在職人仕請入-- 已作決定! - 交友吹水聊天室

master_roshi

上尉

UID 10821
精華 3
積分 12
帖子 1484
成品數目 12 件
閱讀權限 10
註冊 2006-5-18
來自鳥山明漫畫世界
狀態離線

閱讀全部

發表於 2008-7-19 12:33 AM 資料主頁短消息加為好友

在職人仕請入-- 已作決定!

我而家做緊呢份工，每朝返9:00 am，星期六就有長短週，但公司好鬼死多野做，D工作做極都做唔完，差唔多晚晚做到零晨一點至收工，共做足16小時，有時甚至更夜至收工...... ，完全冇晒時間砌模型，日日都唔夠瞓，放假就係屋企大昏迷到下午，食D野又再瞓過，瞓到食晚飯至起床，每個星期的例假就係咁過。公司每年十二月及一月份係最忙，全部人取消星期六長短週，晚晚加班起碼到零晨四點，甚至通宵！但加班冇錢補、冇假補，只得五十蚊晚飯錢，年尾冇花紅、只得雙糧，薪水好低，我每月扣埋公積全7K都唔夠，如果將人工除返時薪的話，比麥當勞或KFC重抵，好想辭職找過另一份工，但在呢間公司我真係學到很多很多o野，和同事的關係都幾好，他們都好有心機和耐性教我o野，到目前為止都尚算工作得開心(但有時也會比上司鬧)，內心好矛盾，十五十六辭唔辭工好？如果邊做邊揾又好難揾，先辭咗份工去揾，又擔心唔知幾耐至揾到？人工會唔會重小？我見勞工處登果 D工資都好低，大多都係六、七千左右！跟本追唔上通脹，出面乜都加晒價，唯獨人工就冇加！
好想大家在職人仕嘅你比些意見，如果換轉係你會點選擇呢.........

[ 本帖最後由 master_roshi 於 2008-8-4 11:03 PM 編輯 ]

master_roshi

上尉

UID 10821
精華 3
積分 12
帖子 1484
成品數目 12 件
閱讀權限 10
註冊 2006-5-18
來自鳥山明漫畫世界
狀態離線

閱讀全部

發表於 2008-7-19 07:56 PM 資料主頁短消息加為好友

真係冇諗過我呢個post有咁多人回應，令我真係很感動，首先要同樓上各位師兄講聲Thank you!
我今日短週不用返工,係屋企大昏迷到晚上7:00，全日未食過嘢未飲過一滴水，先補充一下我呢份工的資料比大家。
我是在一間有員工三百幾人(淨係香港，未計在大陸)的玩具公司工作，舊年七月開始在這間公司返工，最初是在showroom執頭執尾，今年三月被調派去Sourcing & Marketing部門做文員，以前從未做過文職工作，年紀也唔細啦，已四十出頭，開始步入中年人仕，目前自己一個人住，每月固定經濟付擔只有食飯、管理費、水電費、固網及手機電話費、電腦上網費及交通費。
好肚餓，講住咁多先，食完飯回來至一一回覆各位師兄的回應。

master_roshi

上尉

UID 10821
精華 3
積分 12
帖子 1484
成品數目 12 件
閱讀權限 10
註冊 2006-5-18
來自鳥山明漫畫世界
狀態離線

閱讀全部

發表於 2008-7-20 12:09 AM 資料主頁短消息加為好友

QUOTE:

原帖由 LifeAfterDeath 於 2008-7-19 12:37 AM 發表

first of all... what kind of work u want to do? office, sales, something related to model?

i
我現在呢個年紀，又冇學歷，重邊有得揀工吖，只有工揾我嘅遮。

QUOTE:

原帖由 heisonson 於 2008-7-19 12:38 AM 發表

如果佢可以比你學到好多野既就唔好走住學2年野先 2年咩都學晒啦
第2) 唔好因為怕找唔到工而唔辭職香港地有手有腳餓唔死人既而且你份工都唔係咁好play姐冇左都唔可惜

2年學唔晒呀，因以前從未做過呢方面嘅工作。

QUOTE:

原帖由 cas52612 於 2008-7-19 12:40 AM 發表

去與留係睇你自己有幾多籌碼.......
你學歷經驗有幾多.....?
出到去搵唔搵到相約條件o既工......?
有否經濟負擔.......?

