事源鬼爺係FB發左段片講呢隻膠水，彈性同黐力出眾，咁我地就落富聯問老細會唔會入貨，結果尋日踩上富聯入左鬼斬同e6000 (大約aa膠size，13蚊支。)
先講講佢既外觀: 透明、傑到無朋友、仲有一股…怪味…Orz
e6000既特點:
1.黐力強
2. 未開封可儲貯五年
3.可用於水、油性油漆上
4. 接口防水
5. 有防紫外光及防下墜的型號(uv-6800及e6100)
6.彈性足，黐力強
7. 抗磨、抗衝擊
8. 抗酸鹼
9. 電絕緣及抗阻佳
10. 不易燃
資料相關link:
http://doc.diytrade.com/docdvr/439009/7602437/1228828361.pdf
尋日拿到手就測試下黐斷左既關節(用過1mm銅支，再加aa膠，但關節位都係承受唔到脫joint既力又爆開)
呢個時候，就試下e6000。(用1mm銅支加e6000)
外國人介紹都話等24個鐘再拿來玩，我就等左約18個鐘，今朝就試。
結果:任拆任裝無問題，紋風不動。
咁我就梗係大力d拆啦，點知…斷另一個位Orz.....原本斷左既位無任何反應…同原身無斷既硬度差唔多。(我估計可能仲實淨過原裝…)
之後見各位兄弟都有興趣，問可唔可以切、磨、有沒白化。可以答左你地先: 可以切，但唔可以磨(因為有彈性，似jelly)，但沒白化…
然後就係我一開始最感興趣既問題: 用來黐首辦又如何?會唔會唔洗打銅支就咁黐就掂呢???
咁我就來個負重測試。用2mm銅支黐係水樽蓋，再裝水，睇下幾重d膠水先斷。
等左一個鐘，我就心急拿來玩了(摸到外面乾左就試了:D)
test1: 125g(本想試100g, 點知一量就125g....)
結果: 好穩定，拿住佢移動都唔會甩，好似拿燈籠咁玩左幾秒再影相。hold左30秒都ok....放番落地睇下黐位，原封不動，都算可以pass.
黐口依然完整
test2: 200g
結果: 一拿起開始感覺到唔穩定，五秒後開始見到膠水位拉長…結果總共頂左七秒…然後斷開。
當然，最後心血來潮，點解唔試下可唔可以用手指刮甩d膠水跡?先試銅支，起初咬得好實，然後用拇指出力一刮，開始有d反應，然後依住膠水剝離。膠水就脫落了。樽蓋都可以咁做。
評價: 係好實…感覺同熱溶膠好相似。不過熱溶膠仲實仲硬仲難清理…以一支唔洗加熱又有熱溶膠效果既13蚊膠水黎講，都算係幾好玩。起碼唔似得aa膠咁弱，又唔會白化。
係撕走膠水既時候，我感覺上似jelly, 可以切割但唔可以磨…不過用來處理斷左既關節真係一流。加埋銅支真係紋風不動…
呢次都係無聊試玩下，呢隻膠水有其獨特之處。由於仲係試玩中，我唔可以講呢隻膠水係咩神器。但係2mm銅支咁少既接觸面可以負重125g無問題，真係可以考慮試下黐首辦件。
有機會會試下黐d大大件既首辦件 e.g. 大雷鳳、邪神兵 呢類大型件。希望各位買左既兄弟又可伸分享下使用經驗，等我地多樣工具幫到自己
分享
