以我加左電阻,係降低電壓至3.5v,加左粒幾大我唔記得,我而家都懶得計,所以我既目的係降壓,唔係降電流!但當然我加左電阻之後,係哩一個閉合電路上,收ohw law既關係,A一定會有所改變,但其實根本唔係我要注意既野黎...." 我已經明白大家對電子電路既理解系有不同,  所以再討論落去根本就無意思, 就咁算啦!

其實樓主只系要知道點駁幾十粒LED, 會員所提供既網站已經比左所需答案, 相反, 你實幹既又提供個D乜?


BTW, 唔好怪我又捉你"字虱", 你文中話 "...我只需要搵隻火牛係12VDC(我果隻係13.5VDC,高少少係唔怕既),..." 我則唔相信你會搵到一隻火牛係出DC!  以一個"半個電子人" 唔應該會搞錯 AC  同 DC (希望你真系寫錯)!

[ 本帖最後由 vr2xtd 於 2008-12-17 02:53 AM 編輯 ]

再Post 個網址比你參考一下, 強烈推薦閣下去睇睇, 溫故知新..

http://ledcalc.com/#calc

唔好意思, 今日最後一貼, 再認真看"師傅"你既Post 頭一段

Quote

長話直說,冇視電壓,只需供給合適電流哩個講法絕對唔正確!我堅持己見,12V比LED,一定燒!
最衰冇左部POWER SUPPLY係到,唔係我拍埋片比各位睇.
實例:手提電話,我粒電係3.7V,1300mAH,
如照你所講,固定1300mAH,就算370V都冇問題?我話:一定出煙!
同你觀點完全相反,我話固定3.7V,電池130AH都冇問題,部電話仲耐用左n部!!

Unquote

1) 你會否是斷章取義? 我想從無人提過無視電壓 (事實上"冇視電壓" 系阿"師傅"你首先提出),  我只系話電壓系唔重要, 因會用電阻去adjust番 (Base on Ohm's Law) 我有無講錯? 而大前題系我地講緊一個 Specific 既 calculation model, designed for a specific purpose; 系呢個case, 就系用唔同既電壓接駁不同數量既 LED, 清唔清楚?

2) 其實你會唔會混淆左 "容量'" Capacity 同"用量" Consumption? (即如"損耗" Loss 同 "消耗" Consumed)
3.7V 1300mA 系指3.7V電池有1.3A既容量, 你應該明既, 因你之後都提過! 但你提到呢個 並非我既"觀點", 所以你唔可以話 "..同你觀點完全相反..", 你只系提出自已兩個相反既所謂觀點, 並非我既觀點, 留意!

你依然系對, 我錯, 但系請唔好將你既想法當系我既觀點, 謝謝!

[ 本帖最後由 vr2xtd 於 2008-12-17 03:47 AM 編輯 ]

嘩.....精彩過好睇過亞視高層變動事件 (起碼這裡學到野 )
各自講自己個套才對不如係聚會出來即場做個實驗好讓大家清楚明白, 唔駛我地估估下都唔知邊個做法先係對的
(路過只是個人意見, 不喜勿 呀)

[ 本帖最後由 Plane007 於 2008-12-17 11:00 AM 編輯 ]

你一方面認同 Ohm's Law (即你所講既 ohm law), 但另一方面又唔信佢? 咁究竟系點呢? 定律 之所以叫做 定律就系因為佢既準確性! 當然大家明白現實中會有多D變數 (我之前亦提過), 比如個別組件既差異等...但大體上出黎既結果會相差好少, 亦基於呢個因素, 我地可以用個"定律"黎引證番電路設計是否有問題! 我覺得正確同負責任既態度唔系乜都"靠估" 出黎, work 就算! (無錯, 可能你都系有個概念做基礎, 但你又點知你有無搞錯呢?)

無所謂邊個做法對, 如果你話系只談結果的話! 但如果出左事, 樣樣都系估出黎既, 除左始作俑者, 重有邊個跟到?

用個容易明白既方法, Again Quick & Dirty, 電源就系一筒水, 電壓高低就系個筒既大細, 經水管到用家, 水管既粗幼就系電阻值, 於一個指定時間內流經水管既流量就系電流, 用家需要用既水量就系消耗! OK??

個Setup系固定既, 即系打開水就會系一個指定時間得到一個指定份量既水, 無問題, 正常工作! 但如果用家想快D, 有兩個做法, 加大個水筒 (即加大個電壓), 水壓大D, 又或者改大條水管 (加大電流), 流量大D! 反之亦然, 當然當電壓低到一個程度, 呢個Setup 就唔能夠工作, 即所謂既工作電壓, 物理常識101, 高電位流向低電位, 所以供電電壓最好大過工作電壓以便提供一個stable 電源!

