其實我不是針對某論壇或某些人，只是有感而發而已，我在FB也有post相同的說話...

事緣某天我在逛google play看有什麼遊戲好玩，通常看user comment最多看到的是"很好玩呀, 5星", "不好玩的, 1星", "不懂怎開始的, 1星", "為什麼沒中文版?, 3星", 有時也會看到"我都沒信用卡，怎買點數, 1星"
看完只會想這些人可不可以說得清楚一點，完全不知怎評價這遊戲
直到我看到一個 "這遊戲很好玩呀，我都比爸爸媽媽高分 d(^.^)b, 5星"....... 我應該怎去演繹這個comment?
我不會跟我爸媽玩遊戲拼高分，我想2x歲的也很少，最有可能的是1x歲或更小的... 那就是一個小朋友呀!
他 / 她就是覺得很好玩，所以給這個comment想與人分享他贏了爸爸媽媽的喜悅而已，他根本不懂得怎去有條理地分析這遊戲的好壞再打分
他可能從爸媽手上得到一部入門手機，為了不讓他亂花錢便為他開一個獨立的、沒有信用卡的a/c給他玩
這也解釋了為何總是有人埋怨google play不能買點數了 (現在好像有了...)，因為他們可能真的只是小朋友呀 (但用十圓八塊買點數倒是買得起的...)

其實由這個思路推展出來，網路上、在不同群組當中 (論壇也好, intagram也好, icq也好, bbs也好)，可能都有不少這些小朋友 (年齡上或技術知識上)
既然如此，當遇到白目的人，是不是一定要將之撲殺呢? 誰又沒做過菜鳥新手? 現實中我們也會說"做人留一線，日後好相見"，為何在網路上卻不能?

現在看post遇上白目問題，沒心情沒時間的就不回算了，反正有心的人總會自己找方法
如果有閒情回post，還是盡量多打幾個字當幫自己溫書好了。串了潤了，我自己也沒什麼得著，反而氣了自己，那又何必呢

我覺得你呢個case有少少分別, 因為我會認為一些關於自己分享的留言, 某程度上一定會比較主觀: 我覺得一套電影好看, 一個game好玩, 一個女人好靚, 可能另一人會覺得好差, 但唔代表其中一方有問題. 因為每個人的經歷都不同, 接受事物同睇法都會不同, 唔需要強迫別人接受自己的意見.

但如果是問野, 我覺得"基本的尊重" 同埋" 將問題說得清楚" 是好基本的要求吧. 舉個例, 假如我係開玩具店的, 如果有人問我鋪頭係邊, 佢咩都唔講, 只係留低" 旺角XX大廈Y樓Z室???" , 講真比我都唔知佢想問咩...佢究竟係想re-confirm個地址, 定係知道地址但唔識去? 其實打多幾字, 前面加埋" 請問地址係咪" 已經清楚好多. 如果咁都做唔到, 咁係表達能力有問題係佢係無問題不過專登唔講清楚呢?

不過我十分同意, 如果見到d九唔答八的問題post我大都不理, 如果花心神去"嘗試"解答佢問題, 不如做其他野好過~

以你的case而言, 基本上我唔會為留言者背後想得太深入. 然而有時多想少少, 留一步, 也是待人處之厚道.
最近在 模型人技術交流區 有個好例子, 是問噴槍價格的分別, 當中的反應:   http://www.hkml.net/Discuz/viewt ... &extra=page%3D1

串人潤人...我唔知大家是在什麼環境下成長, 經歷過咩事. 我信人的言行是因為過去的經歷而學習, 套用在這裡說得俗就是:
"以前我都是一邊被人串一邊學野, 有咩問題? 家下我串你係塞錢入你袋, 多謝都唔講!"  不過既然是新人咩都唔知, 點知你塞咩錢入袋 ?
至於問問題 的技巧....算了, 尺牘已在人間消失多年, 時不時中文又改課程,
對方用咩句字發我問都已麻目, 只要問題是我明白, 文字入面有少少 尊敬 : "師兄" "前輩" 都算了,
難道你想變成  "喂! ....(內容)" , "阿生...(內容)" , "你....(內容)" 嗎?

入返去個噴筆post既例子.
除左4樓既果條link . 或者可以講大家都係答非所問呢

因為問題係 "有乜分別" , 而唔係問"要買乜野好".

答案就應該係圍繞返生產既手工, 霧化效果, 準確度, 進一層既性價比 呢類"比較"到既野.

但大多數答案卻係建議買乜野筆, 乜野價錢/budget, 用來做乜用..  
咁既答非所問又算唔算係好既回答呢?

甘樣我又唔多明點解好多人,
如你所言, 除4樓外"或者可以講大家都係答非所問"
唔通大家一齊中左未期語癌(?)
個建議答案又係基於什麼?

[ 本帖最後由 kl122002 於 2014-5-20 06:18 PM 編輯 ]