CF位贴得好好啊，可否分享下点样操作和过程？

其實我都是以一個試驗的心態來貼CF
但見愈貼愈開心愈貼好像愈易
就繼續貼下去
我先把大約位置的CF剪下
然後放到水
過一段時間後拿起
在要貼CF的位置上把CF從紙推到模型上
用筆掃平
用剪刀把要接下的位置剪開
用筆掃平
然後用風筒吹乾水貼
水貼乾後就用SOFTER掃上CF
再用筆慢慢掃平一些比較難貼得貼服的位置
然後再用風筒吹乾
最後就用筆刀把多餘的CF切除
(筆刀要有一些水才能切得順序)
最後用風筒吹乾

最后一步：把多余的CF切除，那多余的不是也已经贴紧了油漆面或者光油面吗？是怎样去除？我试过用指甲有时都很难刮走

這個......
因為多餘的CF是貼在遮掩膠紙上
所以應該比較容易去除
或你可以試試用一些尖的物件上少許水然後慢慢把它弄起來
我亦遇過貼緊了,但因為是遮掩膠紙所以我用筆刀慢慢去除
但JOEY兄亦有提到在遮掩膠紙上膠CF是很危險的
所以用遮掩膠紙未必是一個好方法

其實咁, 你唔好覺得cf係油, 包左上去膠紙面就可以就咁meet.... 我自己就一定要過一刀先起膠紙, 如果唔係, 爛cf既機會係50%, 但係如果先過一刀 (輕輕一刀, 不過一定要新美工刀片, 有咁尖得咁尖, 有咁利得咁利), meet爛cf基本上係唔會發生(at least so far我都未試過)....

唔係challenge joey既講法, 亦都唔夠膽, 不過係我一直既做法...

咁我都落左刀嫁啦
所以應該OK掛
下次再貼CF個時我會再諗下點做嫁啦

其實試左一個方法覺得好就唔一定要改, 只需要諗下有冇方法enhance下. 至於噴唔噴黑底, 個人試驗覺得某d型號既cf應該噴一噴黑, 例如cm-1xx果堆. 但係s27, sms果 D來路野真係分別唔係好大, 只要做底既色唔好太大contrast都ok...

如果我好似鋼兄咁貼左mask先再貼cf, 要去左多左既邊就點都要落刀架喇
我所提出既係點解要用mask呢一點姐.....
咪講到我好似好惡咁喇....

你直頭惡死啦....

要落mask既原因係, 好多土炮cf一經痴實, 係軟化劑都洗唔甩, 變左要用沙紙磨.... 既然係咁, 不過mask左佢會安全d..

不過一睇鋼兄呢張似係27喎.....
同埋....想講好耐.....張DECAL邊唔痴實, 就住貼的話, 其實你講既呢點唔成問題的....

[ 本帖最後由 joey 於 2010-4-28 12:21 AM 編輯 ]

習慣既野, 做開左就唔會改啦, 有時唔落masking真係會有心理壓力. 近幾日包緊架mp4/13, 車底用cm404, 車身同s27, 發現s27都有少少痴得太實既問題.... 原因我會用風筒加熱等張水貼自己縮水包住件野, 雖然好多時都係貼單邊, 但d水貼都幾大機率filp左去另一邊, 要起番佢又要冒d險......所以到痴第二塊頭翼果陣都係mask住先~
其實你講既問題重心反而係驚個mask做得唔夠靚, 同埋介走多餘cf既時候可能落刀唔準, 但係如果擔心呢兩個問題, 唔落mask可能仲牙煙, 因為如果masking tape都handle唔到, 點handle到果張軟奶奶既cf呢~

不過講到尾都係各施各法, 你既worry同我既worry唔同咁解....

鋼: 你可以當睇我地唔到.......

師兄用既手法唔同, concern既野當然唔同喇
我只係提出自己一個比較唔想顧咁多野既方法....
用風筒吹既方法(希望唔係o係果邊學壞師喇... ) 係方便, 但我自己試過覺得唔夠flexible, 遇著details 多既件時會變成「拉」decal而唔係痴decal, 所以我都係原用古法漫漫一下一下用筆掃同用紙巾吸水, 一下一下做的話, 就唔需要理多左既邊位部份會「貼死」左. 只要輕輕貼到可以界得開張decal就可以了, 一來唔需要攪咩masking, 二來detail位彎位漫漫貼的話, 唔怕個pattern走樣, 亦都可以從中更了解張decal既特性
同埋張張decal既特性都唔同, 如果下下用死一個方法做, 好可能會浪費左靚decal天生既"good characteristics"架
以上只係對技巧上既討論... ..泥sir咪鬼小我呀.....如果我講錯請直插~

[ 本帖最後由 joey 於 2010-4-28 09:48 AM 編輯 ]

其實我會用風筒吹, 原因主要係cf既實物係彎位基實本身d紋路都會變形. 只要唔好係吹既同時夾硬掹佢上件, 其實出黎既效果基本上都好自然, 反而要處理就係d紋路, 但係就算唔吹, 係好多轉彎位, 特別係f1果 D底盤, 只要一分開兩張黎貼, d紋基本上都唔可能對得齊.