我就係冇高學歷和冇乜籌碼，文職工作一定唔久資格會有人請，經濟負擔唔大，唔使供樓養人，自己揾自己用。

QUOTE:

原帖由 FNG0202 於 2008-7-19 12:41 AM 發表

Can you tell us which field you are in??

你意思係問我做乜嘢工嗎?
我是在玩具公司的Sourcing & Marketing 部門做一個文員仔。

QUOTE:

原帖由 evilheart 於 2008-7-19 12:44 AM 發表

你又幾多歲呀.......如果你仲後生學多野都幾好架.........而家經濟差到pk.....好多人都要捱苦架啦

唔後生啦......都四十出頭.......開始步入中年人仕...........
我都知而家全世界D經濟差到pk，所以呢份工日日最小做足16個鐘都唔知走唔走好？

QUOTE:

原帖由 loayo 於 2008-7-19 12:56 AM 發表

老實講, 雖然自己未係在職場打滾, 見文亦有感想
打工要學野, 打咩工都可以學到野, 睇自己能力和認真與否的

問題我覺得唔在於人工, 是工時太長的
雖說這, 但錢得到來都未有時間用, 實說是不值得

要在香港 ...

呢份唔想做主要原因都係每日的工時太長！

QUOTE:

原帖由 collincollin 於 2008-7-19 01:02 AM 發表

你咁都唔係路喎,
雖然我唔係在職,但我好同情你,
依你咁講,你係覺得上司唔好定係工資唔好先,
你要諗一下,你想學多d野,定訓多d,
多勞多得的想法係正確的,你雖然冇的係時間,但係你有的係經驗,
雖然我地比到d意 ...

我身邊很多朋友都話:你果間乜嘢公司黎架；晚晚都要做到咁夜至收工，未做揾過第二份啦.....但我阿媽就唔贊成我走，佢話出面經濟咁差，走咗唔知幾時至揾到第二份，揾到又未必一定好，可能重衰D都唔定？我都係諗唔掂先至問問大家比些意見。

QUOTE:

原帖由肥牛於 2008-7-19 01:05 AM 發表

記住一句說話, 工作係為左生活, 而唔係生活為左工作, 你呢份工響工作時間上好有問題, 根本唔可以再做下去, 基本上而家好少公司唔ot, 但9點係上限, 如果日日都遲過9點, 就要好好考慮做唔做下去

多謝你的意見，我而家就係考慮緊再做唔做下去好？

QUOTE:

原帖由 zuck96677903 於 2008-7-19 01:10 AM 發表

我每月扣埋公積全7K都唔夠
會吾會少左D

出面有很多工5k幾6k都有呀！

QUOTE:

原帖由 LifeAfterDeath 於 2008-7-19 01:17 AM 發表

well depends on your age and job nature, and what u after is the matter... I believe income can come really easy...
b4 I also make no more hen 10K per month...
I make almost 3 times of yo ...

sorry....芙文程度唔好，唔多明白師兄的意思？

QUOTE:

原帖由 vhdl 於 2008-7-19 01:18 AM 發表

能夠人揀工固然好，不過好多時係工揀人。你份工工作時間太長，長此下去唔病都有病。多多錢都唔好做，能做夠幾個月就上岸退休就唔同。

這裡不便問你的私穩如學歷，經濟負擔等。搵工講到尾係你有冇討價還價的價 ...

