小學砌過模型幾十年無砌過，細個砌過一隻蟹魔買返隻童年回憶。問佐舖頭點油執佐一千幾百油返黎玩，手掃硝基油都好大天拿水味，今日出去買個防毒口罩。先上油，再滲線，後水貼，再噴半消光，後漬洗。希望出黎唔太差。諗緊機身本身橙色紅色膠件可唔可以唔油直接噴半消光會唔會無咁膠味重。油都係油返同膠件一樣顏色會唔會可以慳返唔駛油？相片太大，唔知點樣可以整細上載。

[ 本帖最後由 童古迪 於 2026-1-3 11:35 PM 編輯 ]

多謝師兄教我用whatapp壓縮圖片，我手油完佐手臂同大脾，叫配色滿意，但油其他組件面積大用油掃真係唔會靚，不過我都會全手油完成第一隻作品。不過我都越玩越大淘寶買佐個浩盛氣泵加噴油箱，阿瑪遜買支iwata 噴槍，見神之手究極剪都係二百幾港幣免運費買埋。
想請教師兄，棤模型舖叫我 mr hobby硝基油手油開1:1，如果我用噴槍見網上開1:2∼1:3。噴槍係唔係應該開稀啲？
我見網上教學手油都係用水性油，點解間模型舖叫我用油性油手油，開mr hobby天拿水頂唔順都要出去買個防毒口罩。係唔係水性或油性都要所謂補土做底？
感謝各大師賜教🙏🏻

終於攪掂，但貼原裝貼紙衰佐，跟黎唔係水貼要括上去，根本刮唔到，用佐其他水貼。光油噴罐又噴到流鼻涕。下次做好啲。