唔講邊有得笑呢!  冇話新唔新手的, 砌到老學到老吖嘛!

噴完透明光油, 除了頭兩浸是剩落的#184貨尾其餘都是GX100, Micromesh#3600 - #12000 打磨完畢及捽埋compound, 車身主體 Modeler's + 雙星細目 + Finish, 其他如頭尾翼等可省去細目.

近代-1車的輪廓越催複雜, 對打磨來講都幾考起, 擦紙膠大法去唔到細窄及弧度大的位置, 想出了海綿大法  一般的太軟唔夠力施壓, 要選擇較硬身一些的, 靈機一觸, 順手拿3的海綿式沙紙一試, 發覺重疊後的彈性就夠硬身, 無論打磨及捽 compound 都好合用  今次捽張擦紙膠大汰加海綿秘技雙劍合壁, 成績自己相當滿意!

.............

而家可以講講郡仕#184和新出的GX100的比較, 最大的分別是....就暫時讓我稱為黏度吧 ( 懂得正確名稱的朋友請指正) GX100 比 #184 高頗多, 最明顯的出現在噴有水貼高低級的地方, GX100 附著力強得多, 對日後消除那高低級幫助極大, 有些較細的水貼甚至無須研磨已經平直! 其實最早發表此點的是刀鋒冷兄, 在他的川琦Moto GP 的製作過程已說 GX100 "坐" 得很少, 我今次只是再證實多一片而已 其他的我就覺得差不多.
p.s.我會張這篇轉載至 Leo兄的不同光油特性專題.

多謝樓上三位的誇許. 但話口未完, 喱頭就即刻出事了!!
話說昨晚捽好晒compound, 非常高興效果之餘乘勝追擊, 一早用雙星遮蓋膠紙準備噴雙星琺瑯X19 smoke + X21 flat base 於死氣喉蓋來調整它的色澤, 下午撕掉膠紙時發現有膠漬遺留在車身上, 初時不以為然, 諗住好易用回新膠紙黐起解決, 點知那時才驚覺那些漬 "溶" 入了漆面   便拿compound來想捽甩它, 竟然又唔掂  慌忙地藥石亂投, 拿起快乾膠用的 clue remover 一野捽落去, 結果仲衰   真估唔到今次變左石堅 當時真係幾失落, 錦樣衰左好唔份氣 算啦, 收拾心情繼續吧! 但好想知道死因何在?! 因為其餘內側噴黑色的翼板全部正常冇事!! 分別只在除車身主體是昨晚捽完, 其餘都是早一日捽完. 冇咁化學下話?!
放心, 我會盡力完成其餘的, 其實砌到現在都好滿足了, 也吸取了好多寶貴經驗, 起碼下次唔會再衰喱瓣

..............

Masking tape 貼住模型表面的位置. 留下的膠漬

救唔到呀   冇料到喇!

雙星來的, 我出名驚死架!  應該唔關它的事, 因為那些頭, 側翼, barge board 全部正常, 以前都一樣錦做未試過出問題.

咦.....!! 但係我的 GX100 已經等足一星期才捽compound, 隔了一晚才masking....其實最大嫌疑的確係-----油漆, 我暫時只能懷疑有可能捽完compound的 GX100 還未完全恢復 (硬化?) , 便mask....., 捽compound完全捽唔甩是因為那些膠漬是 "溶" 了在漆的入面! 不是殘膠黐在漆表面!!
請大家小心了!!!!!!

今次我估不關噴油的事, 一來只是噴smoke tune down 那特定細小面積, 只薄掃了一兩野, 二來其他根本沒有噴到的而被膠紙黐著的地方例如相中 side pod 底, 所以....  自己最"on"居就係用 glue remover, 早識你咪好囉!

多謝支持!  能力有限  但仍然會努力完成的. 只是又多左一樣瑕疵吧了!

啊, 原來都有唔少朋友遇到同樣的問題, 真的要認真探討這題目.


有道理, 值得大家一齊研究吓  GX100 這新產品的乾燥時間真的要重新評估.

捽compound的方法我估和噴油一樣都各人各有心得, 我的是利用擦紙膠和今次首次嘗試加埋海綿作墊子來磨, 都幾得架! 方向我則是橫和直, 一如筆塗.


呢拿, 上forum的好處就係錦嘞, 大家拿出來討論吓, 週不時會有朋友指出自己的盲點或甚至是連自己都忘記了的...  就算冇結論也能夠起警惕作用

等我擇個吉時先, 橫掂都信邪咯


照計嫌疑不大, 因為同一時間mask車身和冇事的翼, 而一塊頭翼, 兩塊barge board, 兩塊barge board前的小翼, 前兩者是旦一塊貼左膠紙的面積都幾乎多過晒車身的.

呀! 又係播!   到而家相信有97.5843%機會( 請用 L 的語氣) 係D GX100未乾得透有關. 上了一課! GX100的特性要好好的研究希望能取長 (黏度高)避短(乾燥時間要注意).

不是趕, 只是以往的#184都是一星期 , 是擺放在郡仕乾油器入面焗足一星期! 濕磨時完全沒有異樣, 始終是新產品, 唯有要再慢慢擵過它的特性吧

繼續砌落去, 發覺自己原來都好疏忽, 之前諗住方便車身上色打磨等工序, 所以度了位認為ok, 最後才"涉"椅, 呔盤等零件入cockpit, 點知出錯, 入是入到去, 但問題是唔夠空間落手, 用盡方法都搞唔掂, 唯有出絕招 : 鑒硬黎, 見到相你就知, 都幾攪笑.
唔知法文的鏡同玻璃是否同一個字?  點解明明係倒後鏡, 會用左透明膠件的呢?!! 用S27 chrome decal 費事油銀油, 但慣性地落了軟化劑, 起晒皺紋! 下次記得的了.

舊年11月去日本時買的, 是新產品抹掉滲線出界專用, 順手試用, 超好用, 值得推介