系你 "3.7V 1300mAH" 個舉例度, 你並無講你部手機用電量, 不過絕對唔會系1.3A掛!  所以你話轉左370V “一定出煙!” 就即時變成好片面!

拖得太遠, 講番LED, 如果你有去個網站睇下人地個model 而唔系閉門靠估既話, 你就會發現系輸入果度人家會問你 Voltage Drop Across LED, 即系你隻LED既工作電壓, 再計出一支寸聯電阻, 跟住人地就會畫埋個接線圖比你睇, 話埋比你聽電阻需要既功率, 所消耗既功率, 你話咁系唔系比你靠估來得實際呢?

可能你真系無去睇過, 有電路常識既不難會睇出呢個本身就系一個 Voltage Divider, 但正如我先前所講, 樓主只系想知點接30幾粒LED, 有無必要討論得咁深入呢?

你成日話人"冇視"電壓, 如果乜都唔改而加大電壓 (好似你既做法咁) 先至系無視電壓, bottomline 就系改左電壓, 相應既R值都要改變, 清唔清楚? 即用番呢個setup, 我睇唔到用370V 比你個手機系技術上會有乜問題, 你都明白220V整流加電阻點LED系可以既, right? 你乜都唔改而加大個電壓, 然後就” 屈” 人話系人地既”觀點”, 再話人系錯, 咁我只好話你”對” !

現實中點做所考慮既好多時並非單單技術問題, 重有安全因素, 可行性, 成本..等等..( 你會唔會為左用220V AC 點粒LED而加隻火牛呢?)  你不妨去問一問你D師兄再番黎話比我聽我有無講錯! 即系有個好D既方法, 我當然會選用, 正如有一個計算機當然唔需要用心算, 並非我唔識計! 但你就會反其道而行, 去估然後話人計數系多餘, “實則唔係咁做” 云云..

降壓又好, 限流又好, 系呢個計算model度個支R作用已定性左系 "限流", 不管你同唔同意, period!

我份工同大細電都無關, 但如果我無估錯你系做"大電"既! 多謝你指出我” 唔指手法,思維上你都有錯誤!”, 同你唔同既就系我唔會話人” 寸”我, 如果你講得對, “寸” 又何妨, 我反而要多謝你添! 唔理你講得對與否, 我都會檢討! 不過如果你願意睇清楚D, 明白哂所有要點再講可能會更有說服力, 而唔系好似你所提既其他野一樣, 都系估既!

當然你可以繼續用Power Supply 去"燒"LED, 我就無興趣浪費時間去"證明" D 已知既野 (即如你唔會真系用370V接落部手機一樣), 不過我既意見就系你唔需要放段片上黎, 擺上YouTube重好啦!



N.B. 太"寸"啦  就連 "串聯"都變左 "寸聯", 上面講既正確應該系 "串聯電阻"至對, 加隻註腳說明一下, Sorry!

[ 本帖最後由 vr2xtd 於 2008-12-17 01:38 PM 編輯 ]

“….而家我就好肯定講一句你話唔洗理電壓只要比啱電流粒LED係錯既!改變電流控制光暗亦都唔啱,我有機會攞返部POWER SUPPLY做過實驗比你睇!..”

系, 我系錯既, 但我不得已又一次重申我從無話”唔洗理” 電壓, 可能對你呢講, 唔重要=”唔洗理”, 我系話”唔重要”, 因會用R黎 adjust番! 原因上面既Post 已經講左, 或者你需要重看一次, 唉! 你又一次將自已既想法當系人既!  

借左隔離版會員 Plane007張相, 呢個系市面上出售既LED Tester, 除左睇LED著唔著, 亦可知系唔同電流下既亮度, 佢用既系9V電, Seeing is Believing, 唔需要麻煩你搵番個 Power Supply出黎啦, 如果系電壓控制光暗既話, 呢個LED Tester 上面既標示就應該系 1V, 2V….5V…..

可能你要再去溫多一次書!

