最記得關平在三國無雙及無雙大蛇遊戲入面是數一數二強的角色來，咁啱SD版同遊戲版都一樣用大斬刀！所以倍感熱血！
不過今次對這一盒模型實在有好多不滿，實在不吐不快！第一就是竟然全身都是用回劉備零件，連面甲用返劉備，二人拍埋一齊時仲以為關平都係劉氏家族黎添！可能在SD世界入面，佢就係關羽同劉備的結晶來吧=.=！
第二是香港版三國傳的說明書制作實在太令人失望了！一來完全唔知佢翻譯左乜，睇極都睇唔明，二來又文言又口語睇到頭痛，三來錯字百出，四來排版及使用字體極求其！咁樣不如比翻本日文說明書好了∼今次關平本說明書仲半版簡體字！連關羽名都打錯變關於！實在太過份了！
申完，都係重點講返主角關平先∼

↑大斬刀比例實在不錯！令關平氣勢倍增吧！

↑三國無雙內最強的招式就是橫刀自轉猛斬了！

↑好多姿勢都好有型！

↑本身刀面附有雷射貼紙的，不過實在太花，所以用黑色就算了，而且黑色更有沉實感吧！

↑背後的大背包是拳套來呢！造型同原機體好接近！讚∼

↑拳套上手感覺也不錯吧！

↑不過關節硬直問題，最型的就只有這兩個姿勢∼(期待之後各高手的可動改造了)

↑因為本身的面甲實在看不下去，所以花時間作了少少改造，希望能帶出少許原機體的味道吧！

↑父子並肩作戰！本YA將關平右手握槍的拳頭和其父交換了！

↑父親關羽果然較高大，兒子關平也好威猛啊！

↑仲可以搶了父親的大刀來用添！不過太長了吧！


↑這是關平的素體，身體用了透明版的關羽取代原先劉備的！這才是關氏制服麻！

↑又到亂搞聖衣型態的時候了！估唔估到是什麼來呢！

這...這...這就是鬼面衝車來了！關平：衝吧！

↑YAYA的SD三國傳入面，蜀國實在太強大了！

P.S. 因為太趕關係，近睇的話有好多"馬夫"位喔！

多謝大家欣賞同鼓勵呢!

回collincollin : 隻四腳鐵人基本上砌好, 不過想整埋地台才一起噴灰, 所以仲有排攪喔!

回MR_ERIC : 塊面好簡單, 都係用返劉備面甲, 將左右三塊尖甲最下面果塊cut走但留用, 之後修正一下cut走果一塊膠件, 再貼上前方那左右各二個的正方氣孔上, 最後再用膠版界左右各3條三角型的氣槽位就行了!

回JIATU02 : 全是手塗的!

多謝大家支持!


實在唔想再對份說明書多一次了!


其實係亂來的, 你細心睇其實用左寶貼, 一掂就散的啊!


依一款件盔甲其實幾型的啊! 用來改造都唔錯呢!


好多地方都有出界, 特別上線位地方啊!


絕對冇呢! 都係用高達線筆, 而且今次上得好馬虎...


haha 我油完先睇到啊~ 下次一定要記得依一點先! 多謝提醒呢!


你講得好啱多謝提醒! 因為(借口啦) 近排成日趕電擊, 但又好想搞下其他模型, 所以依隻關平實在有點馬虎啊  所以下一隻SD要等電擊後才開工了~