SDEX019 - XVX-016 - Gundam Aerial
新一輯的高達水星的魔女推出以來, 一直人氣高企. 有一次同模型舖老闆閒談, 傾下傾下都對呢套動畫產生興趣. 於是上網追番. 其實我一直以來都完整無睇過高達的動畫, 0079都無, 細個電視播就睇下咁. 估吾到竟然走去睇新世代的水星.
睇完動畫, 好自然就會留意模型. HG又缺晒貨, 突然見到SD出, 盒SD先係40幾, 於是就入左幾盒玩下. 當晚回家仲即時開左一盒, 素組加貼紙已經非常吾錯!
經過素組的經驗, 大約都了解要補色的位置. 真心想讚賞Bandai的貼紙, 大小, 位置都非常準, 仲會幫你包小小邊. 基本上貼完貼紙已完成9成要補色的位置. 快樂素組過後, 完成了手頭上的模型, 终於開始製作.
SDEX的設計極簡單, 水口亦非常細, 打磨等前期功夫半個小時左右已經完成! 值得一讚的是這盒SDEX偷膠部位極小! 只有手上臂同槍小小位, 吾處理都吾係十分覺眼. 而另一樣SDEX出晒名的紙片兵器, 今次都尚算可以! 基本上今盒SDEX可說是水準之作, 沒有之前SDEX的主要問題.
不過今次設計這盒風靈的設計師就有點捉不準風靈的特點. 好似電流的裝置當然係其中一個等點, 但風靈另一個特點, 粗壯大腳就完全不見了. 反正SDEX都係3.5頭身, 有手有腳有大腳等, 其實可以再加一塊比較大的裝甲在大腳特出粗壯的大腳. 如今風靈同以前EXIA, OO等好似一樣咁.
開始上色之後, 先說明一下, 小弟的方法不是十分正統, 全部以簡單, 易處理為優先.
1. 全機噴一次白色. 個人認為大家吾一定噴白色, 噴白灰都可以. 不過一定吾好用灰灰. 由於風靈有遮蓋力極低的黃色, 灰色底出來的黃/紅係極吾好睇
2. 吾做遮蓋, 將本身係橙黃色的地方先上色 , 用紅色噴陰影位, 白色噴高光, 最後補主色)
3. 吾做遮蓋, 將本身係紅色的地方先上色, (用灰色噴陰影位, 白色噴高光, 最後補主色))
4. 等乾 (之前的步驟小弟全部都無理乾未就繼續, 不過由於小弟吾係濕噴, 一般情況15分鐘已乾)
5. 貼原裝紅黃及劍柄部份的貼紙, 基本上係當遮蓋用, 一定要用牙籤按實, 否則會滲油. 有需要再補遮蓋貼紙
6. 噴灰色. 等乾透再貼原裝貼紙.
6. 再用白油噴之前出界的色, 令成盒野轉為白色. 千萬別用濕噴, 細風細油, 薄噴.
7. 噴藍色, 噴埋高光, 陰影. 完全乾透之後貼藍貼紙. 要留意盾的貼紙只有前面, 後面要自己整. 同埋盾有好多地方要自己補遮蓋
8. 噴白色, 噴埋陰影, 補主色.
9. 移除貼紙, 手油補油, 畫線, 滲線等. 如有膠漬, 可用Enamel的開油水抹乾淨.
基本上說穿了就是用原裝貼紙做遮蓋! 沒有這張貼紙, 我是絕不會動手製作這盒模型的! 成個噴油過程大概4個鐘. 應該有一半時間都係貼貼紙. 我成日諗, 既然Bandai已有原裝貼紙的電腦稿, 點解Bandai吾推出PB特別限定上色版, 全白色模型加一張遮蓋貼紙! 盒模型$40, 如果你真係出一張遮蓋貼紙賣$30我都俾! 真係做小好多野!
白色 Mr. Colour C107
灰色 UG09
紅色 UG20 (陰影用灰色)
藍色 UG14 (陰影用灰色)
黃色 Mr. Colour C58(陰影用紅色)
整體來說, 十分出色的一盒SDEX, 輕鬆愉快素組也可, 唯一不滿是大腳前甲過小, 失去了風靈的味道. 跟以往SDEX比, 完全是超班!
Full Size Photo link :
https://photos.app.goo.gl/axD1vRGr5LFshKRk7
#GundamAERIAL, #SDGundam, #Gunpla, #SD, #SDEX, #XVX016
[
本帖最後由 ngszewai 於 2022-10-30 02:40 PM 編輯 ]
分享