唔洗叫我師傅,我二十未過一半,未去到老屎忽境界,不過好多謝你咁俾面!講左咁耐,或者我都應該稱呼返你一聲V兄!
其實大家夾埋打左成千字有多,都係想搞個明白,我打左成晚唔係想你話自己錯,大家都冇話會嘈到火紅火綠,講得咁多野,我地都明白對方識得最基本既理論先,但係你仲講緊話我對"ohm's" law唔認同我就真係有少少比你吹漲!你仲未明我講緊乜!
我而家根本唔係想同V兄你嘈邊個唔著,有鬼好嘈咩!你唔識我我唔識你!我係想係你同我之間搵到共識,因為電哩家野冇得主觀,得就得,唔得就唔得!而家好肯定套Led你駁同我駁都一定搞得點,咁大家問題出係邊!?就係想搞清楚佢!我斷估既意思你仲係誤解左!不過斷估兩個字係我自己講既,哩個字眼講出黎就實係死罪,邊一行都係,你要係哩一點黎講我亂黎呢,咁我冇野好講,但我可以好肯定答你一定安全,唔通我買把電鎖返黎,亂咁買線亂咁駁220入去會work?你有得power supply就應該明我講咩,你部power supply有冇得較A output呢?我果部就平野,冇得較,Max 1A姐,如果overload,應該會有紅燈閃警告,再一陣cut電,帶出少少我所講估計幾多A既問題,如果冇overload,power supply max 2A output係夠比既話,我就算搵部5A,10A既都冇問題過喎!部野會貴左囉!成本貴左囉!個circuit只需要1A我唔會on居到買隻10A既牛比佢嫁麻?成本我緊張過你!講個例子會清楚d!
一個circuit正常用600mA,預算埋起動個下要800mA,正常黎講,比隻出到1A既output牛已經可以,首先哩到你同唔同意先?再黎,因為哩組線路可能會需要再後加其他野,個客屎忽痕話可能再加d led圍邊,大約100-200粒左右,想用咩色唔知,未定,咁你手頭上個網頁仲幫唔幫到你?醒目你會答我計最高既數值咪得囉,咁如果人地唔係加led,或者根本冇哩個網頁呢?唔址太遠,當用返led先,數你識計啦,你係唔知個實數姐,咁你認為應該買隻幾大既牛好呢?
再一個例,用返led,個客要求五顏六色,又有超光又有普通,要計數一樣計到果喎,但係有冇必要真係慢慢計先?
我係咪先決定用咩火數既牛,哩到當我用24v先,咁你先知成本係幾多,再報價,你覺得咁樣既"斷估"係咪亂黎先?你問得我有冇搞錯耗電量我就肯定你識得我所講大A冇問題,低A拖死supply既理論,只係你仲唔明白我想表達既野,我一定冇搞錯到,其實慢慢我都get到你既意思,但我仍然會覺得你既諗法係有錯誤,但計算上成立!所以我又話你錯,又話你?,或者我改一下用語:
"你係加電阻改電流,燒元件係因為電流,唔係電壓,低電流高電壓係電唔死人,靜電都係因為咁..."我認為你講得唔全面!以上說話完全係正確既,但有野忽略左!識電既人,睇得明你講咩,唔識既人,get到既意思就係
"燒元件係電流,唔關電壓事,只要粒元件用20mA,比到20mA就ok,電壓高左係唔怕既!,好似靜電咁,咁高電壓都冇事,因為電流低!"如果一個學師跟住哩套論理做野,十條命都唔夠死!

我知你base on個網頁黎講係正確,因為入面幫你加左電阻,高V輸入佢又幫你計返用支大d既電阻,所以如果你係咁既意思而話係哩個網頁入面你用幾大V輸入係冇問題既,只要高過就得,咁我一定buy你,我係哩到誤會左你,我say sorry.我完全冇意思話哩個網頁教錯人,唔洗溫故知新,而且我完全明白個網頁計緊乜.

你頭個幾篇我有睇,有人提出串聯成60幾V,你否定佢,一粒燒全部玩完哩d全部都冇問題,得罪果位會員講一句,佢一定唔熟電子.但係睇到你用水比喻既時候,我就有d意見啦,所以簡單答左句,計算上成立,不過實則唔需要咁麻煩(哩句說話我之前解釋左),及後你指出我話12V直駁包燒係錯誤既言理.你見過220加電阻點led,我就開始唔同意你啦!

你話會唔會用220特登加隻牛點一粒led?我答你係有冇必要!問我無理由唔知火牛變唔到dc,哩個問題我覺得好奇怪,經過線圈都仲係ac,再由整流子整流後先係dc,仲可以加粒電容瀘波tim!我講搵隻火牛係output 13.5v,只不過係例如電話差電機個火牛呀,ps2個d現成火牛,黑色成舊做好晒,cut兩條線就用得,可樂而不為?你冇理由唔知我講咩,還是你想講火牛唔包括整流子,火牛只係一個線圈,果 D應該叫變壓器?
遲d再講,有排打.
我而家覺得最大問題可能係我地用文字溝通,分分鐘哩個誤會如果當面討論一早已經搵到共識!
實幹我有指出過!但的確冇好實則咁樣教,你就當我係哩個post冇建樹啦,而家我根本就係最主要同V兄你討論電.
今日亦同其他朋友討論過,得出左少少結論我地出左咩問題,我有時間一定再上黎同你討論!但如果你覺得各持己見,無咩好再講,咁就算啦!
過兩日小弟唔係香港,起碼一星期後先再上到黎,暫時哩個係我最後回應,用部爛鬼電話打咁多字都係第一次,眼都濕埋!唔好意思各位哩個回應入面冇任何野比到大家研究!
當小弟返黎會再上黎,如果V兄話唔想再講既,咁我亦都唔會再回覆啦.

