哈哈...
砌架老電好高成本喎...
未必人人玩得起..
(除非好似肥牛兄咁.."自制")
砌一架老電要好有心機..分分鐘冇3,5幾個月都唔得...
不過我都好想砌番架老電..
自己有盒Ninja ZX-RR都未開盒..
遲D買齊PE同改件..我都砌番架先...!!

其實一架老電oob都可以好靚架
係唔係「有必要」攪咁多野都係視乎個人喜好架姐....
我覺得與其要花時間金錢重要自己「磨」好耐先「磨」到一架老電出來, 倒不如oob一架自己開心重好喇~
一下子買補品買reference重要花時間去度點攪, 砌模型姐, 俾自己咁多負擔包袱為乜？
玩下手唔中意玩, 錢都sign鬼埋添呀......

高達都有hg, mg同pg喇, 攞隻pg 齋拍又得, 買套改件攪隻hg又得...... 想點玩咪點玩lor
就算係架ducati度貼repsol花都得架喎~
網上分享就係有呢樣好同唔好, 好多時就係人云亦云, 攪到好似set到門檻好高好高咁, 但其實呢樣野, 又係唔係可以簡簡單單咁去玩呢？
掉返轉頭睇, 係d multimedia kit唔係咁興果時, 大家都一樣玩得好high架波, 點解要迫自己一係唔玩, 一玩就玩到咁大呢？
如果你有睇開小弟既progress, 我之前都係oob老電架咋, 玩落中意先會呢度加d 果度加d
呢d 所謂加左落去既details, 有人喜歡, 亦有人會用另一個角度既睇, afterall, 係唔係「好(which is entirely subjective」都係睇自己架姐

講埋reference先...
其實reference呢樣野, 砌咩都一樣....都係睇自己興趣有幾大, 自己點取捨...
砌afv既refernce多到買晒成副身家都未買得晒架, 但一架坦克車有幾多mechanical parts 又係唔係件件都可以做得返出來呢？
所以自己中意既話, 買本好d 既reference 書, 自己睇得開心, 又可以用係架模型度都唔錯架, 我係買來儲多過買來做reference.....
如果只係興之所至玩, 真係唔suggest 買, 上網搵下相, 見到既details就用, 見唔到既, 都冇計喇, 唔通真係要搵架真車個個位都睇清睇楚先叫reference咩....係咪？
motogp 既話, 之前都提過pit walk collection會係不二之選

以上個人意見, 完全出於善意討論....希望唔好介意....

[ 本帖最後由 joey 於 2009-7-15 09:13 AM 編輯 ]

真係苦口婆心...太感人喇

類似o既題目其實都討論過好多次喇，不如joey兄另外開個post再講多次然後申請置頂啦

條鏈上色好有水準，有鏈味

有咩？乜唔係次次我都同你講咋咩
開個post講咩？補品的價值？補品的意義？
簡單如食lunch簡咩食好既問題, 我唸冇開post既需要嘛？
中意既鮑參翅肚又得, 唔中意既餐蛋麵又係一餐......當然有人可以餐餐魚翅「浪」口, 但係咪個個都「有需要」咁呢？
如果係...d 沙魚多得你唔少喎....

[ 本帖最後由 joey 於 2009-7-15 10:32 AM 編輯 ]

同架nsr一樣做法.... 我自己覺得contrast應該可以好d, 不過個金色太淺.....再攪我驚要噴過....
所以算囉....

thanks anyway!

唔單止補品o既問題，講講吓好自然又會講到去改車與唔改車o既問題，什麼基本功之類......

講到尾就會話，"你enjoy咪ok囉"

剛剛見到, 噴喉參考...

每個人都唔多唔少有0的葡萄味, 只你差在發唔發出黎, 人地聞唔聞到~
我都好羨慕砌一副模型可以用幾舊水買蝦片甩屎, 的確係有一刻虛榮0既快感
我亦都enjoy自制啪屎0個種滿足感, OOB 高速填滿模型櫃又係另一個Feel
所以我樣樣都會試~哈哈

呢個似係真係用火機"潭"出黎

唔知呢...呢d 桿佢聲稱係titanium喎....
呢d 貴野真係買唔起喇.....