師兄講得好啱，騎牛搵馬係上策，但現今社會乜都要快，二個月前到最近send過幾份求職信，只得二份有回音，其中一份對方在電話中問幾時可以上班，我話要一個月後，跟住佢就話等唔到咁耐然後收線，另一份有機會見工，但見完冇回音，還有一份朋友介紹，都係見完之後冇回音。而家唔同以前，公司好難等一個新人一個月，試問師兄如果你係負責見工果位，有二個同等條件的人來見工，一位話隨時可以返工，另一位話要一個月後才可以返工，請問你會請邊位？

QUOTE:

原帖由 wingary 於 2008-7-19 01:21 AM 發表

你份工都好辛苦，但請問你做o左幾耐？如果咁做o左好耐，人工都係 6, 7千，咁你老闆都唔多係人，咁辛苦人工都係得 6,7 千，早走早著，後生仔大把機會，可能出去闖下，人工少 d 但無咁辛苦己經有著數，可能有份 ...

被公司調派到Sourcing & Markering部門至今都只係四個多月。

master_roshi

上尉

UID 10821
精華 3
積分 12
帖子 1484
成品數目 12 件
閱讀權限 10
註冊 2006-5-18
來自鳥山明漫畫世界
狀態離線

閱讀全部

發表於 2008-7-20 11:28 AM 資料主頁短消息加為好友

QUOTE:

原帖由 ketamine 於 2008-7-19 01:25 AM 發表

話人工低咁你想要幾多? 你收得起咩? 每個人係呢個社會, 都有自己個價 , 你自問你係自己個行值幾多先.
你咩學歷? 大學生都係九千至一萬. 你唔做, 俾你揾到份新工人工你滿意, 做唔夠三個月你地認為你無料 ...

以我的學歷和技能，我冇其望過會得到很高人工，問題係要晚晚都咁夜收工，第二朝公司最多比你返晏幾個字咋

QUOTE:

原帖由 vicarrie 於 2008-7-19 01:28 AM 發表

轉啦~~~~年青你選工~老左工選你~
何況最近經濟都好~搵工易~係就快!!~~~~~~~

我而家呢個年紀末係工選我o羅，唔係我使乜咁擔心辭咗份工之後，唔知要幾耐至揾到另一份工？再講而家出面(包括全世界)的經濟都唔係咁好咋！

QUOTE:

原帖由 po3117 於 2008-7-19 01:34 AM 發表

香港地差唔多個個打工仔都係咁架啦 ( 工作時間長 ) , 有咩好呻

換轉係我就要睇下間公司前景如何 , 同埋了解自己既前途可以去到邊 , 從而選擇留低定離開 , 而唔係抱怨呢樣個樣 , 成熟D啦

睇你都 ...

我估師兄應該係顧主，師兄所言我有部份認同、但有一少部份唔認同，首先你第一句話:香港地差唔多個個打工仔都係咁架啦 ( 工作時間長 ) .......！我估佢地D公司唔會好似我呢間公司咁晚晚加班到咁夜o羅，再講我而家唔係抱怨呢樣個樣，而問題係一份工有嘢學、工作尚算開心，但要你日日加班到零晨一點，有時再更夜或通宵(好似上星期一咁和同事加班到清晨六點，星期二收一點，星期三收清晨四點)，想問問呢D工各位在職人仕認為做唔做得過遮。(有冇前途就未知，將來o既嘢好難講，好睇個人際遇，雖然有句說話:行行出狀原，但另有一句說話:乞兒多過狀原爺)。其它果 D都好認同師兄所講！多謝你的寶貴意見。

QUOTE:

原帖由 sunhikari 於 2008-7-19 01:59 AM 發表

我只能同意一半
無錯,辛苦,學野係番工的一環
但講真要睇下工資合唔合理
有d工係勞工署睇真係好離壇
好似我咁,做電腦的,要考証書,正常
但要考埋電工a牌係咪又係正常??
有d文職,做文員,要求好高,但比得$5 ...

