Bronco 的 bofors 40mm, 被 PMMS 譽為2009年最佳軍事模型, 合唔合理就見仁見智嘞.
本人非常喜歡, 呢副嘢好細緻, 基本上唔洗加嘢, (如果你堅持要加, 就加錬同埋焊接線喇)
製作時千萬要小心.   好多精細部件, 要留神.  
如果你想動手, 有下列溫馨提示 :
1)  砌之前, 睇下PMMS嘅review  同埋 網上有關呢支砲嘅walk around先. 因為說明書有些地方
     唔係好清楚
2)  可能因為個模嘅問題, 支砲管唔夠圓, 換唔換任你喇
3)  pe 比較硬身, 好易定型, 但係屈弧位比較麻煩, 例如 部件P28頂部
4)  P12兩端距離, 說明書話1.2mm, 會出現前長後短現象, 唔自然, 本人將距離縮至0.6mm
     效果自然好多
5)  A23 同埋A11(完成後) 出現"爭位", 建議睇下支真砲先, 再決定需唔需要修一修啲件
其餘嘅嘢, 只要小心啲, 冇乜問題.  不過, "真正新手" 最好遲啲先至砌呢副嘢....

今次砌運輸狀態, 如果冇廠家出拖車. 可能用ITALERI 嘅 QL 頂住先
今次偷懶, 砌電動, 下次有機會, 砌手動版,  加大"難度"...

發生高空下墜慘劇, 收咗皮喇!!!!!
真係唔好意思, 各位.   
遲d俾屍骸大家睇.......

都係自己衰, 又話遲d有機會砌手動版,
手上呢隻聽到, 咪玩嘢囉......

愈嚟愈討厭地心吸力.