HG070 Gelgoog MS-14S 紅勇士
今年年中的時候, 想完成一個1/144 0079 MS 的計劃. 係18款0079的MS入面, 已經完成了10款. 今次隻紅勇士係我搬倉�H時候係倉底搵返出嚟. 盒模型放左喺倉入邊已經超過10年. 我完全吾知自已有呢盒存貨.
因為之前由倉搬過去新的工作室, 工作室的佈置花左我好多心力. 所以都停左幾個星期無噴油. 係個段時間, 我有時夜晚有精神都磨下件, 做下準備工作. 不知不覺都儲起左4盒可準備噴油. 工作室尚未完全完成, 不過大致的擺位已經定了下來. 因為所有擺位都係跟據自己習慣去設計, 而家噴油順手好多.
冇諗過自己會係一個得10度�H清晨, 六點鐘起床去工作室砌模型. 出門口時仍然係天黑黑, 個一刻我真係覺得自己好有問題. 不過要趕在九時前上班, 不早點出發是不夠時間噴油. 今次盒勇士上色做咗好多唔同�H新�H嘗試. 主要係唔同顏色上面除左陰影位都係高光位上色. 於是噴一隻色起碼要用3支噴筆. 發覺打高光�H位置其實真係一門好深的學問. 自己美術�H修為唔係好高, 成日都唔知應該噴邊度做高光先至合理. 好似今次勇士的小腿我就覺得處理得唔係太好. 膊頭相對就處理得吾錯. 深色位的高光係直接用白色噴, 再補主色. 盾的處理相當不錯, 我直接將條骨位噴白, 效果不錯. 因為係吾同的顏色上面都開始處理漸變層, 噴油的時間比以前用多左好多, 當然我覺得係值得!
粉紅色 : UG10 Char 粉紅色, 陰影用UG22深紅色, 高光係自己溝落的淺粉紅
深紅色 : UG22深紅色, 陰影用UG16深深深藍色， 高光係自己溝落的淺粉紅
黑色 : UG16深深深藍色， 高光係Mr. Color 107白色
關節 : 自己溝落的紫灰色， 陰影用UG16深深深藍色
盾 及槍 : 自己溝落的紫灰色， 陰影用UG16深深深藍色， 高光係Mr. Color 107白色
黃色 : Mr. Color C58橙黃色， 陰影用UG22深紅色, 高光係自己溝落的淺粉紅
原本想幫佢加好多水貼， 貼完10張8張覺得好吾夾， 於是又整走番。 HG本身好素，總覺得吾加刻線又貼滿水貼好怪。最後保留都係自護標誌算了。
模型本身畢竟係盒好舊的模型, 要做無縫的地方吾小. 最明顯係膊頭, 吾處理吾得. 而要做無縫好多時又要先噴好一隻色, 做好遮蓋, 先可以用膠水固定再做無縫, 時間的要求上多左好多. 外型上我個人覺得個頭好似扁左小小, 膊頭個尖位竟然係平面而吾係出風口做型令人有點失望. 印象中之之後出好多吾同款的變種勇士都改善左. 不過變種的勇士又無個盾. 可動性方面以今日的水平來講係完全吾合格， 整個組裝過程沒有什麼驚喜, 平凡得好緊要. 如果唔係特別鍾意勇士, 我個人認為完全可以無視呢盒。
Full Size Photo link :
https://photos.app.goo.gl/TFFiNb3taLCK346H6
#MS14S, #Gelgoog, #HGGundam, #Gunpla,#HG
分享