多謝你的意見。並祝你見工成功。

QUOTE:

原帖由 SiUTaMa 於 2008-7-19 02:24 AM 發表

其實講真果句....搵工真係唔難..係睇你肯唔肯績極去搵...
我女朋友會考得4分...(不過佢英文好得)佢16,17歲搵倒第一份工(藝術館售票)43/hr 一個月過萬
份工仲要超得行,返八個鐘,做四個鐘,訓四個鐘
後尾合約完 ...

每個人的際遇都唔同，你女朋友會考得4分並且只得16、7歲，剛畢業冇工作經驗就能揾到份月入過萬並重要咁清閒嘅工，真係萬中冇一，羨慕死很多人。

QUOTE:

原帖由 seedgun 於 2008-7-19 02:25 AM 發表

i think you need to find a new job. better than this one lor...if you can..

正如17樓 po3117師兄所言:辭工容易揾工難，真係要三思才可行呀！

master_roshi

上尉

UID 10821
精華 3
積分 12
帖子 1484
成品數目 12 件
閱讀權限 10
註冊 2006-5-18
來自鳥山明漫畫世界
狀態離線

閱讀全部

發表於 2008-7-20 12:36 PM 資料主頁短消息加為好友

QUOTE:

原帖由 紅色惡夢 於 2008-7-19 03:01 AM 發表

我覺得唔係睇錢, 係睇自己身體, 捱壞自己揾多多都無命享

我都知健康最重要，揾過份的工作時間正常D，但如果人工得6K，扣埋交通費及強積金，唔多夠開飯未又係死嘅喎！魚與熊掌如何決擇好呀？

QUOTE:

原帖由 傻小子 於 2008-7-19 03:14 AM 發表

工資同能力永遠都成正比,有幾多能力就得到幾多嘢,
工作,除咗為錢之外,做得開唔開心都好緊要,
樓主你o既工作情況同我一模一樣,真係同是天涯淪落人啊.......
我支持你轉工,見識多D,識多D嘢, ...

工資同能力永遠都成正比,有幾多能力就得到幾多嘢,......呢句說話現今社會唔係咁講，正如18樓sunhikar師兄所言，有些顧主請人的要求真係好離譜，完全係唔成正比！

QUOTE:

原帖由 junior 於 2008-7-19 04:41 AM 發表

樓主係咪正在學師皆段?

可以咁講啦....以前從未做過文職工作，也末接足過Sourcing & Maeketing要做嘅野，都算係學師皆段。

QUOTE:

原帖由 jnhchan 於 2008-7-19 06:00 AM 發表

If the situation is real, I think there is many of the workmate will think the same. So, you can ask workmates who have a same thought and go to ask your boss to improve the situation. If nothi ...

呢間公司基本上每個月都有一批人走(當中有新人和舊人)，每次見到有新人返工時，行証部唔係帶一、二個人去各部門，而係帶住一批人分配他們的工作岡位及部門，十足十好似旅行團帶隊咁款，淨係我個部門早二個月前己有五個人辭職(三個舊人二個新人，另有一位舊同事將會在八月辭職)，單講七月至今，已有二位我認識的同事離咗職(他們都在呢間公司做咗幾年)，還未計我唔認識果 D同事。

master_roshi

上尉

UID 10821
精華 3
積分 12
帖子 1484
成品數目 12 件
閱讀權限 10
註冊 2006-5-18
來自鳥山明漫畫世界
狀態離線

閱讀全部

發表於 2008-7-20 05:47 PM 資料主頁短消息加為好友

QUOTE:

原帖由 hangsangbank 於 2008-7-19 11:06 AM 發表

轉啦老友, 一個基本正常生活嘅時間表都達唔到, 唔好話冇時間做自己嘅嘢先, 最基本休息都唔足夠, 又點可以有健康, 健康唔好你都做唔長啦! 況且外面揾工唔難, 如果冇乜負擔可以辭咗 ...

