色板
我一直想製作自己的色板. 之前我用匙更, 效果好不過難收藏, 之後買過膠版, 紙版. 吾得, 無弧型面出來隻色好吾同. 昨晚淘左圓形冰箱磁石貼落來, 黑白倆隻色, 直徑3cm. 本來想淘盒圍棋落來, 不過佢最大都係1.7cm, 製色版用大粒d好睇d. 希望冰箱磁石貼可解決問題. 暫時的想法係金屬色, 黑底白底光面消光噴4粒. 其他就會每次開一隻色時噴油噴2粒, 黑底白底. (黃同紅色噴黑底有意思嗎? 哈哈). 同埋之前為左RG的色塊, 入左好多吾多程度的白, 吾同的黑. 幾隻常用高達色紅, 黃, 藍會分別用深色同灰色噴陰影, 總之想整番個色版. 不過吾知呢個希望工程幾時完.
另一方面, 開學了, 生活又改變了
小弟的寶貝仔不經不覺已經小一, 寶貝女亦都K1. 九月開學之後生活又有一些改變.
因為要送小朋友去坐保姆車, 我每日差不多早左成個鐘回公司. 就係咁, 我朝早又有一個鐘, 午餐又有45分鐘(15分鐘食完飯盒)去砌模型. 老實講, 其實我都吾好意思, 不過吾搞, 夜晚做吾到咁多野, 試左幾日, 老細又無出聲, 吾理咁多啦. 呢幾日帶左打磨工具, 好多時都係係屋企剪完, 返公司打磨. 今朝就直情返公司痴水貼.
我都覺得好奇怪, 以前砌模型都係砌一年左右就會停一停. 不過今次仲未想停. 希望繼續自己的作品.
|