再次砌NG既1／60系列首辦，本來想制作1／60 KOG AT，但買番後總係提唔起勁去砌，但啱啱出糧就見到呢隻沙剎比有得賣，本著新買既模型總比舊既好既心態，買番黎後立即開工。

同1／60 NU 高達一樣，呢隻沙剎比除左裝甲內部同一D細節要遮蓋之外，幾乎可以話係所有有顏色既地方都有分件，十分適合小弟又懶又無技術既人(但大量分件又大大增加制作所花既時間）

而外型亦只可以話中規中矩，更可以話輸GMG近期隻1／100沙剎比十幾條街，但因為小弟年紀大，唔夠眼，都係大大件零件啱自己砌





同1／144HG想比，好似並唔係大好多



胸口用上三組關節打開，去打開一個LED燈制，但頭部（或全身）卻連一組關節都無，頭部連上下活動都唔可以



修改好多地方後，頭部先可以向下望少少





暫時只砌好上半身，手腳慢慢再砌，遲D再更新

[ 本帖最後由 2000ming 於 2012-10-22 01:11 AM 編輯 ]

8月9日更新

分別執好左下盤同背包
單係下盤已經有四十件零件，分件亦唔差，方便上色


前裙甲



噴射口獨立分件出黎，遮蓋少好多。





因為銅支愈來愈貴，小弟又愈來愈窮，所以近期都會用砌模型剩下既支架代替銅支，而且效果亦唔差
（1包銅支廿蚊四支，要完成呢隻沙剎比隨時要買幾百蚊銅支 ）





浮游炮夾艙門用上可動3D parts 來開啟，磁石固定，但效果一般。





浮游炮下都有唔同位，唔會砌錯





燃料筒分開四件件，但唔係空心，所以都幾重。


三個部份分別執好，但背包遠比想像重，裝上後立即斷腰，要再想辦法加固。



單係完成身體都好似唔夠大隻，同隻高達比都唔係大好多。





[ 本帖最後由 2000ming 於 2012-8-9 08:41 PM 編輯 ]

男人老狗一個人去新填地街好易忘記左原本既目的 ，會蕩失路走左上樓梯

我記得新填地街好似有間鋪D銅支係一斤一斤咁賣，不過好多時放工出到去都關晒門

萬字夾都可以，但只可以用喺D細既件上，太大件會唔夠力。

小弟年紀大，唔夠眼，件太細既話，拿住打磨手又痛，眼又朦，好似買盒RG番因為件太細，砌到一半都項唔順。

隻積陀清況惡劣，都係擺吓先

我果隻係1／100，喺淘寶買，連運費約$1800，多色成形

不過可能因為D膠唔靚關係，綠色件縮膠縮得幾勁

因為打機停工左成個禮拜，呢兩日終於執完個盾牌同支鎗。

個盾牌實在大大隻，未計光劍同飛彈單單一個盾牌己由9件零件組合成，而且重量驚人，好彩有個架支撐住


同1／144盾牌相比，大隻太多。


背面細節





支鎗亦有強大既分件，一支鎗由12個零件組成，鎗咀亦有分件







同1／144支鎗比。





開始打磨雙腳既零件，忍唔住試組一吓，睇吓全身有幾高。

幾經辛苦，終於SET起成隻沙剎比，因為要SET起晒全身先可以睇到整體造型比例，亦修改左少少自己改造能力所及既地方，如兩邊膊頭向身體宿入5MM，股關節加高1CM，及將一D細節換成金屬零件

膊頭向身體宿入5MM


未加高


加高後


一D細節







兩邊手太重，一般銅支根本支持唔到，最後直接用兩支5MM鑽咀當銅支用。



基本打磨已經完成，洗件後就可以開始噴灰





只希望版聚前可以完成

[ 本帖最後由 2000ming 於 2012-9-16 12:50 AM 編輯 ]

基本主色已經噴好，差滲線，水貼，細部手油就應該可以完成，因為未噴過呢種RG間色(好似係咁叫法），又好似未見過有沙剎比咁噴法，所以效果係點其實真係唔知，所以試砌幾件睇吓效果點

已經請定左兩日假拼死砌埋呢隻野，希望版聚前可以完成








比較擔心顏色太多既腳板，效果好似麻麻



頭





手臂效果可以接受

趕到死咁滯，21號淩晨四點先噴消光，終於板聚前趕起到個主體，但盾牌同支鎗就真係唔夠時間整（支鎗連油都未噴 ）
雖然咁趕，但好彩出黎都叫見得吓人，








呢隻囡囡都係小弟既作品


盡量呢個星期內起埋支鎗同個盾(但支鎗噴咩色都未諗好 ）