星期一至五我都只係瞓得五,六個鐘，每日朝早起身飲一樽白籣氏雞精，返到公司一杯咖啡，每日都係靠佢地撐住，要揾到份靠我的技能嘅唔容易呀，因為我都冇乜籌碼。
多謝你呀師兄，一直以來我每個post你都有回應，咁支持小弟，真係很感激呀。隨咗幪面超人等緊我，還有很多模型都等緊我！

QUOTE:

原帖由 ch_lycab 於 2008-7-19 12:49 PM 發表

1.咁你同事既工作量同你係咪一樣?如果係，咁佢地駛唔駛做到咁夜，如果大家工作量一樣，只有你走得夜，係你能力問題?如果唔係，咁老闆只係奴役你，可以走得
2.有d私人公司都係，我有d做acct既朋友都係你既情 ...

其他同事都一樣，有些同事我一點收工佢地都重未收得工，當中有男有女，第日如常返工，我都唔知佢地到底有冇收工返過屋企？很多謝你的寶貴意見。
我在一間玩具公司的Sourching & marketing部門做一個文員仔，一直以來我唔係話人工少嘅問題，自己有幾多料值幾多錢自己心中有數，而家問題係每月得$7200，但要日日做到晚上冇12:00都收唔到工，一日做15,6個鐘起碼，有時更夜D甚至通宵，收入同付出唔成正比遮！

QUOTE:

原帖由 codychan 於 2008-7-19 04:53 PM 發表

其實睇下你做邊行 law，如果你嘅行業市價係呢個價錢，呢個工作時間，咁就轉唔轉都係咁 la....

你話有野學，學 d 乜先？？對你前途有冇幫助先？？？

你又冇講你做邊行，好難俾到意見..... ...

你話有野學，學 d 乜先？？對你前途有冇幫助先？？？ Cody兄一語道破問題的要點，我會認真考慮吓呢個問題。Thank you!

QUOTE:

原帖由 amuroray 於 2008-7-19 08:03 PM 發表

原來樓主人到中年, 甘人地公司會壓價, 你人生經驗都好過小弟, 實在不敢說什麼.

師兄唔好咁講.....我都係想聽多D大家的意見遮。

master_roshi

上尉

UID 10821
精華 3
積分 12
帖子 1484
成品數目 12 件
閱讀權限 10
註冊 2006-5-18
來自鳥山明漫畫世界
狀態離線

閱讀全部

發表於 2008-7-20 11:15 PM 資料主頁短消息加為好友

QUOTE:

原帖由 yiu1 於 2008-7-19 08:26 PM 發表

睇完樓主最頭到最尾有以下建議: 樓主應該繼續到下年三月做review. 原因:

1. 經驗最好以年計, 如果樓主想轉行做文員的話. 如果唔係可以隨時唔做. 因為經驗以年為計比人有好印像, 其次係樓主係中年人士, 出面話 ...

建議呢, 唔好聽可以唔好理...... 點會呢師兄.....我多謝你的寶貴意見都來唔切啦。

QUOTE:

原帖由 LifeAfterDeath 於 2008-7-19 08:37 PM 發表

in this case... this is really depends on you...
I knew jobs can make more money but work little bit less time (mon-sat 0900-2000), but nothing to learn and no future cux is a wearhouse job ...

同意健康是最重要，Thank you。

QUOTE:

原帖由 hum994 於 2008-7-20 12:20 AM 發表

其實你講到自己都冇乜私人時間
應該冇乜多餘錢洗架啦

積蓄都應該有番咁上下
唔會一辭工就冇飯食 / 比唔起租掛?

我建議你即走, 全心搵第二分工
呢d公司, 做死人冇命賠

起佢飛腳之後仲要向勞工處 ...

而家D嘢咁貴，買盒MG模型都要二佰幾蚊啦......上星期去買個波羅飽做早餐都加咗5毛子，份人工最大支出係在食果方面，每月都冇乜多餘錢淨！
積蓄去晒模型度！

QUOTE:

原帖由 sheepshiu 於 2008-7-20 12:47 AM 發表

我都係咁話
我個team係做Data Entry
但學野唔多
不過返工時間就好你很多
一個星期返48小時
有興趣可以pm吓我

多謝你先....如果真係有需要的話至請你幫忙。

QUOTE:

原帖由 cas52612 於 2008-7-20 11:34 AM 發表

講到呢度, 你已經比o左答案自己.

