過獎了.......  心思可能有，手功就自問麻麻地.......  


正替木件上色，都就快完成。


係 fks 兄面前，小弟只是班門弄斧......  


其實結構好簡單，好易一睇就明。


蛋糕轉盤太大個，而且都好貴下，比買個雙星轉盤仲要貴好多........


？？？  


上好色同力架，就基本上完成九成九了。


係 Makita (係香港一般叫「紅 M」) 鑽批兩用，10.8V 鋰離子充電.......  係貴ｄ(一差兩電套裝，約一千)，但幾好用o架！  

[attach]359473[/attach]

一般砌模型較少用到甘嘅級數,同エ作有關？ ...

呢支野用係砌模型度就真係無乜直接用途，因為太大把同太勁..........

但有時用係其他方便 (如鑽薄金屬、木塊、厚膠....等) 就會好有用.......  例如今次自製轉台、上次搞飛行器時個底座，都有用到.......

我工作上無需要用呢ｄ工具 (我屬白領一族)，只不過我鍾意搞下呢樣、搞下果樣，有把鑽批會方便好多......  
其實幾年前已經「目及」左鋰電鑽批好耐，但香港一路未有入口........   直至約兩年前農曆年同朋友打麻雀贏左一千銀，過年後開市即刻飛去新填地街買把玩下......  

如果我會買模型....

唉~~~~  我成房都係模型，再亂咁買就連「目訓」都無地方.........

...

繼續........

替木件上色和力架這個步驟不是必需的！  十蚊店賣的這兩件木器，雖然木質不是什麼靚木，但表面也已磨得頗滑，用木工砂紙再磨滑一點就可以直接用。
不過我自己覺得ｄ木太白太寡，手頭上又有用剩的色精和力架，便替它們化個妝......

先同幾舊木頭上色，用返以前用剩的「伊度巴」色精 (酸枝色)。  上了兩浸色後的樣子，很乾、很啞。
[attach]359475[/attach]

再上力架，當然是用「力架三寶」：光油、天拿水、排筆.......
[attach]359476[/attach]

要上約 3 層力架，每層之間又要等乾........  油、等、油、等、油、等.......  趁等力架光油變乾，搞下第樣......  

將水松煲墊裁至合適直徑，用萬能膠粘合到轉盤面上面。
[attach]359477[/attach]

[attach]359478[/attach]

待力架全乾後再要打磨拋光，待續........

[ 本帖最後由 patmb 於 2010-11-13 12:26 PM 編輯 ]

好手工!
但我不明白, 既然轉台用於噴油, 即是很容易弄污. 那為何要噴得這麼精巧?
其次, 坊間應有同類轉盤出售, 只要能旋轉不就可以了? 何必花功夫做個彷酸枝的? (同類轉盤在以前上陶藝班用過, 但未知多少錢).

正呀 #3054

如果講精巧，相信你是講木底座？    因為膠轉盤同水松板都是粗o野來的........  其實那個抹手紙架和鍋蓋的木也不是些什麼靚木......

替木上色和力架，不是必需的步驟，只是個人喜好.....  因為我有玩開木模型，所以有色精和力架，見ｄ木頭白雪雪，覺得好寡，所以便替木頭上色......  
而所謂「酸枝色」，其實我不是故意選擇這種色的，反而這次我是想用淺色一點的.....  不過我手頭上正好有用剩下來的「酸枝色」色精，所以便用了.....
那些色精不是噴上去的，而是用棉布包著「威士」或棉花沾上色精後抹左木塊表面上，色精便會滲進木塊表層.....  所以這個步驟也不算得是精巧.....

噴油轉台無疑會很易弄污，如果不替木頭上力架，噴油時噴出的油漆會很易被木塊吸收，會很難看，也會影響木塊的耐用程度........
如果有力架保護，用後可以較易清潔，也有保護木塊的作用，會耐用很多......  
我個人不喜歡工具污污漕漕的，所以花點心機替木塊上色及力架。

坊間無錯有轉盤出售，我之前也去過不少地方看過，有整蛋糕用的、陶藝用的......   它們一般都太大個了，尤其陶藝用的，又大又重 (全金屬製，十幾、二十磅)，我覺得不太適合用於砌模型....
而且可能你不知道這些專業轉盤的售價，幾百蚊一個的，好貴........  

其實只要可以旋轉的盤也可以用，就如我製作的這個，其實只要膠轉盤加上水松板也就可以用了，但加上底座把轉盤升高一點會好用好多，正如你上陶藝班時所用的轉盤一樣......

我不是想搞些什麼「精益求精」，但模型友一般有一種心態想把東西弄得好一點.......  製作過程也是一種樂趣和享受來的......  把製作這個轉盤當成是砌模型，就可以「自得其樂」了.....
花幾十蚊，有得玩、有得用，不是很好嗎？   

係呀，3054 真係又平又好用！  

你"鎖"得完全"隊" 用自己整既"架撐"來砌模型係'零寫'過癮

繼續........

所有木件上完力架及拋光，準備組合。
[attach]359661[/attach]

木底座原本有 3 粒橡膠墊，但太近圓心，不夠穩陣。  換上 6 粒橡膠墊，盡量遠離圓心，會更穩陣。
[attach]359662[/attach]

木座下部組合。
[attach]359663[/attach]

將木鍋蓋上到木座，加上長木牙螺絲 (中間果粒)。再將膠轉盤底部用 4 粒螺絲上到木鍋蓋上。
[attach]359664[/attach]

將膠轉盤組合好，完成！  
[attach]359665[/attach]

測試........

轉動時要移動膠轉盤的上面部份。
[attach]359666[/attach]

材料費用：

木製垂直抹手紙架      $10  (十蚊店)
木製鍋蓋              $10  (十蚊店)
膠製調味料轉盤        $10  (十蚊店)
水松煲墊              $ 5  (雜貨店)

手頭上有的現成材料：
木牙螺絲
力架光油、天拿水，排筆
橡膠墊腳

總共用左幾十蚊，有得玩又有得用！  

[ 本帖最後由 patmb 於 2010-11-14 03:20 PM 編輯 ]

好心機．．．．．

根本係一件藝術品

同意！  


多謝收看！


過獎了.......   其實今次玩木頭手工麻麻地.........