玩MAI木咁勁~

業餘都整得咁好,已經好厲害！

我唔係師兄，毛毛兄客氣了.....  砌 AFV 要向毛毛兄學習就真！

架飛行器拖左幾年都未砌好，慚愧......  今次要o的起心肝完成佢！


多謝收看！

今時今日玩木模型確係冷門，但都唔係乜野勁.....  係膠模型出現前，木模型原是主流。

[連杆的製作 - I]

這次製作兩條主翼連杆 (Wing Strut)，是將機身上像絞盤的機械裝置連到兩隻主翼的連杆，用以帶動雙翼作撲翼動作。

杆身是直徑 1/8" 的竹枝 (約 3mm)。 原裝跟來的竹枝質地不佳，我用串燒的竹枝代替。
特別的地方是左右不同長度，左邊的長 135mm，而右邊的長 130mm。
[attach]301859[/attach]

將竹枝的一端鏟出兩個斜面，稍後要將一個像髮夾的 pin 粘合到斜面上。
[attach]301860[/attach]

說明書裡只是把 pin 直接粘到杆上，但連杆是要由機械裝置帶動著雙翼撲動，是受力位來的，把 pin 直接粘合到杆上是不夠力的，會很容易甩出來，所以要做點手腳作補強。
Pin 的腳度好長度剪斷後，把腳尾屈成直角，就像「勾爪」的形狀。杆身方面，在每個斜面的中間開一條凹坑以藏入 pin 腳，上面鑽洞以藏入「勾爪」；這樣 pin 就不易甩出來，而凹坑亦可幫助 pin 身不會左右移位。
不過要在這個約 3mm x 9mm 的斜面上搞呢幾個坑同洞，搞到眼水都乾埋.....
[attach]301861[/attach]

杆身上了一次顏料，所用的是 GSI Mr.Color #318 - Radome。  而連杆和 pin 用 AA 膠粘合，夾好待膠水乾透。
[attach]301862[/attach]

連杆頭尾兩端都要同樣製作，但定位是互相垂直的。
[attach]301863[/attach]

雖然竹和木可以說是同類材料，但竹的纖維較粗和明顯 (竹身明顯看到一條條「絲」，而且打磨/處理時很易有「絲」走出來)，硬得來又有點韌性....... 較麻煩的是因為竹身裡的纖維走向，使竹枝上的不同位置會出現不同特性...... 這些都使竹比木較難處理得好。  以上是個人經驗。

下一步是要替粘合位紮上細繩。

多謝收看！  待續.....

[ 本帖最後由 patmb 於 2009-9-11 01:24 AM 編輯 ]

都係既....膠貴過木好多, 重要以前膠模型未有咁先進...
但今時今日想玩木模型都要唔少工具先玩到....
外國會多人玩木模型~話晒佢地都有個地下室可以整野~

以原材料黎講, 我以為木應該貴過膠, 雖然依家科技先進, 不過模型用料應該視乎題材, 比如說古木船, 又或者如樓主呢隻飛行器, 改用塑料就無左個味道!

今日行十蚊店, 見到patmb大佬用緊果種夾, 10蚊2個, 不過都無買, 反而買左包木模型

我都認為模型原材料，木會貴過膠。 膠模型，最貴係造模，但模一但造好，就可以快速、大量咁「啤」出黎，生產成本可以大幅分散。 而木模型，唔少部件要用人手處理，而且一般產量唔高，整體成本相對會較高。

To vr2xtd：呢個日規我都係 $10 Shop 見過，咁o既價錢都抵玩，不過個人覺得佢有點兒戲，所以無買。

[連杆的製作 - II]

續上回......  將 pin 粘合到連杆後，要替粘合位紮上細繩。

Pin 和連杆粘合後的模樣，pin leg 已藏入坑內、「勾爪」亦勾緊孔洞。
[attach]301936[/attach]

紮上縫紉線。 縫紉線是用德國的 Gütermann (古特曼) 尼龍縫紉線，質地很好，但幾貴，而且好少地方有得賣。
[attach]301937[/attach]

兩條連杆已製作完成。 上面那條是左邊的，長 135mm；下面那條是右邊的，長 130mm。 左右不同長度是要符合機身上的特別機械設計。
[attach]301938[/attach]

多謝收看！  待續.....

[ 本帖最後由 patmb 於 2009-9-12 12:54 AM 編輯 ]

想請問你個線系點收實? 是否用圖中呢個方法?

我係參考漁絲縛漁勾的方法，再略加改變；同你圖中 (細繩部份) 的方法差不多。

不過結尾時把繩/線拉緊後，因為這不是死結，怕有機會散開，所以我會用少量 AA 膠點在結尾處，以防止散開。

[attach]301944[/attach]

太強啦

[連杆的重力測試]

有點好奇經補強後的「勾爪粘合」可以承受幾大重力，忍唔住測試下......  起碼都可以吊起一罐汽水..... 但無試過其他更重的物件。
[attach]301995[/attach]

咦! 完成後會唔會做個風洞測試呢

[ 本帖最後由 vr2xtd 於 2009-9-12 09:54 AM 編輯 ]

當年南北朝時有張僧繇在金陵安樂寺「畫龍點睛」，龍被點睛後飛了上天.........

如果我完成後來個風洞測試，唔知會唔會發生「風吹鳥飛」的怪事.......  都係咪搞......  

patmb 兄
進度快左好多喎
一唔覺意就 miss 左兩日

睇見結繩果part，另小弟諗返細個都係咁樣繞辣雞D電線

頂一下
patmb兄好波

類似的繞繩方法，細個時都識識地......  當時見我阿哥做童軍，將條帆布繩紮得好整齊好靚，於是叫佢教我.......  學識後無論繞繩、繞電線都係用類似方法......  後來去釣魚，學識縛漁鉤，就再有多ｄ變化。

pbaa 兄過獎了.......  我都係邊砌邊學.......  大家齊齊努力！

BTW，你之前開左咁多火頭，仲有幾多未搞好？

[尾翼的製作 - I]

今次搞下條尾翼。 先整個 Tail Ring.....

材料：1.2mm 鋼琴線、4mm 闊皮條、一個金屬圈。
[attach]303201[/attach]

皮條一端切出一條窄條，將金屬圈套上，用 AA 膠粘合。皮條另一端砌尖。
[attach]303202[/attach]

鋼琴線屈至適當形狀及 cut 到適當長度 (鋼琴線好硬，難屈又難 cut，搞到手都痛.... )，在皮條適當位置開兩條縫，套進鋼琴線，用 AA 膠粘合。 Tail Ring 完成。
[attach]303203[/attach]

這個 Tail Ring 是會插進機身後部的兩個窿，直立在機尾。
[attach]303204[/attach]

尾翼的「骨」是會如下圖的結構組合，並粘合到 Tail Ring 上。
[attach]303205[/attach]

下一步驟，處理尾翼的翼骨。

多謝收看！  待續.....

好多, 好多...哈哈...

睇埋你隻好嘢先啦...