回多個,已經唔洗再搬咩實驗,從對方既文章已經睇到係咪識,如果冇料到吹水既話,我地講左咁多,見左底9年!而家我係信你一定有料到,但講解比人聽個方法出左問題,好易令唔識既人誤解!包括我!正正因為一路同你講,你質問我,我又質問你,先發覺大家有幾多料,咁我咪知你識,知你想講電壓唔重要係咩一回事.

你到底明唔明我想講乜,你就一路講緊我錯,叫我返去溫多次書,坦白講我就覺得你說話唔多客氣,唔該兩個係好有禮貌,不過你係咪咁既意思呢?如果係咁,唔係你興趣討論,係大家冇必要再講

修正
你就係唔明我講乜,哩幅相睇到D乜?你仲係唔明!
哩個TESTER應該係用雷池,我暫時估係3V先!
而每一個PIN位其實都係串左一支不同阻值既電阻!因為有V,有R,就控制到OUTPUT既電流,即塊版所寫既20-30mA,
當將led插落去,其實led本身有內阻,所以不作計算(啱啱暗黑兄講左!)
咁你自己計咪又係係我所講改緊個Volt囉.

V兄,你細心諗一諗我以下講既野先,如果你都係唔認同,我樂意影相比你睇,
我用一部可以改變VOLT 同CURRENT OUTPUT既power supply,正負兩極接駁到Led (而哩粒LED工作電壓係2.2V,30mA)
,OUTPUT VOLT SET 我SET 2.5V,OUTPUT CURRENT 20mA.
得出結果LED著,唔燒,應該同意丫?

跟著我開始改變OUTPUT CURRENT,先減至10mA,OUTPUT VOLT 仍然2.2v,不變.
LED變暗.
咁你咪冇講囉!?咪住....唔好心急.

今次改大OUTPUT CURRENT,30mA.VOLT 仍舊不變,2.2V.
LED變光,仲比起之前20mA更加光.

咁從上測試,證明左改變輸入電流就做到控制光暗既效果,所以從計算上,測試上都會得到哩個答案.
咁仲有咩問題呢?測試未完,再做落去.

今次我再進一步提高power supply既 OUTPUT CURRENT,加至50mA.OUTPUT VOLT仍舊2.2V.
LED可能會再變光少少,但如果我再提高60...70....80...100mA都好,LED都唔會再變光,但係唔會燒.
哩到可能就係A兄最唔同意既地方,唔緊意,再談.

輸到改變OUTPUT VOLT啦!
OUTPUT VOLT 1.5V ,OUTPUT CURRENT 20mA.
LED暗左.

OUTPUT VOLT 3V,OUTPUT CURRENT 不變20mA.
LED光左,比2.2V光.

OUTPUT VOLT 4V....5V....6V....10V.....,OUTPUT CURRENT 仍舊不變20mA.
LED越黎越光....燒!

[ 本帖最後由 舊渣古 於 2008-12-17 11:51 PM 編輯 ]

點解水貨機110駁錯220會出煙丫?假設110輸入後部機降壓至12,咁哩部電器內阻係不變既,有左V同R,從而得出I,咁哩個就係哩部電器需要既電流,唔係我所講火牛最大既比出黎既電流,你明,我明!
比錯左220,高左一倍,原來應該降到12V變左24V,內阻不變,再次用計算,V高阻,R不變,得出A數高左,元件設計受唔到咁大電流,燒

以上實例係想證明降壓係重要一環,R不變但係一樣可以改變電流,所以我話你只講加電阻改電流唔全面,燒元件係電流過大亦都唔全面,你忽略左電壓對於電流既影響
燒元件同電死人的確係電流,但就絕對電壓係一個好重要成因,靜電電到人既一刻其實一d都唔低電流!正因為非常高壓,將空氣同人體哩個媒介打通!即空氣係R,當你差唔多接觸到(如車彀),高壓既情度直頭連空氣既R都擊穿,計算上空氣R應該係非常大,所以我隻手指係220插蘇面,只要唔點到入去,R係大到A完全唔會流到過我身體,但靜電就高至令哩一支R可以有A流過!得出既A絕對非常高!就係電流通過空氣哩個R傳到你身!如果A真係咁低,根本流唔過R電到你!咁點解又唔死得呢?係A底,不過唔係發生果一刻流通既A,係儲左既A好底,即係個source,係發生電流通既一刻,哩個source已經完全拖走晒,講緊既係一瞬即逝,點解電完你一下之後短期都唔會再有電亦是如此!如果假設source係可以長期供應,電到識出紫電魔蛇都得呀!

[ 本帖最後由 舊渣古 於 2008-12-18 06:13 PM 編輯 ]