謝謝各位的讚賞，把不用製作的"成品模型"在此發表，其實有點"厚顏無賴"(希望不算是無恥)。

但為嘗試一下不同的上色舊化方法，及可大家一起研究研究，就只好"無賴"下去。

其實今次髹"甩青"的方法是從書中學習的，而且非常簡單。就是以清潔用的海綿(如圖)，點上AV水膠彩，水膠彩可毋須開稀，然後在模型上"印下印下"即可，此方法比用筆在模型上點"甩青"快捷十倍以上!!而且更細緻!!

如果發覺不滿意，可用酒精把水膠彩洗去，酒精是不會傷害一般模型油的。

小弟的經驗是: 如果想效果更生動自然，最好要留意"甩青"的位置，通常"甩青"會出現在戰車乘員上上落落的稜角地方，可參考實車照片就更好，切忌把"甩青"平均分布全車，會非常失真。

[ 本帖最後由 wingzz 於 2007-9-14 05:10 PM 編輯 ]

哦~~~海綿大法
我覺得都唔系咁易控制，不如用水彩鉛筆慢慢篤

海綿大法! 讚!~

我都有試過, 不過只係用黎畫平面畫。
敢問馮生, 用海綿既力度如何?

同埋接觸面既大細如何控制?

力度一般都係輕輕手，不過都要視乎海綿上油料的多少及希望得出的效果。
而接觸面亦唔會太大，大約手指頭太小，否則難以控制。
海綿會剪下一少塊，當用過幾次後有太多乾油料時，就要棄用再剪一塊新的。
Practice make perfect.

馮生又過錢落我袋!!多謝晒!!

就係甘簡單？？甘神奇？？多謝嗮渦！
你架沙漠黃色既車架dark green既甩青？其他車未必得架渦！真係想試下，希望唔會瀨野啦！

哈哈!! 其實小弟都入左幾隻"喇叭成品"，但"喇叭成品"上色太過"令"了，舊化前必須先噴上透明啞油，可惜透明啞油又太容易起白，令效果大打折扣，而且喇叭的精細度的確不及龍的，架Sherman車身的上吊環竟然是密封的!! 玩玩下真係無乜心機。

多謝馮兄又分享技術了, 次次睇你 d 貼都學到野.

乜你連成品模型都買左咁多既....

我之前都妙想天開試過用海綿做舊化，但當時淨係識用雙星琺瑯油試，可能控制得唔好，搞到一pat，以後都唔敢試，原來用水膠彩可以做得咁正

正常喔，成品d咁工業化嘅嘢
喇叭有d成品真系幾難揀得落手，不過好在我唔玩成品

系呢，師兄透明啞油應該都系用噴罐？好似都好易抹得甩，起白都唔難醫喔

[ 本帖最後由 有排唔做得 於 2007-9-14 05:06 PM 編輯 ]

馮兄的海綿大法,真是令在下受益不淺
成品模型上色效果的確不俗,只是成品模型上的夾口沒處理掉,例如馮兄照片中央的JS3,砲塔上下兩片的接合位置有明顯的夾縫,只是模型(買回來)是已上色,沒法做修補工作,是成品模型美中不足的地方

多謝馮兄教學~~~~

完全同意!! 部份成品的上色確是極佳，尤其是1/72戰車的迷彩上色，小弟自問也未能做出他們的水準。但成品的夾縫碓是一個大問題，因此小弟購入之成品，比例只限1/72及1/144(盒蛋)，及只當作是家中及辦公室的小擺設，或是練習舊化上色的"實驗品"。而小弟也不鼓勵以購買成品模型代替砌模型，始終由自已一手一腳去完成一件完全屬於自已的模型，當中的樂趣及喜悅，是購買一件由別人大量生產的成品模型所無法比擬的。

良久沒見馮生作品
又再次大開眼界喇!!
好似1/35咁, 好勁!!

好靚，好靚。