重未諗掂呀！

QUOTE:

原帖由 jun888 於 2008-7-20 12:21 PM 發表

我好明白你,呢個時間真係唔好走呀,真係好難找工架.
要走睇埋過左年公司會點安排先,我身邊都好多人咁情況,我自己好唔到幾多
自己保重

Thank you ！

QUOTE:

原帖由 傻小子 於 2008-7-20 12:42 PM 發表

既然有D公司唔成正比,就走人啦,
留係度做咩.

我第一份工只得5K咋,而且仲維持成半年,
之後就算加咗人工,去到盡都只係7.5K,
就係咁就做咗2年.初入行,經驗好緊要.

年紀大唔係話走就走咁潚灑，好多嘢要顧慮。

QUOTE:

原帖由 cas52612 於 2008-7-20 02:18 PM 發表

你一方面埋怨工作時間太長, 另一方面又怕辭職之後好難搵工, 希望其他人比意見你.
但事實係..............針無兩頭利, 你必須o係兩者之中選擇其一, 原因正如你自己所講, 你唔係好多籌碼同人討價還價.

睇番回 ...

睇過咁多位師兄的意見，我一直唔捨得離開呢間公司的原因，原來係我唔捨得係班同事，問題的結已解開了一個。Thank you 。

QUOTE:

原帖由 ketamine 於 2008-7-20 03:00 PM 發表

既然你公司真係要晚晚都開到咁夜，又唔俾晏反。我諗你公司好有問題，辭職把啦！
唔好意思得罪講句，聽你講野唔似四十，似花靚(靚仔)講野多Ｄ喎！
仲有我唔係話你，亦都唔係串你！既然你都成四十歲人， ...

師兄我又點會話你串我遮，我應該多謝你比我的寶貴意見都o黎唔切啦......
我離開咗香港十五年，上年初回流返來，一切都由零再開始過！

QUOTE:

原帖由 raymonds 於 2008-7-20 03:29 PM 發表

嗯,知道你做咩仲知道埋你年齡,

咪轉工,繼續在該公司打滾吧,

在o向大陸有廠房的香港公司做o野其實都幾好的,

做得好又幫上頭做到o野分分鐘又升一級.

我從未接足過Marketing的工作，又未做過文職工作，以我的能力，我唔覺得會有機會升o羅！

QUOTE:

原帖由 alexlee2 於 2008-7-20 09:38 PM 發表

雖然樓主年紀唔輕,文職年資比較短,
轉工會輸蝕d, 而今人事又白鴿眼.
但趕在經濟,身體轉差前計劃定, 銷售/飲食業人工可以高d
短工侍應都有小費飽兩餐先,老闆會請大人好過d金毛飛
不過小心有拖糧無良顧 ...

多謝你的寶貴意見。

QUOTE:

原帖由 傻小子 於 2008-7-20 09:44 PM 發表

俾一個最好的建議樓住,
有冇興趣學autocad做"畫圖",
"畫圖"呢個行業係建築界同室內設計界
都非常等人用,只要你識用autocad,
初入行都有8,9K.如果你有興趣,可以報讀一D相關課程.

多謝你的意見，但我而家呢個年紀先來學，會唔會遲咗D呢？遠水不能救近火喎！

[ 本帖最後由 master_roshi 於 2008-7-20 11:20 PM 編輯 ]

master_roshi

上尉

UID 10821
精華 3
積分 12
帖子 1484
成品數目 12 件
閱讀權限 10
註冊 2006-5-18
來自鳥山明漫畫世界
狀態離線

閱讀全部

發表於 2008-7-21 12:58 AM 資料主頁短消息加為好友

回復 #56 vhdl 的帖子

QUOTE:

原帖由 vhdl 於 2008-7-21 12:09 AM 發表

師兄你話曾經有個offer，只不過人家不能等你一個月。咁即係起碼有人要，唔使灰心。

你要蓄定一個月人工，如再有啱既工，咁咪賠錢走，沒辦法，當去咗個旅行。

但要留意下個offer，有冇估怪野( ...

