早兩日, 入奇趣睇特價貨.
居然見到GUNDAM X 的敵方LM 009 RMS-006 JENICE CUSTOM (彷渣古那款), 只賣9元.
說實在我沒有興趣, 因為我買過類似吉姆那款, 開盒後都唔想砌了.
之後, 見兩個後生仔, 如獲至寶, 將全店的那款LM雜魚都買下了, 少說也有二十多盒.
如自用, 真係組隊MS大隊都夠數了!
我心想: 祝你好運, 唔駛坐艇.

至於我, 買了新版的SD直江兼續, 只賣$19.5. 真係抵到爛!

我真心唔係咀咒佢地坐艇, 但LM系列都真係幾不受歡迎架.
LM=LIMITED, 限定的意思, 定位是接近首辦級數, 以在從首辦的豐厚利潤中分一杯羮, 可能因此而做成實心膠.
而掛上LM品牌推出的玩具, 都偏向較為冷門, 定價偏高(可能為收回成本).
至於LM的質素, 說實在, 真的比X GUNDAM 的1:144系列差, (腰甲不可動, 背包大炮要自行用膠水痴上)

銷情慘淡是自然不過的事. 亦因此, 原本預定推出的飛行型老虎和當打式戰機亦沒有轉往其他系列推出了.

回到現在, LM可以炒得起嗎? 以不到10元的價值, 買夠30盒也不過300元. 只要賣20元已經賺了一倍, 翻了一翻--不過賺了300元咋. 東等西等交收唔知幾多次才賺到300元. 值不值得真係見人見智.
還有要命的一點是, 天知道BANDAI幾時話推出HG版的X系列模型, 一個唔該出新版的話, 這個LM系列立刻變死貨了. 10也未必有人買.

至於自用...你話係就係囉, 無謂討論.

唔鼓勵炒賣, 但這東西出面絕對絕版.
而W的名氣比X好, 所以連帶這類絕版商品都有炒價.
但奉勸一句: 這東西好快會出HGAC(甚至MG), 未出只因W在HG系列尚未開LINE.
只要一出W高達系, 自然要有敵對角式做陪襯. (X是特例, 它是靠高達VS才能鹹魚翻生).

所以, 無心砌就早D放出去, 賣個好價來買補品吧.