|
上次的更新叫做完成舊化, 但其實仲有些手尾, 主要是下半身的車輪, 履帶和坐椅等等.
蝕刻片的防滑地板之前已 wash 了 XF-1 啞黑色和 XF-57buff, 兩隻色的反差頗大, 有需要再整色整水, 一來淡化, 二來可使顏色豐富些. 所以用了水膠彩 #821 Ger. Cam. Beige 和 #824 Ger. Cam. Orange ochre 分別細點塗上.
防滑的凸圓點就乾掃了 X-10 Gun metal, 但發覺蝕刻片原來真係好精密, 變得困難, 好容易掃到不想要的地方. 你會話 : 不是吧, 窩釘都得咯!??! 但今次冇辦法, 因為水性油的金屬效果差, 要用琺瑯油, 而調稀亦會減低金屬感, 所以要小心的慢慢來.
路輪的黑色橡膠邊, 張啞黑色 XF-1溝 XF-57 Buff 來當舊化, 因為唔打算重舊化以免遮蓋了之前的上色工夫, 唔捨得呢! 在那膠邊的面塗更淺的色來加強立體感, 效果真的不錯! 其實靈感來自模型盒封面. 雙星的封面是我的寶藏, 你可以從它上面找到很多 “好野” !! 其他廠的封面實在相比失色.
輪到車頭的輪胎, 開正我果瓣. 我對胎叫做識D, 而輪胎是汽車工業兩項從來冇革新的科技之一. (另一項是內燃機往復引擎) 所以其原理和六十幾年前都係一樣. 我想講乜? 大家有冇留意絕大部份重型車輛, 巴士的輪胎, 貼住輪圈的圓周的顏色呢? 那部份是呈灰灰啡啡地, 那不是污漬, 用水洗抹過後便會回復舊觀. 原因是那胎壁的膠質已被熱力老化而永久地變了色. 胎壁的膠質和胎面是不同的, 加上胎壁受熱最多而不是胎面. 何解? 好悶呢! 模友是沒興趣聽下去了. 也撐得太遠喇! 講回模擬那老化做法 : 先整個輪胎噴上郡仕#137 Tire Black, 跟著在內圓噴上灰加啡色, 可惜調得太近沙黃色, 唔緊要, 乾後再以水膠彩調稀至接近透明狀態 mapping. 我用了#925 blue + #866 grey green 印在最外圍, #988 khaki 和 #939 smoke 則在最內, 顏色其實是任意的, 你覺得對便是了.
再輪到履帶. 又係深啡色郡仕#42做底色. 然後噴郡仕水性 H-20. 之前已說過水性油的油粒子最粗, 目的就是貪佢令表面夠粗糙, 來使後續的粉彩容易咬實, “食”實D, 再以較低氣壓 : 0.8 bar 以下, 便只會輕微吹走少少粉彩但達到固定大部份粉彩之目的. 而選用的粉彩顏色是頗鮮艷的 Faber-Castell #188 Sanguine, 但印在內42深啡上剛剛好, 更似鐵銹色. 而落這顏色盡量 “unt” 入凹位內, 那麼成條履帶的銹漬便有些層次感了. 再乾掃上 XF-56 metallic grey, 使履帶有番些用舊了的金屬感. 之後的濕濕碎碎請看圖解.
其實到最後, 各種舊化/污漬完成後, 都少不免會淡化甚至完全遮蓋了之前的工夫, 矛盾嗎? ……有時都可能架! 但是玩嘛! 而好多時就是遮唔晒, 那細微變化但又豐富的…..層次感吧, 都幾有滿足感的, 況且, 可以當順手練習/實驗一吓吧! 更應晒我成日想的 : “睇落唔多覺, 冇做則好覺” 坐椅的部份便是練習/掌握 mapping 技巧的好機會喇!
 附件: 您所在的用戶組無法下載或查看附件
|
分享
