實在太好奇個變型系統,所以素組左先~
玩返一輪先拆返開分件上色~反正我都未諗到紅色位由佢用聚光料位自己重新過佢~

隻野設計得真係幾好,基本上所有武裝同彈夾都可以插晒係隻獨角獸到,而且仲係兩手空空狀態做到
ka氏由頭監到尾外型都無咩好講~
呢期vg同neo改件都不外乎爆甲,做層次同埋加長隻腳~ka氏咩都搞晒,我諗改件出都幾惡出

變型效果幾好~唔駛拆到散晒先變到
實際上只係頭部拆開事旦一邊耳仔位就ok
你肯用暴力對待隻野就可以達到完全變型添
當然想變得靚,o的位貼貼服服都係要拆件變

變後強度算係咁,尤其是以塑料模型計算係唔錯,不至於實淨,但都唔會條條fing
可動問題,隻腳的確差o的,我呢張相都叫做show左八成~但上身無問題,除左肩位走左回頭路其他都係水準表現
特別高達形態時條腰都算係mg可動度數一數二~

素組完之後,基本上我放棄左加燈~
隻野透明佔太多,淨係一個位光好奇怪,搞晒會死人~
聚光料又包係骨外面,要裝又要諗下偷空骨架
隻野太多abs再上下色,變下型,再鑽多幾野我諗唔係爆係碎~
我無勇氣,留返高人搞~








[ 本帖最後由 Winson 於 2007-12-20 03:15 PM 編輯 ]

無錯!我搞完第一件事就係呢樣~一來隻腳範圍比較細,做唔到o的金刀大馬動作,
二來雖然話,隻野無因為變型而搞條條fing,但畢竟塑料模型空心無咩質量,再拉長對腳(拉長後係變埋高跟鞋),個重心係爭o的(唔會話仆街,但感覺上係虛)
想擺得又型又放心係要用座

唔會話複雜o既,但尤其是記性唔好o既人要小心分o的左右好相似但爭少少o既部件囉~力o既野就經驗加技巧啦~同埋試組會係有需要位置剪短o的筍位,同減少o的筍位令到之拆易解體o的~

色我就一定用純白,隻野的確係好適合白色,有種樸實無華,但又好賞心悅目o既感覺~
唔會搞咩花巧,都係光白溝消光白居多~亦唔會噴陰影,呢隻野我覺得唔適合,我曾經諗過用紅色做影(搞埋爆甲位)咁變身之後就懶係發光咁,最後都係除消方案~
滲線就用紅色滲囉~

難得隻野設計到純白都咁靚,大家咪好好享受下玩模型o既快樂囉~
雖則話完成後好有滿足咁,但成日mask,mask幾獲~溝色試色硬係夾唔準都好嘔血架~
呢隻野真係上天賜o既聖誕禮物,等大家可以做少o的煩悶工序,係聖誕享受下~

[ 本帖最後由 Winson 於 2007-12-20 03:37 PM 編輯 ]

會場標準價335~送(無用的)6包gundum war,一本目錄,可以問佢拎埋bb戰士目錄同埋張蝦條咭000號

其實照計買bb野先畀,但開口多數埋你,o的伙記都係後生仔女無咩所謂~

呢支我都唔會走,不過好似要兩枝先型~
不過其實本身附屬武器都幾豐富~鎗,砲,盾各一,仲要三樣都係可變,備用彈匣兩個,光劍四枝都好夠睇頭

對眼佢畀你隻料唔係透明~貼紙就唔架啦~都係銀底加透色~或者用壽屋透明眼補品囉~再唔係咪用螢幕保護貼,實搞到好效果,唔駛擔心~

高達型兩睇,但獨角獸型態一定爭o的

難免~莫講話變型啦~有時o的甲三尖八角o的o既機體郁下手腳都花啦

有~有一雙可變同一隻獨角