先問一個問題。請問各位 CHing知道哪裡可買到純酒精嗎 (最少96%) ??
=========================================
入正題, 最近係壇上某商店買了這一Set4色的AV Liquid Gold 系列金屬油, 發現不少有要留心的地方, 一個唔小心隨時好似我咁嘥左成支油。
這4支油一set買$120, 單售$35左右,35ml一支。全個系列有8色:除銀、銅之外還有6隻唔同tone嘅金色。4支Set裝就包: 790 Silver, 791 Gold, 792 Old Gold, 797 Copper。賣點係比其他水性金屬油閃很多。
這支是 792 Old Gold. 看到哪漆面嗎??
隻油係 Alcohol base, 不過唔好以為隻油係水性。你當佢普通AV油就死硬。
支油後面寫明: "Dilute with alcohol. Metal pigment will rust if in contact with water."要用酒精稀釋, 但又忌水(怕氧化),即係必須用純酒精, 藥房 D 75%消毒酒精係唔 ok ga (75% alcohol 即係有 1/4 係水)。
由於佢嘅solvent係純酒精,即係乾得好快,用時最好不要就咁係個樽度點,一來避免支油乾曬,二來避免唔小心整左D水入去 (例如洗完筆支筆未乾)。
唔小心畫出界唔好以為可以好似普通AV油咁,襯未乾用水抹掉,係唔得嘅。一來佢乾得好快,二來佢唔溶於水,唔溶於75%酒精,用99%酒精就連底油都起埋。
由於乾得快,筆痕都比較明顯。可能稀釋少少會好D。下次我會試下用噴筆。
洗筆用番佢支專用洗筆水就ok。
簡單講,你可以當佢係一支無毒嘅油性油。
講番我支油,我一開始無留意就當正普通AV油咁用。支筆點少少水就直接伸入樽油度。見到D金屬粒子結埋一舊係筆頭以為只係D油乾左。點知過兩日睇番支油就變成咁。
唔單只D金屬粒子氧化曬,啞曬色,D水入左去,仲改變左原來純酒精那種近乎油性溶劑的特性,變得更接近水性。油入面D binder 即刻溶唔到,分離曬出黎,連同大部份金屬粒子結埋一舊係樽底。成支油就咁報廢。
所以大家千祈,千祈,千祈,唔好比水入到去。
[
本帖最後由 Razia 於 2015-3-11 11:20 PM 編輯 ]
分享
