如果無撞過、跌過 (杯形正常，外面層鍍鉻亦好平滑，睇落都唔似撞過、跌過)，咁好明顯係金屬本身問題，支噴筆ｄ「鋼水」質素唔好.......

不同產地噴筆價錢有咁大出入，當然有其原因......

我買時的確係無問題...

其實買時係完全無野, 仲要我用左幾個月都好好~~無問題.....
上年價格為$480  3.0mm 雙動都OK 掛....
就係唔知係咪真係鋼水差所致...

早知係咁.....我一開波就畀多三舊幾買 690啦......點計都係郡仕日本野.......

好明顯你呢支係啞鉛製 la , 唔係銅料

啞鉛製??
請問如何分辨?

如何分辨 ? 答唔到你

因為係合金 , 表面分唔出 , 但啞鉛多數硬又易脆

你係唔係指亞鉛合金??
係的話, 亞鉛呢個係日文漢字黎, 意思係鋅 (zinc) ~~

但噴筆應該係黃銅加工, 唔會用鋅做.

講番支筆, 會唔會係個蓋冚得太入, 撐爆咗??

[ 本帖最後由 cko 於 2009-9-24 11:36 PM 編輯 ]

我都唔知呀, 或者係掛, 因為我都係每次用完就閂返埋個蓋, 但係之前次次都無事, 都唔知係久而久之定點,,,,,
我只係普通閂埋...唔知有無分別喇
不過好唔見人地爆杯, 係得我爆杯.....真係百思不得其解..
不過今日去左T 記, 佢畀我o個兩個方案令我感到困惑, 方法有二:

一, 畀多2XX佢換過個筆身.
二, 佢叫我用AA 膠去補返條罅

老實講, 佢賣筆就話保一世, 我先唔簡Airtex, 簡佢支野, 佢自己話只係個字唔同, 用料一樣
但係平得o個幾十, 換來支次貨, 我真係唔服氣囉,

佢聲稱我係第一個咁樣ge 人, 但係我反過來諗, 其他人夠成日掉來掉去, 好唔見人地爆或者裂, 頂多都係凹
我從未掉過撞過, 真係畀佢個答案考起, 佢另外話過我可能用手夾過個杯有影響, 但係我自問唔係加度驚人囉,
又何德何能可以夾得裂佢, 表面全無傷痕, 我都畀唔到理由自己去相信佢所講ge 回覆.
就佢個方案一去講, 難道明知用料有問題都仲要畀多二百幾去換? 唔通佢信我係咁賭徒心態?
方案二, 如果用AA膠, 係頂得一時, 但係究竟係咪一個應有ge 方案呢?
在於客方, 在下實在不接受一個咁不負任ge 解說法, 我問佢係甚麼用料都答我唔到, 我反過來想知佢究竟知唔知自己賣緊咩野
用得自己品牌ge 產品, 只對於作業效果去推銷, 而從不考究質量, 在下對此, 實在未能茍同.

[ 本帖最後由 kayk 於 2009-9-25 01:30 AM 編輯 ]

呢D係晌煉鋼時,有少許雜質未能除去. 當金屬冷卻時收宿速度不一致,所以會咁樣爆裂!

煉鋼時既溫度係超高,絕大部分雜質會被蒸發或浮上爐頂層同被移除!
淨底既雜質真係冇乜可能! 樓主真係唔好彩啦!

睇完你既相後，感覺上，同我係廣州買果支140蚊人仔所謂台灣筆無咩分別，如果去深圳的專賣噴槍的五金鋪買，仲係90蚊人仔。
不過質量就睇唔出，要攞上手同拆開至感覺得到。
講番轉頭，要480我就寧願比多百幾買支Badger，唔洗拒保咯，支筆會自己保自己啦，甘耐都仲甘靚，仲有大中細咀添！
既然T記的承諾都唔兌現，都只能夠自己呻笨，你又咬拒唔入，無奈！咪當係買左個教訓之餘，又更深入認識呢間寶號，無計渦！我係你，我就會用混合膠或者AA痴番算咯。
又或者去深圳買番支平野，計埋路費都唔洗200。

其實我係度都講過幾次，噴筆係一分錢一分貨，有品牌的靚野（5、6百以上）點都要有支睇門口，平野又有支，當係玩下又得。
中價嘢（200幾至400幾），就無必要買啦，質量上黎講，我唔認爲靚野同平野中間需要存在中價嘢，而且中價嘢最容易比人做手腳。就好似本港果 D專門厄大陸人的紅墈尖東表店，專整埋D 7000 至 15000 既冒充瑞士鑽石表去厄大陸遊客，因爲3000蚊的他們會係國内買到，三四万十零万的又買不起。

一分錢一分貨,我M年前都買過一支平野,返屋企試鎗未扭實油樽以經繼左.
而另外兩支入口貨就用左10幾年.(都差不多要換)
需然要成仟銀一支,不過除番開就好低.

咁你問T記保一世係乜意思?
點都好用混合膠補番佢照用,最多清洗時麻煩D.
什麼方案一算吧啦.

佢自稱保一世, 似乎係連工不包料囉....
要換筆身, 或者換件, 人工都唔值幾多錢啦.....
好在支筆仲叫做頂到, 最多洗得唔係咁乾淨啦,
結果我同我老頭用釘膠暫時封左先, 但係未正式用返
個霧化效果本身仲OK ge.....
如果係個杯裂都仲有D 計
可能補唔晒就寶貼啦, 但係以在下對呢間野ge good will 就完全破晒產喇,
因為個post 中間都有人話間野賣D cheap 筆
可能油同工具都仲可以, 但係噴筆呢回事就.....可以不理了

呢支筆Airtex我都有，用咗一年半，跌過落地幾次，仍然操作中，我有買過大陸筆，這支Airtex係厚黃銅料再電鍍，比較大陸筆好好多。

但係我想問你係用邊個名刻上去先?

我個支係AIRTEX  MJ-725

買支台灣 sparmax用囉,都幾好用
如果有buget當然買支貴野好用~

噴筆個主體係用開沙模方法, 用銅鑄造出黎, 然後再用鑼機鑼位打磨, 跟手電鍍上面而成. 但係鑄造過程入面, 小不免會出現沙窿, 係結構上成 week point ...
crack 就係因佢而起. 所以我先話係個蓋冚特太入, 撐爆 ......

我唔太清楚, 但應該唔可能成枝一體鑄出來. 除左杯既地方, 最主要係入氣個段, 如果拆左個air value, 會見到係唔夠角度/位去鑽果入氣位. 所以我覺得係weld 出來.