純發洩文
最近進度極之緩慢. 我吾係無左團火, 相反, 我成個腦都係模型. 不過真係好沮喪. 第一隻IMS的黑騎, 條裙痴好, 爛左, 用左幾日幫佢固定再痴, 已經吾理花晒d油, 熔熔爛爛. 事實上, 佢"設計"精妙, 小小位都設計成一個可動位, 不過原本預留痴的位置好細, 跟本吾夠實去負擔要承受的重量. 結果係昨天終於又跌左落來. 個一刻, 除左一句粗口, 我死死氣又幫佢痴, 不過真係痴吾到. 我真係一條友係到發脾氣, 想掉左佢. 最後收埋左佢. 吾想再見到.
跟手繼續搞LED. 可能自己心情吾好. 乜都吾順眼. 腳踝前個塊銀色, 又係痴完吾啱位. 已經係第二次修正, 膠水整花油, 打磨, 再噴. 試完位再痴, 點知又一大pat膠水溢出又花晒. 如果位置吾覺眼都算, 又鬼咁明顯, 又要重做. 之後膝頭, 左右個四片野, 以為好易痴, 點知係痴吾到....最後把火用雙面膠紙痴住算. 小腳個紅色個塊. 無位痴落條骨度......最後係用blutek痴實.
平心而論LED裙甲位的設計已經比BD好好多. 1/144的黑騎因為太細, 仲衰. 所以今次LED裙甲未有痴吾到, 跌落來的情況. 不過頭頂痴住黑色塊刀個件白色件又係痴吾到.
發完一輪脾氣 我明白, 有好多野係自己技術問題. 到底我係閔自己定閔IMS, 我自己都吾知. 我知玩五星的人好多玩GK, 好集慣磨完又噴灰, 又磨又噴灰, 好多五粉當佢係藝術品, 慢慢做. 不過我真係好吾慣. 同一個位, 不停重做. 好多人成日話B記縱壞我地, 我無吾認. 如果有人做到更方便, 更快更好的方法, 為乜一定要用舊方法? 我砌高達時都好小噴灰. 有時為左統一黃, 紅色都會噴底油. 可能係B記出得好掛, 吾噴灰又吾見好大問題. 夾口都係有時補下, 大部份情況都直接無視. 不過到搞五星, 吾好講Wave, IMS已經相對好好多, 不過補夾口的位置都相對多. 又要重新學用膠水. 最煩係不停重做. 好累......
我知自己只係發脾氣. 就好似一個小學生做吾掂中學功課就係度發脾氣. 不過真係好需要發洩下.
最後, 我吾知自己可以頂幾耐. 一係砌下砌下搵到一個解決方法, 一係放棄FSS. 我而家8成以上問題都係膠水引起的.
|