某日我發現有個post有個報名表, 目的竟然係上我屋企睇<茂羅街>作品而我未答應過的~   ok, 平日都時常有十幾個屋企人上黎, 應該無問題, 就安排一次滿足下大家啦~

日期: 11月14日晚上
地點: 亞糊屋企
聚會名稱: 十一.十四 模型界高峰會

參加者 (獎項只列出最高殊榮, 如有錯漏請指正):
Taximan (香港公開模型大賽2007 全場總冠軍<茂羅街> 作者)
Arnold (香港公開模型大賽2006 全場總冠軍)
Victor
明天
阿民
自來也
Mat Leung
Ten
VampireA
Joey
Wongleo
亞糊

特別邀請嘉賓:
謝寶言先生 - 香港電擊高達模型大賽2002 專業組冠軍, 同年日本決定戰前五名
http://hobby.dengekinet.com/gunpra/gunpra_acv/gunpura02.html

梁禮傑先生(kit power) - 香港電擊高達模型大賽2003 專業組冠軍, 同年日本決定戰第一名(即總冠軍)
曾仕龍先生(小鯊) - 香港電擊高達模型大賽2003 專業組亞軍, 同年日本決定戰前五名
http://hobby.dengekinet.com/gunpra/gunpra_acv/gunpura03.html


原定schedule:
7:00PM 集合
700~830 影相, 交流, 作品欣賞
830~900 晚飯
900~1000 討論


經自我介紹後大家認識深入左, 我亦終於介紹左taximan同大家認識, 亦令佢認識到大家, 特別係幾位好少響度及言但圈內舉足輕重既朋友. 不過屋企唔係幾仟呎始終要控制人數, 否則可以遨請更多人就好了.
一開始模型話題就不得了, 好似裝左金x王電芯傾唔停, 亦好似十年失散無見咁! 傾到12點仲未停過亦唔捨得走咁濟! 原來響無作品情況下大家話題比網上討論,版聚甚至飯局既討論內容更廣泛更深入. 傾完香港傾大陸, 又傾下比賽野, 傾下概念, 理想, 故事, 如何推動, 等等等等....

呢幾年版聚特別多. 但自從果次模型村聚會後好幾年無試過呢種形式既研討會. 其實咁樣既聚會無論氣氛同話題同網上討論,版聚及飯局時又好唔同. 唔再集中某方面既技巧討論或者近期既模型事, 而係天南地北, 更宏觀既話題.

我派左少量西九文化區既心願卡, 大家亦可到以下網頁填寫, 希望大家抽空將我地既興趣推廣俾政府, 可以設置模型展覽館或活動場地, 12月12日截止. 機會微乎其微但總要做的, 希望多d人幫手力量更大~
http://www.hab.gov.hk/wkcd/pe/chi/intro.htm

[ 本帖最後由 亞糊 於 2007-11-15 09:04 AM 編輯 ]

首先要非常多謝糊兄熱情招呼  
今次聚會感覺極之好. 出席各位都是很有心的模型人, 非常開心可以與平時只有在這板內交流的大家來個見面. 今次交流的確如糊兄說的不只在於技術層面, 而係多方面, 見識了很多. 席內多位高手都有道出自己對模型既看法及期望, 看到那份熱情, 感覺到自己都應加把勁才行.

典解冇我份 ，以為你班衰仔UP�鼢N算，原來真係成�鷞�

有你份架... 我地每人畀��$45, 唔該下次版聚時你畀亞糊

唔知你們將會搞d甚麼新意思??期待,十卜.

又冇報名   大家傾得唔知幾開心呀 尋晚其中一金句:


聽完真係拍晒手掌

[ 本帖最後由 VampireA 於 2007-11-15 02:19 PM 編輯 ]

原來有開post招人...唔怪得有咁多人上去啦~

其實都冇傾乜野計畫, 除了taximan想集齊各方人馬參加係2010年係歐洲舉行既國際賽, 高手既自然會落手落腳砌, 其他人就可以收集資料. 但一切都未開始, 等緊taximan比多d資料我地去睇清楚d賽例先會真係吹雞.
全晚真係談天說地, 有講心聲, 有吹水, 有講比賽, 有講雜誌, 有講行情, 總之同模型有關既都會講..

