搵到幾張古董模型相片，主題都係 1970 年代o既美國電視連續劇主題，同各位兄弟分享下.....
如果你唔識佢地，咁你仲係好年輕......  
如果你係電視上睇過呢ｄ電視劇，咁原來你都幾老餅.....  
不過無論老或嫩，都齊齊來懷舊/研究一下....


[attach]263515[/attach]
Six Million Dollar Man（無敵金剛）
劇入面男主角名稱「岳史迪」(Steve Austin)，原本是名太空人，係一次太空旅程中因意外嚴重受傷，本來應該無得救，就算醫返都殘廢果隻，但其科學家醫生係手術過程中將佢改造，換上機械左眼、右手、雙腿，將佢變成一個 cyborg。

以下係套電視劇o既開場，可惜只搵到原裝英文版本：
http://www.youtube.com/watch?v=39co0zKbQAQ

但我隱約記得無記中文版開場時旁述係大至上咁講：
「太空人岳史迪，係一次飛機失事中受左重傷.... 經醫生o既診斷，認為可以將佢改造，將佢變成一個左眼、右手、雙腳都與眾不同o既超人！  岳史迪而家堅強、敏捷、知勇雙全......」 (跟住就係音樂.....)
(以上有錯請指正   )


[attach]263516[/attach]
Bionic Woman（無敵女金剛）
套無敵金剛非常受歡迎，咁就黎多套女金剛。  劇中女主角「沈珍美」(Jaime Sommers)，原本係「岳史迪」條女，但係一次高空跳傘意外中撻到爬街，又係醫返殘廢果隻....  「岳史迪」請求改造佢果位醫生去改造「沈珍美」以救返條女，咁果班人又來一次大改造，今次就右耳、右手、雙腿....  但改造救返之後，沈珍美竟然局部失憶，唔記得佢以前同「岳史迪」之間o既感情....
呢套劇當年係無記播放，應該係由日本星辰表特約，所以正式名稱叫「星辰無敵女金剛」。

以下係無敵女金剛個開場：
http://www.youtube.com/watch?v=JH5hNk1nm0U

話時話，點解安排無敵男金剛有隻千里眼，無敵女金剛就有隻順風耳？  係咪方便男o既「目及」野，女o既就八卦收風？  


[attach]263517[/attach]
Charle's Angels（神探俏嬌娃）
第一代的神探俏嬌娃，三個女角中，最令人印象深刻o既，相信都係金髮果位演員 Farrah Fawcett (花拉科茜)。
[attach]263518[/attach] .......  
係 70 年代，花拉科茜係迷倒全球男女的靚女，無錯，係「男同女」。  男人迷佢，因為佢靚女性感，佢有張性感突點泳衣 poster，全世界好多人都買過，絕對係經典 poster 之一。  女人都迷佢，係佢個經典髮型同笑容，仲有就係佢比到人一種充滿自信、自主o既感覺.... 當時全世界好多女人都打扮返個「花拉裝」。

神探俏嬌娃開場片段：
http://www.youtube.com/watch?v=FW_daBHfjag

[ 本帖最後由 patmb 於 2009-2-12 10:54 PM 編輯 ]

1) 吸血兄，做乜欲言又止？  唔通係果ｄ印象....  

2) 係呀，每次佢幾條女通過果個「箱」同查理傾完計，就會講「Bye, Charlie.....」，原裝英文版ｄ聲會嬌嗲好多，尤其係花拉把聲，電到人有ｄ骨痺.....

其實我都係無意之間搵到......

高西家 (可能係「高西嘉」).....  劇入面原名係 Oscar Goldman.....

而家六百萬，放支飛彈仔就無左啦！

你所講呢位係 Lynda Carter 係 1972 年美國小姐，後來飾演《神奇女俠》 Wonder Woman。

[attach]263595[/attach]
1976 年，第一代的 Charlie's Angels，上中：Jill Munroe (演員：Farrah Fawcett)、下左：Sabrina Duncan (演員：Kate Jackson)、下右：Kelly Garrett (演員：Jaclyn Smith)。
當代的這幾位女演員，各有性格、頗有內涵，性感發自內在。

[attach]263596[/attach]
2000 年，最近一代的 Charlie's Angels 演員，上左：Drew Barrymore、上右：Cameron Diaz、下中：Lucy Liu。
雖然著咁少衫，係幾性感，但基本上得個外表。

仲有果個改造專家二撇雞醫生 Dr. Rudy Wells，但我唔記得佢個中文名......

嘩~~~  時光隧道！  記得係電視上睇過，但當年我好細個，對呢ｄ較複雜o既題材無乜興趣，其實亦唔多睇得明，只記得佢地係時空之間穿梭，但就唔係 100% 可以控制到，經常去錯時空。

而海底歷險記入面隻 潛水艇 Seaview，艇頭個底可以放隻黃色飛船出黎，然後上水面、飛埋上天......  香港電視台播呢套野時，我都係好細個，只記得電視播過畫面，對劇情無乜印象。
[attach]263599[/attach]
[attach]263600[/attach]
我記得我好細個時 (未夠 5 歲)，買過一盒有摩打、佢話識自動浮沉o既 Seaview 模型，當時我砌好後，滿懷希望拎去維多利亞公園個水池放.....  
放落水，隻艇半浮不沉，仲有ｄ側側地，開著個電掣，佢只係好似架戰艦咁係水上面行.....  我見到當然覺得失望，點解唔識「自動浮沉」？  
點知行多兩行，佢開始沉啦.....  我初時好開心，可以見識下乜野叫做「自動浮沉」.....  但隻野沉左落去之後就唔識返上黎，要我落水係池底執返佢上黎.....  
唉~~~  潛水艇變沉水艇.......  

