|
自己胆粗粗第一次身處異地同一班模型友交流. 在場只係識得有heart人, 明哥仔都係之前交收讚助至識. 人數真係好多, 自己坐果枱年齡比較接近, 隔離左右都唔怕陌生同我傾計. 到模型交流果陣都見到有朋友肯問, 亦都有朋友肯有耐性咁答, 好似有一隻大魔隻腳d裝甲點整, 物主分享用乜嘢物料, 輔助工具; 而有一位模友carmen對一位提問嘅朋友解釋初學刻線, 蝕刻鋸, 雙星鋸有乜唔好, 鋸件果陣仲要注意d乜; 仲有ykk果幾架飛機點解冇駕駛員嘅經過, 其他模友分享同吹水(下刪幾百字).
至於唔好方面, 都唔係話唔好, 只係少少意見比搞手, 就係點錢. 最好就係點果個張枱最好只係工作人員唔好有其他人埋枱, 同埋做點果個最好坐最入面其他工作人員坐佢周圍, 因為周圍太多人好易行近d錢度, 我就正正企晌明哥側面. 當然唔係話大家手腳唔乾淨, 但係最好可以減低一d不必要嘅麻煩. 同埋最好就係一個叫名順住落就唔怕所有人一窩蜂咁遞錢, 因為收果個一時間睇唔到係邊個打邊個, 到收漏咗邊個真係有排搵.
最後要多謝三位主要搞手, 下次聚會雖然自己唔知有冇機會黎, 不過都希望會繼續搞落去分享模型樂趣.
 附件: 您所在的用戶組無法下載或查看附件
|
分享
