哩個就係進化之後既劉備 !
下面有進化開發後詳細零件分件 !
#1 兩張相有咩唔同 ?
好明顯對眼唔同左色 , 因為係為左換眼 , 不過哩次換眼係用左新既分件方式 , 一般複一堆眼或者一堆面出來換 , 不過我冇打算換甘多 , 又唔想放得太耐唔件左對眼 !
最終開發出哩種內置眼部表情分件 ! 詳細方法唔使多講 , 相信大家一睇下面張圖就會明白 ! 方便快捷換眼 , 又唔怕唔見左D眼去 !
#2 頸加多一個關節可以前後擺動
#3 因為一般整好隻BB都唔會有事冇事去玩脫甲 , 所以放棄輕裝 , 直接改鎧裝 !
肩甲內部筍位清除左顯得有D單調 , 所以加左D葉落去 , 因為鎧裝 , 唔算直接肉體所以應該冇乜所謂 ! 前臂加多個壽屋關節 , 原本個圈加塊 0.5mm 膠板落去 , 78特徵之一嘛 !
#4 腰改為拉出式關節 , 搭左條細腰 , 裙甲放棄原來條腰 , 因為冇打算輕裝 , 所以直接自搭一件出來 , 原件冇後裙甲 , 所以用另一隻劉備裙甲加落去 ! 因為肩甲花紋係有前冇後所以為左統一效果後裙甲原本D花就清除曬 ! 後裙甲中間部分上下反裝磨走花紋等角度同外型都接近原78造型 !
連接大腿中間個窿 , 驚磨得多會鬆 , 所以用 5mm 鑽嘴開窿植入PC件 , 再用空心膠棒封口!
#5 連接大腿關節係壽屋補品 , 大腿係用HGUC手關節複出來既CAST件 , 中間用 3mm 膠棒做軸 !
腳中間圓形同手臂一樣加 0.5mm 膠條造型 !
#6 腳掌用膠板搭建仿KA造型 , 中間分件降低傾斜度造出層次感 !
同樣磨走原本花紋用 6mm 空心膠棒加 1mm 膠板搭出螺絲造型 !
下身整體照 !
半跪模式 !
#7 背包原本噴口同螺絲花紋磨走 , 再用 4mm 空心膠棒加 0.5mm 膠板搭出螺絲位 , 噴口就用 5mm 空心膠棒磨出外型再加 3mm 膠棒左內膽 !
整體改造工程基本完成 !
之後就係搭磨地獄 !
[
本帖最後由 ro0 於 2009-10-14 04:22 PM 編輯 ]
分享
