下一隻砌乜好
剛完成了3隻1/144, 2隻RG, 一隻HG.
休息左一晚無砌模型, 又係時候諗下下一隻砌乜. 其實排隊的模型有好多, 而家浮上來想砌的有下面幾盒
第一候選 : SDCS - Zeta
第一次砌係素組, 第二隻白色位用左淺淺綠色為主色, 無上陰影, 有好多位油得好差, 黃色出風位也有部份無處理. 想再砌一次整靚晒. 但一直未諗通好多細黃色位的處理方法. 同埋砌一隻SD其實吾多件. 開左油就想順便噴埋其他同色的其他模型. 好似RX-78個頭, 我覺得塊面向內入了太多, 反正砌完吉姆有件剩, 想砌多個高達頭.
第二候選 : RG Zeta
無其他原因, 砌完百式想整埋Zeta同MK-II
第三候選 : RG 魔蟹
好鐘意魔蟹, 一出買左, 本來諗住素組, 放左咁多年想了結佢
第四候選 : PG SF
已經決定好制作方向. 金色件已經連框噴完. 會跟說明書拍起先再睇邊度補噴. 外甲因為設計過份簡單, 會參考RG做分件及刻線. 今次係第一次自己刻線. 希望順利. 為了避免背部受吾起翼的重量而斷, 已在淘寶買金屬補件. 砌呢盒最煩係無地方. 如果次次砌完一part都要收檔會好浪費時間. 同埋砌起之後搵位放代表要收起其他PG.
第五候選 : SD NuGundam - Dobule Fin
之前已經砌左2隻. 第一隻上色太差. 第二隻overall不錯的. 今次想噴陰影加double fin. 如果double fin係用番之前個隻, 我吾會抹, 直接再噴上去. 心思思諗緊買多一盒, 又好似好浪費咁.
呢5盒係我呢一刻最想砌的. 有好多時, 如果砌左另一盒, 無左個份衝動, 之後可能有排都吾會搞(好似我盒RG Wing Custom同Custom Zero, 砌完SD想開, 不過最後開左SF. 跟住就入番倉. 吾搞住)
大家有乜意見?
|