答下嗲先
內龐真係非常之精細呀
其待新相

加油呀！！慢工出細貨

any update??

係呀，C110加左包圍之後的確幾靚。





多謝支持，我已經盡量抽時間做，好快會有野睇


整緊喇

今日補噴番個金色...過得去啦  再上GP2，竟然噴噴吓噴水，有理無理話之佢繼續噴，之後返轉頭用噴槍吹風將水珠吹走，再琴GP2上面，我諗D油硬左打磨番應該唔死得，等我拋光好再UPLOAD相俾大家睇。

見咁多師兄都用gp2~~
想問下一套大概可以噴幾多部車呢??
見咁貴,又心思思,都係做多d功課先好d~~

又想拖一兩個星期~~
btw,咁乾燥都噴水.........你對住個bump做過d咩來........

各人手勢唔同好難講，我噴倒四至五部，不過你砌老電就唔好用gp2，因為gp2唔咬油，你d鏍絲位扭多兩吓d gp2會俾你扯起架，到時喊都無謂。


一路都做緊架 ，噴左兩次金，第一次噴左個金色太鮮同太有金屬感，同decal個色好大出入，之後用finisher red gold + 8號仔，原因係8號仔比較灰，想借佢黎減低個彩度，而家出黎個色好好多喇。

點解噴水我都唔知呀，唔知係咪因為我中間換過槍放氣o個吓出事。事關我係噴完一次gp2，沙紙打磨完一次後個殼已經灰晒，噴金時無mask得好盡走左d金色響個車尾而自己睇唔倒，上第二次gp2時發現倒就將泵入面o既氣鬆少少條喉放走，換另一枝槍噴番個綠色，再放氣再噴gp2。

點解唔用一出二既咀呢？？

枝新槍買左唔夠一星期，未買d accessories呀，噴槍架都要買過個。

買左咩新筆？？
我都想買d bump既accessaries
搵埋我丫~~

yes, 買左枝雙星0.2，$600 only。出開去買野叫埋你啦。

係邊頭買嫁?

我會等既！！都等左差唔多半年la

LEO兄我又有野想問下~~~
你地有冇曾經試過去搵其他光油呢??見AMG兄佢話呢D叫2K光油,又納米又剩咁~~~
我估你地用開GP2既前輩都應該曾經諗過節省成本掛~~~~~

以我所知......2k油已經唔係咩新事物.....
要用要試, 以前有大把高手試過架喇
不過用2k油唔可以好似gp2咁咁細set來買
所以gp2係最類似既同類型coating既選擇
如果有細set 細set咁買既2k光油, 我唸的確係可以同finisher既光油做一個詳細既比較~

咁除左大手購入依個問題之外
2K油會唔會話好似GP2咁有毒
同埋噴出黎係唔係2K油會靚D

其實我買左一隻油漆鋪叫油霸既物體,
聽D師傅話呢隻係用黎番新潔具用既~~
平平地,試左係好野先同大家報料~~~
我又問過D油漆鋪,話可以試下去D車房較油既地方問下,我估我遲下都會試下,
最可惜AMG兄近排冇乜上黎,唔係都可以問下佢~~

用真車2k油唔係無諗過，不過現時gp2我覺得啱我自己個玩法而亦做倒我想做o既野，所以唔急住搵replacement。另一方面仲有好多野其實好想去試好想去學，現時只係想清埋之前未完成o既野，之後會試吓d新搞作

其實我都係用減低成本個角度去諗o者~~~
如果真係同一樣野,用百零二百蚊就可以買到過千蚊既份量又真係諗得過ga
touch wood衰左都冇咁肉赤嘛~~

啱o既，計成本係差好遠，但未有時間去做測試，真車油好多牌字，邊隻好d、濃度、份量、乾燥時間、收縮程度、保存方法等等都需要時間去實驗。好似gp2咁，到而家我地都唔敢話100%了解佢個用法，好似久唔久會出現o既沙孔，就算用左好耐gp2 o既師兄們一樣噴倒有，遲些少吧，有時間我會做測試的。