最近放慢了腳步, 每日只係整小小.  有時開工半小時就收檔,  得閒就磨一陣,  噴油都係噴1至2隻色就收工.  慢工, 不代表出細貨, 只係懶洋洋, 提吾起勁搞, 好擔心係吾係自己團火熄左.

完成左RG Nu, 係屋企個欣賞緊自己的作品時, 我的眼光再被當日已完成的SD Wing EW吸引住.  我實在十分喜歡呢隻SD Wing EW.  所以決定砌RG Wing EW.

之前已經素組過一次RG Wing Zero.  今次砌EW想用多d顏色去表現.  個人認為雖然EW色彩豐富, 但對腳白雪雪, 完全係光管一對.  絕對需要加decal或用吾同顏色去修飾.  

上色方面, 原件白色用上純白同灰白.  灰白只有幾件.   白色用田官107, 灰用上明灰白色.  之後上陰影.  其實已經好習慣處理白色的陰影位, 最近的陰影越來越輕手.  灰色色塊方面, 吾再自己溝油.  直接用田官的338.  噴完仔細睇會知係2隻色, 但我又覺得同白色有點太接近.  最後覺得吾太順眼, 因為成身都無分色塊, 只係得隻腳加色塊.  於是重新分配同做遮蓋.  部份做深小小的灰色, 部份改噴白色.   為左突出小腳, 整件腳背用上深灰色.  但效果又不太理想…..很累, 吾想搞.  下次整Wing Zero再諗點搞.
原件紅色都分左2隻.  但我無理, 統一處理.   都係高達桃紅加透明紅做陰影.  黃色用高達黃加橙做陰影.  藍色用淺紫藍色加深藍做陰影.  由於無上底灰, 淺紫藍色噴係藍色上面已經幾藍.  再加上陰影色, 出來一d都吾紫.  可能淺紫本身遮蓋力低, 要噴好多次先遮蓋到過多的陰影.  骨架灰用上淺灰色.  其實骨架外露吾算多.  可以有小小偷懶處理.  特別的係左右手腎同埋支鎗個幾粒彈.  都係銀底加透明紅.  希望令成隻Wing可以搶眼d.  

組裝過程好順利, 除左我吾見左一粒件, 令後面對翼砌吾到……好彩有師兄放散件先救我一命.  以RG來說, 吾算多件.  但有部份分件真係不必要, 例如槍頭.  我一向吾介意多刻線, 最緊要靚,   不過膊頭的刻線吾靚, 覺得有點怪.  整體來說, 都算係吾錯的RG.  但如果可以肥番小小就perfect, 我知道絕大部份人都喜愛高瘦的RG, 不過Wing我真心喜歡壯一些, 最好如PG咁.

坦白說, 我吾太滿意自己係呢盒Wing上的表現.  以成品來說, 我覺得還可以.  但只因為盒模型出得好.  我係支槍又無做無縫, 小腳又噴深左, 小問題多得很.

砌左咁多盒RG, 已經習慣左係1/144上噴陰影.  必須強調我的陰影跟好多師兄吾同.  我吾係整件深, 中間淺的陰影.  而係跟據上下方位去噴.  下面的深小小, 上面受光位淺小小.  但現實咁噴會好奇怪, 因為假設光源不變, 當動作吾同時, 上下已經吾同.  所以我只可假設企定定, 光源由上而下.  不過好多時係噴油箱以為搞掂, 拎出去睇有時又重手得滯.  又要番手跟.  另外, 再有數處上色時掉轉了上下……..真失敗.  另一方面, 好多盒RG係色塊的位置都有點奇怪, 最好事前諗定點上色.  

可能自己越來越懶, 覺得進度好慢.  剪同磨又幾日, 上色又分幾次, 滲線又一晚, 拍埋又2晚, 貼紙又幾晚.  好似整極都未完咁.

今晚幫佢影相都無乜心機.  企又吾穩, 上架又側埋一邊, 支槍又太重, 不停下垂.......

題外話, 今次積漆問題很嚴重.  開始之前, 我已經拆散同用超聲波完全清洗2支噴筆.  但噴頭幾下已經出問題.  經過數次實驗, 最後知道有2個要點.  第一, 吾好用淘寶噴咀.  做工差.  咀邊有小小向入, 形成積漆.  第二, 將油開稀小小, 我之前用1:1.5.  開稀到1:2~2.5之後, 積漆的問題好左好多.  但就好易變成濕噴.

RG Wing EW Full Size Photo : https://photos.app.goo.gl/3rePe5yRsFqHM9bQA
All Gunpla Full Size Photo : https://photos.app.goo.gl/1prkL2BYZJxV4WEv7




[ 本帖最後由 ngszewai 於 2020-9-9 12:19 AM 編輯 ]

多謝師兄指教.

其實有點累了，也覺得好像去到某個點，要停一停。

吾知師兄有冇玩hifi, 當年沉迷時，缐材，電源様樣講究，今日只係用對active spk聽下，做背景音樂。玩模型都一樣，總覺得有無止境的東西去學，永遠也學不完。所以都阿q的安慰自己，砌完，最小自己喜歡便可以了。

隻z gok, 已完成補夾口，等下次開油補噴。至於下一隻，其實已完成打磨，係rx-78

說回呢盒ka, 花係佢特點。所以一定要花，要浮誇。接受到之後，幾實好靚

我砌模型很多年了.  每次都係玩一排, 停一排, 過一排又再砌過.

有點累是整個人好像沒什麼幹勁.  今次入坑其實在很多方面也有新的體驗.  特別係陰影處理方面我仲係摸索中, 未掌握得好.  但好似YGAT師兄所提醒, 吾同顏色的陰影處理未能控制, 黑與白中間的漸變吾夠豐富.  簡單說, 就好似學完龜波氣功便以為自己無所不能, 其實仲有好多野未諗清楚, 未掌握好, 於是便有累, 氣餒的感覺.  四個字概括, 眼高手低.

其實我十分喜歡自己的成品.  每一件都是自己的心血結晶.  不過當然每一件都充滿缺點, 但我又不是賣錢, 自己喜歡就可以.

講一講Hi-Fi, 其實任何人都一定聽得出分別.  不過有幾追求就真係因人而異.  同埋, 分開2部機聽, 你未必覺分別好大, AB Test就一定聽得出.  正如大家噴2隻紅色, 你分開睇未必覺好大分別.  拍埋一定見到分別.  HiFi的野, 有人為左聽多一下口水聲, 搞呢樣搞個樣.  我退燒之後, 只會飲啖酒, 聽下歌, 投入隻歌入面而吾係鑑聽咁去研究呢度聽多左乜.

砌模型同玩hi fi都係藝術, 我覺得自己開心最緊要.

要做到笑駡由人，真係咁易咩?如果易,fb就吾會咁多人為like數傷神啦！