首先祝各位新一年事事如意, 生活愉快!! 我會開住工同大家一齊迎接新的一年 ……

前言: 依隻係我08年第九個作品, 本來立下宏願”每月一隻”, 最後都係事與願違……完全無睇過武裝機甲, 只係覺得設定吸引就買咗番黎砌. 十一月頭開工, 諗住今年一定完成到, 不過最後都要趕頭趕命先趕得切……

模型: 模型本色分色不俗, 好多地方都唔需要masking就可以上色(太刀除外). 夾口亦唔算多, 分別係大脾, 雙手同後頸, 不過壽屋就無考慮用家補夾口之後上色問題, 所以好多時要補咗A件夾口同上色先可以繼續砌B件(你睇唔明係正常, 我表達能力有限……). 可動性不俗, 亦因為咁我巳經括甩咗好多油…… 外型十分之討好(個人意見), 只不過有個奇怪地方, 就係太刀比刀鞘還要長, 可惜我最後先發現, 唔係定會改番長個刀鞘.

製作: 一如以往, 無任何改造, 亦無需補偷膠(不過賣得咁貴壽屋你都唔好意思再偷膠吓話!). 上色參考造型村作品(多謝俾過配色意見嘅各位同好), 部份亦用咗YAYA兄玻璃上色法(多謝YAYA兄分享技巧). 成品比想像中細, 但勝在外型不俗. 不再累贅, 請大家多多指教!!!

素組






參考圖片


完成品




















劍長過鞘


都企得幾穩


全部配件


08年作品總結, 右至左由年頭到年尾. (仲有隻k66係女友家.)




[ 本帖最後由 The-Old 於 2009-1-9 02:12 PM 編輯 ]

多謝意見, 個花紋係水貼, 仲係砌the-O陣買兼用剩(個款水貼係鐵奧同雅典拿用), 正宗用足成年.


森次個部係咪好多把劍, 藍色個部呀? 我都打算砌埋佢, 不過配色仲未有著落, 又唔想跟設定, 有無高見呀你?


多謝欣賞, 唔止唔大隻, 基本上可以用"的式"黎型容.


多謝欣賞, 本來諗住上紅色就算, 不過見YAYA兄玻璃上色幾有意思, 就攞黎試試, 效果都算OK.


多謝意見. 我都唔算起得多, 始終俗務纏身, 砌到咁多差不多已經係極限(可以唔使返工淨砌模型就好囉 , 不過到時又無錢買 ......), 而且隻隻都係肉作, 點同閣下隻隻精品吖?


其實我都唔知依個配色算唔算繪美版, 因為同壽屋個繪美版都有好多出入, 不過自己鍾意就好.

[ 本帖最後由 The-Old 於 2009-1-1 11:35 AM 編輯 ]

嗯, 大家咁話, 共勉之!

其實佢分色都分得唔錯, 唔算難噴. 設定上TV同漫畫版有分別啫. 你個隻TV版, 油得唔錯呀, D pose有型過我好多.


多謝欣賞. 嗯, 我一來唔多識攞pose, 二來我已經括咗好多油, 唔多再敢郁佢, 佢呆呆地企係度我已經好滿足.

多謝欣賞. 我都鍾意造型村個隻, 不過特別版要七千幾yen, 普通都要六千幾yen, 仲要有限定, 係香港就算俾你買到都抄到天價...... 我退而求其次啦, 反正依隻都唔算好失禮.

我買個陣210大元, 其實我都嫌貴, 因為砌出黎仲要比HG小巧, 不過之後同系列個D仲愈出愈貴......點算 ......


多謝欣賞, 其實上色好多都歸功於模型分色得好, 要做摭掩地方唔多. 依系列模型唔知點解入貨唔多, 好快賣晒, 有興趣就要多多留意. (不過買唔到模型都仲有首辦.)

開頭三張已是素組的相片, 官方素組的我倒沒有, 你上網找找吧.


多謝謬讚. 我係MK兆萬一樓買, 不過都係十月尾嘅事, 上次去都唔見有. 有興趣的話可以留意繪美版, 應該差不多時候出.

其實你做小小簡單分件就可以補咗個夾口. (說明書part26): 你先將B(7), B(8)同PC(F)組合好, 之後張D(2)打橫個四支膠棍仔cut咗佢, 咁補好後頸同上好晒色之後, 就可以斜斜地張D(2)連同K(1)插番入去, 當然要用膠水啦.

你唔清楚我講乜就再PM我啦, 希望幫到你, 期望你嘅作品.

由圖片來看, volks的造型是比較貼近漫畫的設定. 其實壽屋的造型也不差, 可能是比較貼近動畫的設定吧(我沒看過動畫.).