本人想買一套hi-nu改件,不過我見有vp同cw的,邊個好d??同埋我見上面商鋪連結所發售的vp有$3xx同$4xx,有咩唔同??
大家可唔可以推薦邊間好??
thx....

cw係用mg nu改成,出左一段時間.
vp係用mg hi-nu再upgrade,近期出嘅.
個人覺得vp正好多.
價錢方面要睇下佢包咩,好似水貼,相,cd
亦要睇下係唔係頭模(可以自己check至買)
至於邊間好呢度唔係方便講,自己再比較.

我想問呢d係咪出左就唔會再出??同埋bandai自己有無出改件??

呢個睇佢個策略,原件再出機會較低.翻件就可能睇市場反應再用原件翻多一次,無固定答案.
bandai,即係b-club都有出改件,但係唔夠ng,vp咁突出,因為受制於傳統設定框框.

sorry....
翻件同原件即係點??依你講法,翻件係咪設定會再改??

咁我再講清楚.
原件係某廠商自行製作首辦,覆模發售,某程度上質素最高.但由於數量有限,價錢幾貴.
一啲受歡迎首辦會火速售罄.
而翻件就係利用原件覆模而成,但礙於模具折舊,會分有頭模尾模,價錢差別很大.
一般黎講,翻件質素比原件差少少.等於正版同翻版cd.
一啲有責任翻件商會將原件再修正至進行覆模,確保質素.(唔排除有地方改動)
但有啲翻件商會用翻件覆模或用折舊模具繼續翻模,令質素大減.
基本上我地見到係翻件,但都有人砌原件(特別有米 )