有天行過某模型店睇下戰國陣出左未同埋MG武者普通版既價，見到兩個小學生(OR中一，二左右)睇高達模型

A︰(拿起1/144綠迷茫)哇！呢盒係最新架(我的心︰差唔多年零前就係=.=")
B︰係丫，STRIKE丫，好型丫！(你知什麼是MSV嗎=.=")
A︰(又拿起盒捷武)哇！渣古丫，黑色既(捷武都唔識係咩年代架=.=")
B︰啊！好多新野丫，全部都新出架？
A︰(對著一大堆SEED 同 00既1/144)係丫，全部都係新架(3年前就係.....=.=")
之後見到00-RAISER又停底睇左陣，之後又聽到

A︰哇！EXIA丫(用無記譯音)！00P丫，仲係紅色既(正義女神都冇聽過......)
B︰哇！原來佢TYPE F架(而家D小朋友原來唔識自己上網搵自己中意既野既資料......)

之後買左小小野就走

估唔到當年冇互聯網個陣人人都識高達，而家科技咁發達反而D小朋友連高達係乜都唔知，世界正在變革...........

唔中意就話姐，但係我聽到佢地係特登入去睇高達模型的，現在的小朋友未免不懂得善用科技

高達 0既定義個個唔同0既~
對有d人黎講,講起高達只會諗起動畫~
有d,係要黎砌黎玩,玩具,
有d,係藝術品~

自己知自己點睇就得,使咩理人~
純粹吹水,有錯勿插~

OO HG就算新既
SEED就....
小學都重可接受
中學未免太惡搞了

問題在於背後表示了小朋友對自己喜愛的東西不求甚解先係最大問題，連中意一樣野，都對佢小小認知都冇(我見過有D討論區話聽到有小朋友話RX-78-2係癈野而且話馬沙係抄SEED )

睇開D la!依家D細路唔同以前,嬌生慣養

除左讀書開始無野識做

好似早排我話同班人上模型班,我都上左兩堂先同我講唔去,冇主見(F.3)

話唔想一開波砌keroro和!

我心想,你咩料呀!自已無底子仲鹽三鹽四,我都無資格出聲la!

又唔肯由低做起,好難有進步和

咪係
個人認為1開始比佢地砌HG渣古,已經益左佢地.....
因為我校既學會都係用渣古教起

讀書......有幾多個真係為讀書而讀書?

唔係人人都會做資料搜集嘛....況且小朋友睇電視幾多,就收幾多,再唔係就係聽埋晒d同學既說話

咁有資料接收錯誤真係唔出奇

你叫佢打多幾舖機就得......仲講資料搜集??

一個字......懶

係學生眼中,讀書係for考試的

舊年的事......
同fd行吉x島，有小朋友指住 馬沙專用紅渣古話: 「渣古戰士牙(意指seed d中的渣古) !」汗)
之後都fd討論左一陣，「呢部唔係uc 的產物嗎.....?邊係seed果部牙?」
點知比個小朋友聽到
「你識唔識野架，呢部係渣古戰士牙!你有冇睇高達架?」(高達= 高達seed???)
大無奈-v-

[ 本帖最後由 L.EGEND 於 2009-3-23 11:17 PM 編輯 ]

靚仔,我開始睇高達個時您都唔知係邊~

通常我聽到佢地咁講,都只會有無奈既笑容.....

知你勁啦 成日都拎自己有幾大出黎講

某程度上我認為呢個係上一代種下嘅禍根.
個個都淨係識得揀d賺得多錢嘅科目黎讀.
試問有幾多個真係鍾意accounting先去讀?

e家大部份人除左搵錢之外好似冇其他興趣咁, 一係就蒲吧飲酒飲到死.

不喜請插.

我未識行就已經識做矇面超人嘅變身動作同絕招

我係代入緊佢0既角色去講=.=~


咁我想睇~


回復 #14 lamsaitat 的帖子

上一代一般生活唔富裕,尤其香港同中國,
咁惟有寄望下一代可以做d又舒服又搵到0既工~
下一代又聽上一代講,而且現實亦係一樣,錢銀行頭,
咁d人就湧哂去讀商科,無諗過自己想點,
好,而家全部死哂~

[ 本帖最後由 番茄揚 於 2009-3-23 11:30 PM 編輯 ]

我唔似你.......我真係苦笑都笑唔出

中晒我d心聲!
一早就睇到商科專材飽和啦,
d人都仲係沒頭沒腦咁跳入去...
怪, 只怪香港地太依賴金融業,
口裡雖然話要全方位發展, 但係根本就無視文理兩科嘅重要.

係其他壇都聽的
有小朋友係gundam expo 到指住1:100 transam exia 話「呢部係終極艾．斯．亞!」

我寧願佢地咁樣好過約埋成班fd喺班房搞4567p