其實係呢期搞番架mp4/13, 玩左好多隻cf, 真係乜都試過晒. 由其底盤, 因為搵唔到另一隻個顏色比cm果隻更似實物, 所以焗用cm果 D cf. 好老實, cm果 D pattern真係麻麻, 而且紙質偏軟, 加上痴左上件有機會甩唔番出黎, 所以習慣左一定上masking, 如果唔係除時有d位會厚得滯....

我做咩會小你?? 我唔認為你有錯wor, on the other hand我都唔覺得我有錯, 只係研究一下自己做野既方式, 當你提出你既做法既時候, 唔多唔少都會對我自己既做法做成一d反思既空間, 我相信反之亦然. 其實我覺得好多新手如果有心爬文學野, 睇我地呢d就學到最多野啦~

咁.......如果係air box 內則, 底盤尾diffusor既內則呢d 「L」內則位, 泥sir又會如何處理呢？

其實人上網/溝通既模式不停地改變緊, 以前學砌模型, 上網睇日本仔web site, 有心機d 既humble少少send個email問下睇下人地會唔會reply....到之後有本地gathering, 大家可以欣賞一下作品實件, 搵到d好king既師兄可以交流一下, 到之後newsgroup, forum, 大家post下相出來share下, 有心機d既開個長thread 一路post progress 相, 大家有水吹水, 有料放料.....到依家有埋技巧區俾人問問題......冇人答就發老欄推post......真係睇到都頭痛.......唔明點解新一代砌模型既人咁中意要個model answer......唉.......

我會先係外邊包一包入裡面收口, 然後入面果塊做細少少 i.e. 0.5mm, 分兩件上. 其實用風筒係一個補助既方法, 當然都要起pattern同埋用棉花棒啦, 不過係吹兩野, 見佢縮左d, 掃下水, 掃左底果 D水, 又吹下...


同意. 我細個d果陣網都冇得上, 買書都買到窮, 但係更甚既係睇完一本書既一個方法, 試左唔work成套kit ko埋......  果下先貴..... 不過從中得到既野唔係上網睇到既野, 而係實際經驗, 問一百個人都問唔到出黎...

而家新玩既人, 好多時都想一砌出黎隻野就無敵.....

哈~就係咁喇~~
如果做呢種「L」位內則, OR 類似既凹位DETAILS, 你慣用既方法就會選擇分兩張「 | 」同「 __ 」咁做, 要自己追pattern
我自己慣一張過, 漫漫就個角位, 咁pattern會自已跟返晒, 貼好之後「保險d」個正中間輕輕開一刀再落softener就攪掂了
當然貼既時候會辛苦d, 但就免左錯紋既可能性
而於凸位(「 L」位外則), 漫漫則除左漫d, 我唸同風筒吹係效果上分別不大吧

不過就如泥sir講咁, 自己試過唔同既方法, 再係適當既情況運用唔同手法, 來達到自己想要既效果, 呢一點先係最重要
砌模型冇model answer, 只係時間, 功夫, 效果之間既取捨, 除非經驗老到既師傅, 否則要好快咁砌到好野, 我打死都唔信得！

[ 本帖最後由 joey 於 2010-4-28 01:57 PM 編輯 ]

其實我依塊係HOBBY DESIGN出既
佢會唔會好痴我又唔識點講
依家睇完兩位師兄既討論之後先知落MASKING既原因
我以前係UWXXX個邊見到D人就係落MASKING之後上CF
咁我又打開黑底所以就無諗過拆MASKING
依家睇左兩位師兄咁講我就會下次試下其他方法
THX

原來學錯師果個係你...
如果呢張係hd的話, 個pattern真係唔差喎~!! (好耐冇update有咩新cf options )
咁點解要先用個mask, 就真係要問返果位大師喇

hd decal既特性如泥sir咁講, 「痴緊左的話」係真係好難起得返的, 但都係果句, 如果唔心急, 漫漫貼的話, 係可以唔洗理多出來既邊的( 堅持)

下次我可以搵D易貼D既野去試下唔MASK既方法去貼
慢慢慢慢咁去掃下掃下
試多幾隻方法同埋貼多幾隻CF就會知咩CF用咩方法嫁啦