又更新吓!
過去的星期在噴 GX100 光油, 噴左兩浸就發現水貼上再上水貼的水貼 ( 講得清唔清楚呢?
) 起泡及有個 N 字爛左, 頭蓋的 NISSAN 也有小小氣泡, 下次要再留心了. 車尾有些紫色水貼因脫色 (軟化劑過度) 要補油, 溝唔番原色, 因為郡仕 (相信大部份模型油都係) 聲稱的所謂原色 (Primary colour) 根本唔係原色, #3+#5 變左屎錦色
用#67溝, 好些, 最近似的是用透明系列的#47和#50, 可惜遮蓋力弱, 蓋上即變回屎錦色
算數, 遲吓再諗.
等油乾時便是玩野時間
玩陰影, 一於當軍事/油兵仔錦玩! 92年花的灰色好易, 用 XF-1或 X-19 都可, 選擇筆塗而捨 wash/滲線, 想企理/乾淨俐落些, 車始終不是afv, 立立呤的車身面上好難可以 pre/pro-shading, 而陰影更加唔係在凹的位置上深色!! 而是在***暗面***上較深色, 就如油兵仔的衫褲皺紋一樣. 91年花的天藍色, 最好避免 XF-1 或 X-19了, 會有種污"租"的感覺, 所以選用琺瑯透明藍筆塗. 之前試過用水彩膠 AV 的藍色開到好稀, 就如油兵仔般 layering, 但失敗 (C子一早話左唔得
) 可能個面太滑, 食唔到...或我做錯. 先至用回 X-23.
錶板, 桶椅等等就可以 pre/pro-shading 喇
但切忌太誇張好似科幻手法般, 除非當年的車手係阿寶或馬莎 (唔係法拉利果條癈柴飛利浦馬莎呀
) 就唔同錦講
之前我咪在錶板猛挖深刻線, 而家應該清楚用意, 圖片是還未滲黑線的, 仍然保留明顯的輪廓, 其實在深灰色上滲黑線係沒大作用的, 又唔係 afv 可以用其他如沙黃色
車尾燈更加玩野, 因為士佳麗的外形傳統特色相信係它的四個圓尾燈莫屬! 為了盡量特顯圓中之圓, 用了X-23 + X-27 塗上中央的細圓, 圓周多塗幾筆, 希望有分別啦, 日後會在燈位的內謄貼上銀水貼.
輪到鑼絲. 它不是實芯的, 而是中空的, 又唔想煩鑽洞, 便用上色彌補, 再加些掉漆
冇錯, 係掉漆, 因為就算新束束, 除非唔上, 一用風炮上落架車道就甩硬漆!
唔.......好唔好再做D泥跡, 戰損, 流銹, 車身掉漆, 烟燻
係呀
第日死氣喉出口位要做烟燻效果
分享
