不論科幻,甚至人型成品發佈區都出現了代工作品

就算當版主睇唔到,而成品發佈區版規第三條當無存在過

但比意見時都多數會話呢個係物主既意思,無得改..........

一個機械式無heart所製造出來的作品,既然講到砌得咁辛苦,咁拿來討論還有意思嗎??

製作者眼中件成品只是一個賺錢的item吧??

我咁做唔係想阻住d商家搵食,但既然有商家區,點解唔分多個代工成品發佈區出黎呢??

賣廣告還賣廣告,真心討論還真心討論,好過無視版規既存在丫

希望大家對呢個問題比d意見,正視下呢個問題,謝謝

[ 本帖最後由 hypermax 於 2009-2-23 05:59 AM 編輯 ]

順路回埋#2個回覆.....

點解我要話無HEART?

話愛錢唔愛件果 D人真係真心喜愛模型?

定係真心用學返黎既技術去賺錢?

即係好似你係車房唔學識整車就無辦法賺車主錢

又好似係法庭唔係律師就無辦法賺當事人錢一樣

有幾多個人係有heart做車房?又幾多個律師係真心幫人打官司?佢地多數都係向錢看而去學技術

講得個錢字,又以經當係一個職業既,仲有HEART???

同埋有時有好多時職業模人同業餘既情況好唔同

職業模人有地方整野,業餘既通常要係家庭壓力下完成噴油等工作(內地環境特殊,此舉例只適用於香港人仕)

又例如唔係人人有某d特殊工具,如真空機,大型打磨器具等

試問又點參考???點比較??

反而我睇到樓主既重點就系因條件所限, 業餘作品水準一定不及職業作品, 不過職業作品就不及業餘作品有Heart!  如果比D咁靚但無Heart既職業作品充斥發佈區就會將業餘者制作比下去, 即系無癮<------呢句先係我需要引用的,無錯,問題就在此,因為好多人無視我於#4入面[職業模人有地方整野,業餘既通常要係家庭壓力下完成噴油等工作(內地環境特殊,此舉例只適用於香港人仕)]同埋[又例如唔係人人有某d特殊工具,如真空機,大型打磨器具等,試問又點參考???點比較??]

個個都係針住HEART呢一點,忽略了職業級數擁有的專業裝備比較多,不用太花功夫,只要識利用那些器具就能製出好成品,而一般業餘玩家係不夠裝備和壓力下要多花更多心機才能把作品完成,但如vr2xtd兄講,他們就要經常被對比,咁做真係好無癮,因為在出發點,就已經不能對等比較,正如唔係人人有磨機做打磨,有噴槍做噴油工作,但做得商家,全部都係基本裝備,有真空機做倒模呢D特殊野我都唔再講啦,因為根本無得比較.........

對於將自己作品前放上價錢牌既師兄們,的確你地係非常有HERAT去製造該件成品,但目的都係為左令件作品能賣得好價錢,你們能夠答我你們沒有這樣想過??,沒有的話幹嘛要放上價錢牌??

然而收得人錢去接JOB的一類,你地係視製作為工作?定係興趣真係可以當工作?我知我說有時候你們連製作的東西叫甚麼名都不知道,你們大可以說,我專業在模型製作方面,但如果連作品名是甚麼也不去稍為考察一下,你的確係對自己既技術係好有HEART,但連作品名都說不出,那對作品還有HEART可言嗎?話喜歡錢多過模型件,為了錢砌講得很辛苦等果一種異類,你們覺得這種人會有HEART可言嗎??

要交給客人的作品,而擺上討論區討論既人仕,問心你們有沒有當會員們是你們的免費QC的心態去討論??

有無當成品區係廣告版使用呢個問題都係留返比版主去定斷好啦

至於你地講素組有無HEART,買代工件之買家當代工件係自己等問題都唔係我本來想討論既話題,你地可以大可以開過一個新TOPIC再傾過

咁耐以黎係得vr2xtd最明白呢個標題的目的

簡直係心聲,但個個代工人都爭住對號入坐,我無非係針對錢字掛帥呢一點,但個個就以為我要封殺代工砌模型呢個行業咁既心態咁去自我維護

#43POST出左街之後,仲未有人肯為呢句說話說一句解話

[要交給客人的作品,而擺上討論區討論既人仕,問心你們有沒有當會員們是你們的免費QC的心態去討論??]

人總是唔肯面對自己既黑暗面所以先想千方百計去回避問題

試問有邊個唔想做正人君子?

至於拍攝問題,點打燈呀,咩光圈呀,用咩機影等等真係同模型製作有關係咩?如果有關係,等同無靚相機/無攝影技術=劣作一樣?咩道理

的確相係要清晰,如果要教點影模型,係唔係可以係模型友聊天室開個模型攝影指南會更適合?

成品區個主角係件模型,唔係部相機或者個背景.....即係狗展主角係狗一樣,其他野只可以叫配合,不是重點

明白無?

我路過某玩具討論區.....竟然話呢個post係針對會員gundam@efsf

真係好天真好傻......呢個post係講代工問題,一d都無提及過買家,但有人要話我係針對g@e呢d陰謀論的確係好笑

其實之前我都諗過,g@e係該討論區既大明星,果然某部份支持者都黎左hkml

阿kyohk2001兄,係你將呢個post條link post過去架喎,唔怪得你咁激動啦.....

魔孽逆天係果邊都係g@e既fans,唔怪得今次係g@e個post鬧得我咁勁,仲要話我酸葡萄添

Douglas.M.Saint,我針對g@e?如果咁都叫針對我就周圍都會見佢d post,re佢d post,呢d先叫針對啊
g@e幾時做左代工業?要係話我針對,你話我針對ultrayung都仲叫合情合理囉,不過事實唔係囉........同埋我個名唔需要打x,有咩就直接講,出埋全名又如何?唔好轉彎抹角

#1我講明[不論科幻,甚至人型成品發佈區都出現了代工作品]

g@e兄幾時有買過人型??ultrayung有無造過人型首辦??可能我資料授集不足啦....

對於該玩具討論區我係唔會同唔需要係果邊做任何澄清

post係hkml起,麻煩有意見就黎呢到講,謝謝


[ 本帖最後由 hypermax 於 2009-2-23 06:14 AM 編輯 ]

再講得基本一點,係個post標題甚至內容入面打上代工,代友砌,交客等個作用是甚麼??

說明模型去向?砌該模型既目的?說明你只是個代工?自己是一個商家?還是覺得自己技術能夠得到別人認同等等.........?

如果有另外解釋,希望能夠詳細列明好讓參考參考

係,的確無人會得益
但這個話題只是用來討論
不是投訴版,也不是當年會員evin要批鬥祖國模型果種情況

一個post話係代工作品,評論的時候,除了讚美的文章外,當有地方要指出需要改進時,往往只會有[這是客戶的要求,改不了]的情況
咁post來的目的究竟是甚麼,係因為客人的要求導致製作者失準,一個掩飾失誤的藉口,還是有其他苦衷的訴苦抒發??顯示自己能夠接job的能力,定係純粹廣告post?
討論區的用途不是分享和討論去接受別人的意見去改進自己的技術嗎??
至於有heart無heart,其實自己最清楚,無需要個個爭住認自己有還是沒有,也無需要向人說明自己幾有heart
如果讚就開心,但彈你就口黑爛面既,還有意思嗎??

http://hk.myblog.yahoo.com/dick7077/article?mid=55
星斗市民兄對代工的看法,的確係一個好借鏡