有 d 咁�翵�

係11點幾果時講, 你同joey佢地果時已經走左了. taximan都講唔出個比賽名, 佢一早講左佢英文係有限公司喇, 要等佢post出o黎了, 先知可以點幫手.

昨晚真係非一般的晚上
大顆兒十幾個男人係亞糊屋企聚會,king計king到hehe humhum~~~
唔知既可能差d會報警.....哈哈~~~

身處其中,小弟不論年紀、姿力都係最細(亞民咪話自己細呀~你係我前輩來架下~~!)
成日得把口既我都係靜靜地聽下各位前輩師傅既分享好了~~

可能最近心情冇之前咁抭奮，聽大佬們既分享後就更見秒小....
之前有版友講開話做一富情景,好難得可以人像夠玩開兵人既水準之餘,車又可以夠玩開車既朋友咁細緻.....
小弟都係樣樣有試，樣樣都攪，但就都總係冇樣砌得士士正正...
琴日係各前輩面前,真係覺得要有反思既空間....
大家都各自有自己自豪既一個field.....自己算係d咩？

每次都以一句盡力而為來做藉口，之後就走去玩第二樣野....最後樣樣都只係得半筒水.....
但無奈樣樣都吊起引.....
要專心一意咁玩一樣野,真係冇乜計......

呢種矛盾既心情充滿現在的我....

其實你情況沒有你想的那麼差, 可以這樣看, 打機都好多時有d角色專係近接戰, 有d長distance/sniper, 有d火力勁但唔靈活, 有d就平均形. 你現時係平均形麻, 不是問題, 到玩多左(一年24件其實真係好勁呢, 你有冇目訓覺架), 發覺自己最想玩乜先再專都未遲. 依家乜都玩就乜技術都學到, 幾好呀..

唔系喔，joey，我觉得你得喔

每次都以一句盡力而為來做藉口，之後就走去玩第二樣野....最後樣樣都只係得半筒水.....
但無奈樣樣都吊起引.....
要專心一意咁玩一樣野,真係冇乜計...... <--------------- 你好似講埋我既狀況一樣...
不過玩得開心既話,查實都冇乜所謂... 「精」or 「博」....enjoy 就得喇

今時今日做專才無前途, 揸住一番絕技頂多威兩三年, 通才先可以長期搵到食架~

原來有D咁好gei野............
冇得黎...=________________________________="'

1) 很高興有機會和各名人高手吹水談天,亦聽了不少八卦新聞....
2) 可以再一次近距離欣賞全場總冠軍.....又再補影了一些相
3) 原來阿糊sir間屋都幾大下.... 間房是我的一倍....
4) 食飯食得少...下次要食多d!!
5) 盟哥想玩電擊......大劑...
6) 除左電擊...原來仲有個更激既比賽想玩....仲可能要集合hk一班高手....
7) 期待下一次同類型聚會

玩左年幾模型,已經識了唔少朋友,仲可以參加呢次聚會,真是意想不到呢,.....

[ 本帖最後由 明天 於 2007-11-16 01:39 AM 編輯 ]

其實我黎到都係攪攪震，0係阿糊既存倉入面大開眼界，一個令人羨慕既工作室~~
其實玩得好開心，見到一班前輩，0係細細個就雜誌入面先見到既高手前輩，終於俾我見到佢地既真人，真係有fans見偶像既感覺。
希望0係果晚討論過既大計，可以早日達成，如果小弟可以幫到手既，記得搵我呀~
多謝咁多位分享大家既經驗，多謝阿糊同糊嫂既熱情款待。我今日返工仲回味緊尋日既喜悅。

其實砌模型，一d都唔孤獨。

[ 本帖最後由 阿民 於 2007-11-16 01:37 AM 編輯 ]

阿糊兄我掛住吹水未俾飯錢你呀，下次見面會記得俾番你架喇，sorry sorry。

非常感謝亞糊兄可以借出地方俾我地，再加上你o既熱情招待，十分難得，打攪到咁夜真係唔好意思 好可惜我太遲黎，miss左大家自我介紹o既時間，真係好想認識大家多d。