魔動王—超級水捲俠

大家好，第一次放文，有咩野大家請多多包涵。
幾年之前，行過一間玩具鋪，見到有幾隻魔動王既模型——不過，盒面係印簡體中文既。
我問過個店員，佢話係大陸正版；話唔知大陸好似話播，又唔知點…
不過我真係諗都無諗就買左。無計，真係純係對童年既回憶。
買到返去，個質素比想像中好，起碼真係好似係正版，d件係啪得埋既；
唔會好似以前我買左隻bb GP02A，砌到殺人甘款…
不過，可動範圍就…以我而家既眼光黎睇，我覺得根本上唔可以算得上係可動。
所有可動既地方，基本上都係同變形有關…換句話說，姐係關節係準備俾變形既。
但我知，以前既技術又真係唔可以同而家比；所以，素組完之後，我都擺左埋一邊。
不過…最近我終於忍唔到，將佢由屋企角落挖返出黎改。

好勒，口水噴完，黎睇相。
不過，而家淨係改左一隻腳…(我懶嘛)。
左邊係改造前，右邊係改造後。

1)向側。未改造之前，根本無向側拗既可能…

2)後視。隻腳改到高左，加長埋側邊兩塊版，岩我FEEL D。

3)向後的極限。用左朋友唔要既1/144高達部件改；感覺唔錯，可動高左好多。

4)向前的極限。依賴腳掌的關節向前拗；但，未改前根本係拗唔到前…



多謝各位捧場，下次更新幾時：唔知。(逃

[ 本帖最後由 AnTeD 於 2008-10-1 02:26 AM 編輯 ]

哈哈，估唔到一開POST就有人回，多謝捧場先。
唔好叫我師兄啦，我都係砌模型既初哥咋，我叫你師兄就差唔多。
我一定會俾心機整既，不過就可能會拖得耐D咁…唔好見怪。(逃

多謝捧場。
哈哈，其實果舊係鎖匙扣黎。


其實我想問一下反而係部邪動王仲有無見過有得賣，因為我見佢可以有三個唔同既形態，有少少心郁郁想收 。


唏，唔好叫我師兄，我新仔黎架咋。
我都好鐘意呀，以前細個禮拜六朝早爬起身就係為左睇佢。
不過原來而家收費電視翻做？可惜我無收費電視，如果唔係真係想重溫一下…。

小小更新…我個人真係比較懶，唔好介意。


用用sd渣古幽靈隻手改，可動的確高左。
但係隻手長左，大家睇落會唔會怪？
另外，我其實唔多滿意個拳頭；而家我諗緊好唔好改用1/100既手掌…
各位師兄，俾d意見我啦。

[ 本帖最後由 AnTeD 於 2008-10-1 02:21 AM 編輯 ]