除非份新工的薪金很高，二,三個月就可補嘗返損失，否則補錢即走唔多化算，很多謝你的支持和寶貴意見。

[ 本帖最後由 master_roshi 於 2008-7-21 01:00 AM 編輯 ]

master_roshi

上尉

UID 10821
精華 3
積分 12
帖子 1484
成品數目 12 件
閱讀權限 10
註冊 2006-5-18
來自鳥山明漫畫世界
狀態離線

閱讀全部

發表於 2008-7-21 01:33 PM 資料主頁短消息加為好友

QUOTE:

原帖由 po3117 於 2008-7-21 01:50 AM 發表

想了解下樓主既現況 , 自己一個人住定同父母家人住 , 需唔需要交租 , 既然已經知道樓主負擔不多 , 生活並未有太大困難 ,

工作時間太長似乎成為樓主想離開的原因 , 但我有一個疑問 , 如果你現在工作時數及工 ...

師兄見識廣博，所言有理，工時過長的卻係想離開的主因，晚晚都咁夜真係好頂唔順，每天只睡5,6小時，其次係憂慮一但辭職 , 久久未能找到合意的工作 , 生活就要面對困難，至於為何遲遲未辭職主因係目前工作尚算開心，唔捨得班好同事。離開咗香港15年係跟家人移民加拿大！

master_roshi

上尉

UID 10821
精華 3
積分 12
帖子 1484
成品數目 12 件
閱讀權限 10
註冊 2006-5-18
來自鳥山明漫畫世界
狀態離線

#10

閱讀全部

發表於 2008-7-21 10:45 PM 資料主頁短消息加為好友

昨晚打好份辭職信，諗住今日返工遞交上行政部，但總係唔捨得班同事，又收返埋封信，整日內心在爭扎，好矛盾的心情！

master_roshi

上尉

UID 10821
精華 3
積分 12
帖子 1484
成品數目 12 件
閱讀權限 10
註冊 2006-5-18
來自鳥山明漫畫世界
狀態離線

#11

閱讀全部

發表於 2008-7-21 11:35 PM 資料主頁短消息加為好友

QUOTE:

原帖由 松尾明 於 2008-7-21 09:34 AM 發表

以我的睇法,人到中年進修下技術就好,千祈唔好唸住讀個乜野學位同唸住再轉行,因為40出頭就算俾你(或我)做到五十幾歲左右,可能公司都會迫令你退休,得返果十幾年野做,可以發展(發圍)的時間可能得當中的三五年,都係 ...

在加拿大期間，有幸揾到份鑽石打磨的學徒工作，自己也很喜歡這份工作，諗住做到年老退休，可惜事與願違，做咗五年之後因多種因素(經濟、加元高企、中國入世貿、九一一)而沒得做，回來香港後在浸會報讀咗個鑽石評估及鑑證課程，諗住在珠寶公司揾份分/配石員工作，邊做邊學再報讀其它有關課程，Send咗很多求職信都冇回音，也試過打電話去問，但回覆唔係冇呢方面工作經驗就係年紀問題！浪費咗三千幾蚊學費，讀完都揾唔到呢方面嘅工作，好彩冇報讀萬八蚊果個DGA英國文憑課程！有師兄話揾D嘢讀或進修下，但讀完之後真係會有人請嗎？
我現在返工地點離屋企都唔係好遠，搭地鉄都只不過四個站，來回車費都只係$6.8。

master_roshi

上尉

UID 10821
精華 3
積分 12
帖子 1484
成品數目 12 件
閱讀權限 10
註冊 2006-5-18
來自鳥山明漫畫世界
狀態離線

#12

閱讀全部

發表於 2008-7-22 12:03 AM 資料主頁短消息加為好友

QUOTE:

原帖由明天於 2008-7-21 10:53 PM 發表

建議樓主都係一邊繼續做, 一邊試找工好d.....如果唔係真係好好條件好易找工盲真係唔好先辭後揾................