其實當時我咁細個，根本唔多識砌模型，尤其係有動力o既船艇，要砌到防水先得......   雖然失敗左，不過就係一個好好o既經驗，我由此學到唔少野。  


對第一代的星空奇遇就較有印象，個隊長叫卻克 (Captain Kirk)、個醫生叫麥高？ (Dr. McCoy)、火神星人冼撲 (Mr. Spock)..... 仲有個日本仔，唔記得乜名 lu.....

其實仲有一套科幻片 The Invaders，中文名叫「侵略者」，講外星人係地球活動，為入侵地球做好準備，佢地個樣同地球人一樣，但手指尾唔可以屈曲.....

[ 本帖最後由 patmb 於 2009-2-13 01:43 AM 編輯 ]

果隻大猩猩就係大腳怪 Bigfoot ..... 佢都好似係機械人.....  記得岳生係樹林同佢開片，扯甩大腳怪隻機械手.....

幾錢？  唔知喎.....    我只係搵到ｄ圖片，知道以前曾經有廠出過呢ｄ模型。

岳史迪係無敵金剛，沈珍美係無敵女金剛，高西家係佢地兩個o既上司。

係呀，個日本仔叫「蘇勞」呀！   Gay 佬 George Takei，佢「另一半」係 Brad Altman......  

記得十幾年前，市面上翻出左一批電視節目o既科幻模型，包括 Seaview (海景號)、Enterprise (企業號)、Thunderbirds (雷鳥)..... 仲有 Stingray....  不過出現左一段短時間就唔見晒，而家只剩 Thunderbirds 偶然係一兩間模型舖有得賣。

貓兄隻 Seaview 同 Flying Sub 係幾時買o既？

[attach]263690[/attach] ...... Stingray

Thunderbirds 同 Stingray 都係木偶戲 (60 年代拍過好多呢ｄ木偶戲)，Thunderbirds 我係電視睇過，但 Stingray 好似無係香港播過？

[ 本帖最後由 patmb 於 2009-2-13 12:32 PM 編輯 ]

你講呢一集我都有印象，記得佢地誤打誤撞 (佢地成班人都係咁)，返左去控制室，但控制室入面成班人個個成碌木咁唔識郁，唯有死死氣氣走返入去條隧道.....

上網搵大把喇.....

[attach]263695[/attach]
[attach]263696[/attach]

仲有套電視連續劇o既開場 show：
http://www.youtube.com/watch?v=2SOtH1MNXtQ

以前細個時睇，覺得神奇女俠最神奇o既地方，係佢跑來跑去時，心口前面兩舊野大幅度咁拋上拋落.....
http://www.youtube.com/watch?v=QSR6isVJaEA

大大百貨公司，以前位置係而家o既太子聯合廣場，以前逢星期日就人山人海，因為逢星期日就八折！

侵略者 (The Invaders) 呀嘛！  我係 29 樓都提過......

Monogram 隻 Flying Sub 有幾大隻 (約幾多吋)？  可以安裝 lighting kit 都應該唔細喎......

各位兄弟有無聽過 Moebius Models？

呢間野係美國新成立模型製造商 (成立於約 2005~2006 年)，專門生產舊題材o既科幻同恐怖模型，產品有：Seaview、Flying Sub、Iron Man、科學怪人、透明人魔、木奶伊......
網址：http://www.moebiusmodels.com

近排係旺角「雞望商場」打左個白鴿轉，係 2/F 果間「模型廚房」(專炒冷門、絕版模型) 見到有 Moebius 果隻 Seaview，老闆用左一盒打開黎做 demo，我睇過，套 kit 件數唔多，隻艇砌起好大隻 (39" 長！)，可以改遙控 (另有公司於網上提供動力改件)。  問下價錢，叫價 4 位數字！
[attach]264019[/attach]
[attach]264020[/attach]

老闆話遲ｄ仲有 Flying Sub......
[attach]264021[/attach]

嘩~~  賣得好貴！  

[ 本帖最後由 patmb 於 2009-2-15 01:13 AM 編輯 ]

記唔記得.....  妙麗手袋，天天新款；妙麗皮鞋，與眾不同！   

唔係呀，《海底歷險記》入面ｄ船員，全部都係正常人黎......  記得《海底歷險記》係 weekend day time 播o既 (好似係約中午時份)，但唔記得星期六定星期日.....

你講手指間有蹼果條友，我有少少印象，果套野好似係 Man from Atlantis (1977 年)，中文名就唔知.....  睇下以下片段，係咪呢套？
http://www.youtube.com/watch?v=vkLpM7HQ8SU

留意 24 秒出現潛艇，28 秒睇到佢隻手，姆指同食指間有蹼。

[ 本帖最後由 patmb 於 2009-2-15 01:36 AM 編輯 ]

小弟係 29 樓講過，細路仔時買過一架「佢話識自動浮沉」有摩打o既 Seaview 模型，但佢只識沉水，唔識自動浮沉，令我當時的弱小心靈受盡傷害......   

可能因為咁，內心深深不忿，對 Seaview 印象好深刻.......   其實呢個可能係童年陰影.......