當時直播就咁睇, 確係幾礙眼
所以冇耐賽會對咸仔發出 "口頭警告". 不過........
車手在 "防守" 時的 "君子協定" 是:- 防守者可以 ***轉線*** 阻擋 (Blocking) 後面的進攻者 ***一次*** 簡稱封線.
而***轉線***是指明顯的非正常賽車線. 但現實是, 始終好難精確界定, 必然有灰色地帶.
舉一個大家可能較易明白的例子 : 早幾年的東望洋 WTCC, 大家熟悉的澳門葡京灣
當年巴西車手 Farfus 還仍是駕駛紅色的 Alfa 156, 為了保持領先優勢, 想盡辦法檔住啄著他尾的寶馬 (記憶中好似係派奧).
在出完東方灣 (右灣) 後的大直路, 理應保持在正常的賽道左邊 (即電視螢光幕的右邊) 來預備接著下一個的葡京灣 (右灣) 亦是扒頭熱點. Farfus 的選擇是, 一出完東方灣即時靠到最右 (即電視螢光幕的最左邊) 後面的寶馬為了想食氣流, 就焗住死跟. 房車的空氣動力學和方程式賽車分別好大, 食氣流會好著數. 去到 WTCC 的級數, 前烈的賽車/車手實力太接近, 唔食氣流就好難扒頭.
好嘞, 後面的寶馬如果跟到直路尾才抽頭外灣想過??? 唔駛旨意. 因為 Alfa 守住咁窄的葡京瀛內線是冇位過的.
咁, 早d抽出黎囉!?
Farfus 的妙計就在此!!!
你寶馬一抽向左 (電視螢光幕向右), Farfus 便慢慢一樣移向左邊 <---- 可聲稱回復到正常的賽車線, 便可以不被烈入 blocking!!!
( 再解釋為何要往左邊外線, 唔係一直保持內線咪得咩? 答案是: 外線的弧度較寬, 容許遲些落 brake 呀!!! )
到現已在外線 (左) 的寶馬想再抽向右邊的內線扒頭時, Farfus 便作出反應, 移右封線, 成功防守, 亦變成合法了!!!
實際上 Farfus 是轉了兩次線的,
這就是灰色地帶了, 亦顯示了 Farfus 很有賽車腦袋, 很醒目. 我當時在現場的葡京看台, Farfus 第一次咁做時我們幾個車友都唔明他的舉動, 仲以為 "乜咁滕雞呀? 駛唔駛晨咁早就 "封" 定內線呀? 傻仔黎嘅...." 原來我們才是蠢材呢!!! 跟著個個圈 Farfus 都重複這個策略, 成功贏得那年的首回合賽事.
好嘞, 舉完例, 言歸正傳. 咁, 咸仔單野點睇呢. 我覺得 : 合法. 只是去得太盡, 變得礙眼咁姐. 亦解釋左為何賽會只是警告, 沒有罰. 實情是冇得罰! 何解?
因為上面所講的防守封線 (blocking) 是被動的反應性行為, 即是, 後面的進攻者先轉線作出進攻, 防守者才跟著轉往相同的方向來阻擋. 這才算是封線嘛!
而咸仔是先主動轉線來想賣甩你, 並非阻擋你的去路!!!!!!!!!!!!
你柏度夫可以唔跟家嘛, 柏是被動者, 請攪清楚!
就一如 Farfus 一出東方灣即往最右邊的動作, 一樣是主動, 不算入封線行為的.