終於 Joe sir 肯出製作 post.
呢套野我爛尾左一號後, 都嘗試啪起過, 見到師傅竟然可以啪完仲企得起身, 我已經佩服到五體投地.
其實啪完之後, 我都有計劃過點改 :
炮塔: 山貓既炮塔外型討好, 不過原件細節較粗糙, 而且咁細既炮塔裝三支 MG34 有點唔實際 (可行性都好大問題). 我試併過 Tasca 山貓個炮塔落去 , 支 kwk38 突左出黎又好 odd, 所以轉用四號短炮係一個好適合既選擇. 兩側我會選用水箱架, 實行抄橋抄到底. (再者身後已經加左四號既煙幕彈箱)
車身 : 車身的確係有空蕩蕩既感覺, 但係若果加左工具係上面, 我又覺得邊個咁危險要爬咁高拎工具... 果時我係諗可以留返幾塊平面, 玩下色彩變化. 無論如何, 而家細節豐富了許多.
手 : 初時睇封面時, 以為可以用 20mm 防空換哂四支炮管, 點知原來四支既口徑差不多有 60mm. 所以一直都諗唔到可以點樣做.
腳 : 如有心人兄之言, 呢一 part 同封面做型出入最大, 攪到成隻比例變哂質. 自己唔係玩開巾, 唔識點改. 所以最後都係將成盒擺返埋, 擺上櫃頂供奉.
ps : 用龍記四號 e 改架 ? 好重本啊....
分享
