覆13,18兩位師兄︰
係咁架喇，呢期啲後生興扮激動，小小事都要去到好盡，鬧到無彎轉，鬧到天崩地裂。可能佢地覺得咁樣先叫做做咗嘢，彰顯自己抱打不平的真性情。
其實初初我都唔明，點解佢地所有事，只睇負面的一面，喺網絡世界，只挑負面的交流、傳遞，然後齊齊狂砌一餐，繼而起人底，唔通咁就幫自己定到位咩？
但係我而家睇得多，都化囉！層次嘅問題，希望佢地大啲會明喇！

希望樓主明白自已講乜, 先唔講有無根據, 罵一個人同罵人整個民族分別可大得很 可能依家既人無人會花時間講理, 路見不平, 就踩到佢平  

我奇怪點解版主唔刪呢個 post, 因已涉及種族歧視

你話佢系豬就可以, 加個"菲"字系前面就講緊人地成個民族, 如果你圍咁都唔明咁就難怪你會口不擇言

港男港女都係港人
菲律賓的人都是人,怎能這樣解話？

人地係到講緊用 "人" 同用 "豬" 比喻既分別 lor, 豬咁蠢...

[ 本帖最後由 twinsa 於 2010-9-3 07:02 PM 編輯 ]

咁請問咁"港"男"港"女"系講緊邊一個??  呢類"稱呼", 如果你都重唔明既話, 叫統稱  點都好啦, 你叫人做豬, 我最多會話你無品, 但如果你用人地既種族黎玩, 咁就——有點那個, 一如果你系回教國家, 你試下叫人做豬, 你估會點??


一個人既德行, 在乎佢做過 D乜, 並非佢既膚色, 種族 (當然, 希特拉唔同意!) 所以既然你咁講, 我想請問你憑乜野話人系豬

[ 本帖最後由 CDR20100729 於 2010-9-3 10:31 PM 編輯 ]

樓主如果有人用中國豬呢個字又如何呢。就算佢只係話某一個人，其他中國人聽到都會吾舒服。
同埋呢單新聞有乜咁需要激動呢。兩方面都係一面之言。你咁肯定菲議員一定屈人？就算係屈又如何。好大件事咩？
吾好覺得香港人一定站係道德高地先啦。道道都有ＰＫ。Ｄ外傭老闆打菲傭，用熨斗燒人隻手又點計呀！
仇恨係好無謂嘅情緒