邊做邊揾好難，咁夜收工至返來上網揾，唔使瞓o羅......！再講:人地唔急人用都唔請人，如果明天兄你係願主(可能已係)，有二位求職者各方面條件都一樣，一位可以隨時返工，另一位要等一個月後至可以返工，比你會請邊位呢.....????? 再加上有D人返咗幾日工覺得唔啱，跟住就唔做，唔通D顧主又再等一個月另一位新人返工?所以現今的老闆十個有十個都會請果 D隨時可以返工的求職者。我而家呢間公司當初能請我的其中一個原因係我可隨時上班。

QUOTE:

原帖由 ketamine 於 2008-7-21 10:48 PM 發表

請問你係加拿大邊到？我係MONTREAL

我在Toronto.

master_roshi

上尉

UID 10821
精華 3
積分 12
帖子 1484
成品數目 12 件
閱讀權限 10
註冊 2006-5-18
來自鳥山明漫畫世界
狀態離線

#13

閱讀全部

發表於 2008-8-4 11:01 PM 資料主頁短消息加為好友

今日終於皷起勇氣向公司辭職,原本打算遲多二個星期才辭職,一個月通知,剛好攞埋中秋節果日假期錢,跟住返多二日走人,但遲又係走早又係走,無謂拖拖拉拉.
我上司沒有留我(意料之內),反而我跟佢做嘢那位同事就極力勉留我,還話從新再教過我,明天老頂(行政總監)要見我,話有嘢同我傾,現在心情有點緊張,但諗清楚决定了離開,就唔會再考慮留低.
而家我地呢個部門由八月一日起有新制度,遲到超過十分鐘,之後每一分鐘罰一蚊,經理級每分鐘罰五蚊....,咁加班又唔見佢有錢補......??????

master_roshi

上尉

UID 10821
精華 3
積分 12
帖子 1484
成品數目 12 件
閱讀權限 10
註冊 2006-5-18
來自鳥山明漫畫世界
狀態離線

#14

閱讀全部

發表於 2008-8-5 11:51 PM 資料主頁短消息加為好友

今日見老頂,老頂極力勉留,還說公司前景會點好點好,絕對唔使擔心會有裁員情况發生,但我仍然維持原判,决定離開.
公司一年賺咁多錢,單係去年,公司其中一個賺最多錢的部門,舊年07年的營業額高達六億美元,各位睇清楚,係六億美元,唔係我寫錯,亦唔係你睇錯,還未計其它部門,(雖然冇六億美元咁多,但都有錢賺),D員工咁努力同公司博,年尾除咗双糧之餘,攞少少錢做花紅分比D員工都好應該吖,D員工同公司賣命都開心D吖.只顧自己賺大錢,對員工一D人情味都冇....!!!!!!!心淡.
我諗咗好耐點解我一直依依不捨唔想離開,原因終於比我找到,就係我呢個部門的同事(只係我地呢個部門,唔包其它部門),個個人都冇私心,冇勾心鬥角,冇事事非非,唔使每日返到公司就日防夜防果 D小人,工作做得開心,唔捨得班同事.
在考慮去留期間真係好痛苦,當昨天鼓起勇氣遞交辭職信一刻,心情卻感到很暢快,感覺是一種解脫,整個人都輕鬆晒,但今日見完老頂之後,心情卻很沉重,現在感覺像獨自一人在茫茫大海之中,唔知碼頭在哪一方.......??好迷網.......好擔心.....!!!!!!!!!!!!
最後,很多謝各位師兄及前輩給與小弟的意見及關心,Thank you very muck.

[ 本帖最後由 master_roshi 於 2008-8-5 11:56 PM 編輯 ]