呢番話有莫大啓示喎~
衰d 咁講, 我呢d 滿身銅臭, 一味買補品堆晒係架車度, 整出來咪就係刀兄之前講既咩「feel」都冇lor....

我自己好耐之前都會有咁既唸法, 用錢疊建一件作品既評價我記得之前有師兄都講過
好老實, 我都曾幾何時試過咁唸
不過, 難道買左返來俾左錢份pe就會自己痴上件模型度？難道有既就只有一刻虛榮一刻快感？
係民用車上用得到既補品, 其實遠不及軍事既模型, 民用既最多都只係疊疊埋埋痴上去, 但軍事既可能接到你死先得果一個箱仔...一個扣夠你玩一兩句鐘....更唔好提成架車有不同種類既工具.......
經過一段時間係不同種類既「補品」鍛鍊後, 有少許總結, 就係買一份補品返來, 其實唔係錢唔錢既問題, 而係我係買呢件補品返來係「玩呢盒補品」, 而唔係單單「呢份補品用落呢架車上」, 用一個咁既角度去睇, 會唔會有更多新既idea呢？

咁既話, 你所買返來用既野都會係of their values, 因為你係當佢係一件獨立既作品咁對待, 相對「計計埋埋一千幾百先砌到一架車」既唸法, 其實我係用左「百幾係盒kit」「百幾係pe」「百幾係張decal」「幾十係補品a」「幾十係補品b」「幾十係補品c」「幾十係補品d」....
咁計條數會唔會開心d？
我一直都冇真係去計過自己用左幾多錢去砌一架m1, 可能就係因為係咁... 每一件補品, 每一粒pe, 都用心咁去玩, 其實呢個玩法, 同你oob一架車係一模一樣的, 只係object唔同而已

我覺得未必是項目的問題, 只要鐘意, 就一定 challenging

我反而認為比例在此扮演一個相當角色  -----  1/12

1/12 相比其他冇咁大的比例, 容許了好多模型製作上的可能性, 包括自製或補品 (補品都係要有 "人" 造先得假! ) 試想想砌架 1/12 的 F-1, 或調番轉, 砌架 1/20 or 1/24 的 Yamaha M-1

而老電的實物尺寸, 得天獨厚! 我覺得 1/12 比例好合老電模型, 而 1/12 的 F-1 或房跑車如  Porsche 935 等, 相對上太大架了. 1/6 & 1/9 的老電又真係大左D喎! 仲有, 如果砌 1/6 老電而要追求細節的話......真係有排 "嘆" 嘞!

講得好好額!!!

「玩呢盒補品」呢個概念好重要, 買左返黎冇得玩我就覺得冇乜feel喇~
所以我覺得最冇feel 0既補品就係nuts, 但係玩super detail為左令件作品完整0的, 唔加又好似差咁0的.  
買nuts 我都想買0的有得加工0既nuts, 例如MasterClub0既Hex nuts 我覺得幾好玩, 撚完一輪, 上埋alclad可能成本都係咁上下~


好似玩到有0的走火入魔

[ 本帖最後由 奸仔 於 2009-7-15 02:34 PM 編輯 ]

咁會唔會轉左牛角尖？
鏍絲好地地車左出來重要加工？
點樣好好利用呢d 鏍絲會唔會更好玩呢？
否則就真係變左為加而加, 而唔係「玩呢樣補品」架喇.....

可能我爛玩0瓜... 有車床我想自己車添...

自己車出來當然最原汁原味喇~
咁到時可能唔係幾多個月砌一架, 係幾多年砌一架lor
一架m1都用左我三盒鏍絲.....20piece @...你要加油喇~

自己車鏍絲o既過程有苦自己知

唔好話車咩size 打咩size喇...(重要粒粒一樣)
我差一粒大少少既想自己用膠棒造都攪左幾晚先整到一粒....... (可能我屎喇....)
所以我好佩服肥牛兄上次果幾粒.....實在到現在都珍而重之咁好好保存緊~

[ 本帖最後由 joey 於 2009-7-15 05:07 PM 編輯 ]