其實唔係好明你想表達D咩

「高達及其它動漫畫討論區」我比較少入去睇,你指既"一些明顯玩野回應"係邊 D,可以俾 D 例子等我去跟進一下...

其實,一切都係睇情況,我試舉一個比較易既例子去了解一下:
假設有個會員咁做:

「頭先煮面食,吾記得落埋包麻油,會吾會吾好食架?」--- 今日開一個帖
「究竟牛津字典第12版同第13版有咩分別架?」---- 第二日又開一個帖
「我用耳塞聽歌,如果左右調轉左黎戴,會吾會無咁好呀?」---- 第三日又開一個帖

獨立睇個題目,無一條THREAD係犯板規...但如果有一個會員日日都係咁開呢類帖,情況會變成點?
初初梗有會員耐心解答,但如是者,大家會覺得呢個係「膠人」,開始吾鍾意佢,串下佢下,鬧下佢...雖未變成罵戰,但呢 D 帖子,只係一個會員咁做,已經可以做成滋擾,多幾個重得了??

岩岩被請走個位會員,情況就係咁,佢投訴時甚至問到「如果每日黎呻呤一次吾得,咁兩日一次得吾得?幾耐一次先叫做得??」難道佢真係想了解一下板規?定係以為「吾犯規就乜都做得」,企圖試下管理員既底線呢?

紓發一下當然無問題,我上面都講過,好吾好彩你初初開呢個帖,咁岩同果位會員既野差吾多...大家都未回氣...我當初真係諗吾通你點解「前度女友回復單身」咁都要死呀,(如果係佢同人地撻著而男友吾係你,我反而明喎)係咪欠人債,係咪人地個「前」男友/家人/女主角會黎搵你尋仇之類,生命受威脅...如果係因為「表達」方式令人產生誤會,咁無辦法架喎...人家質詢係好自然既事...

「但"除不良話題，罵戰外，乜都講得，歡迎在此交友~" 唔好意思~~笑了~~」

你引得板規出黎，所以我才順道講一下，雖然我未必能清楚明白你引出黎，到底係想調刺一下管理員，挑戰一下板規，定亦或借黎同d質詢你既會員講：「喂,我乜都講得架喎，你地做乜咁回應我．．．」之類...但板規吾能夠保證「一定無膠post」,亦吾能夠阻止「會員之間有彼此吾like」...

假設你個thread既表達方式,大致變成:「睇到前度既fb回復單身,舊有既回憶擁返晒出黎,心裡面痛到想死...」之類...我幾敢相信,呢個thread既發展一定同而家既吾一樣...(至少我吾會以為你既生命受威脅)

哦,原來係講果個post...咁要同樓主講一聲,果個post,我今朝凌晨3:07分處理左...樓主你重有冇幾他發現,希望管理員幫忙跟進??

入來望一望, 出返去主版就見到個"廣告", 仲要係"警訊叫人小心"既果種添. 真係要麻煩版管跟進一下.   link 唔洗出了. 一望就知我講邊個post啦.

即殺

說實話,「交友吹水聊天室」算係一個要幾花心力去管理既地方,同模型無關既話題都係呢度發佈...除左膠post之外,呢個區有d「常客」,齋轉貼新聞,或斷章取義,或標題誤導,或宣導政治...
可能要揸緊番一d,吾可以太放鬆...

[ 本帖最後由 matleung 於 2012-4-15 07:38 PM 編輯 ]

如果你認為/發覺有人唔依版規，你可以向版主反映/投訴，而唔應該係平時唔出聲，當自己唔like時就攞版規黎嘲諷，你唔滿意呢度ge版規，無人會求你留低，但希望你臨走前向呢度ge主同壇主講聲sorry，因為冇人要受你呢d閒氣，你唔成熟係你屋企人唔識教仔，要發少爺脾氣唔該返屋企同老豆老母發，呢度係模型同好傾偈ge地方，認聲唔成熟大晒牙

斷章取義,或標題誤導, 真係好唔要得 尤其係有背後目的既, 就更加可恥

各位同好,請冷靜！大家在此相聚,除發表意見外,也希望也多些朋友或友好！希望大家有時要放下執着！到底我哋係人,難免有人類嘅錯誤及缸點！傲慢與
偏見！其實小弟也有錯誤,須要同好提點,指正！希望大家有胸襟,包容！冇必要互相指擇！大家也希望有個開心地方吹水！見諒！見諒！

明白~~受教~~

老鬼兄間唔中都會好有火的. 無咩野既.

希望喇！因小弟入來不久,唔了解各同好個性！而且表達好差,容易得罪人！我會學習慎言！(差不多50！也胡言亂語！)

見諒！

=-=簡單d講係我琴日開左個post~~
個thread開得唔好....就有人在高達及其它動漫畫討論區開左個同一個thread但內容明顯玩野回應~~"唔係平時唔出聲..."
果時有點火火地~~~的確係一個唔成熟的表現~~~so今day睇完都del左果句~~~
但的確係要對版主sorry~~

不用介意,弄清事實便好了

希望大家和平共處,包容,接納,理解,尊重,忍讓,提點,關懷！希望大家開開心心吹水！善哉！善哉！

見諒！

開果個post果條友你都唔係唔知佢乜料啦，你將自已同個傻ge比，係咪貶低咗自已？直接同版主投訴咪得囉
我唔係針對你，你post一出我已經有睇，好老實，一開始真係睇唔明，但都知你係講笑而唔係真係想死，我反而唔明點解其他人會咁認真 ，但見你後來講到版規果陣就真係有d....，版規唔係不容挑戰，但係真係要言之有物，覺得呢個講法對版主同壇主有d唔公平，所以先多口出聲，希望你明白，我係對件事而唔係針對人，如有冒犯，我都對你講一聲對唔住，我唔係火，只不過有果句講果句啫

我好明白其他人會咁認真係因為光哥~~~~

真性情！佩服也！希望師兄做個真漢子！
小弟做人有時好假！(服務性行業)

me too~~~
做馬會~d阿叔次次一打電話來就小來小去~ ~又講得唔清楚~~問清楚佢一下又小阿小 ~~我心中係講輸到你趴係到 ~~但因有錄音最尾又係要同佢講win多d~~~

[ 本帖最後由 mingx5 於 2012-4-15 08:57 PM 編輯 ]

物業管理！D有錢人當D服務員唔係人！只有好少部份有錢人識得尊重人！只要留心有錢人的小孩子待人接物,便知到家教如何！大學生！係會所上唔到網,閙D職員！ 呢D咪人！

我同你相反............
小來小去的個戶口得50-100~~最勁的試過我20$
我做個位有時有d大額客接入~~d用5-20m左右play下馬仔果d好尊重人~~次次都唔該前唔該後
問多一兩次都唔會小你~~仲講唔好意思....
-------------------------------
不過真係會倒錢落海~~我接過buy 50m馬~要組長確認~~but果個人輸左 ....

[ 本帖最後由 mingx5 於 2012-4-15 09:21 PM 編輯 ]