今日終於完成了水貼, 之前Mikusen和C子都有問我 Heller 的水貼得唔得, C子更以他憑 Heller 飛機的經驗忠告過我它套色時常出問題, 我錦都可以睇漏眼 喱D咪叫抵我死囉 又比地獄使者陰到正嘞  除左圖片附上說明的問題, 它又衰唔晒的, 起碼它的紙質不錯, 幾貼服亦夠"un" 幾次失誤以為死得都救得番 雖然始終都是有問題, 但砌到現在的模樣已經好滿意.  今次打磨色漆時由於想試吓不同的方法, 又有幾好的效果 : 以較硬身少少的海綿來代替擦紙膠,轉用 Modeler's compound 加雙星Finish compound, 詳細的情形等我最後研磨完透明油時證實唔係撞手神才講吧!
講番今次上水貼, 雷諾 (始終都好聽過威龍 ) 的深藍色長條分隔黃/淺藍的拉花冇錯會對間色時的滲漏出錯提供方便, 但掉番轉頭, 其實間色時的度位要更準確, 貼這條邊時亦是難度最高!!! 真係針冇兩頭利架!!

............

..............

...........

.............

.............

.............

多謝! 我總係認為砌模型和其他嗜好都一樣 : 熟能生巧! 試多幾次遲早都一定得, 關鍵只是你夠唔夠耐心而已! 所以我好鼓勵細路仔砌模型, 可以培養他們的耐性, 我已好努力錦引誘我班姪仔砌模型, 可惜都係敵唔過 nds


點解唔噴埋條深藍邊? (唔係黑色黎架 ) 水貼肯定唔會有滲漏和條界一定利過噴, 兼且唔駛再masking慳工序囉!
而家等水紙乾透, 軟化劑處理過的更加要比時間佢回氣(即係硬番) 否則太快噴上任何牌子的透明光油都有可能前功盡棄! 雖然好心急想趕到真人騷17, 但都係穩陣D好!

咁啱最近買左本 auto sport archives 87年菅生賽車場 Group A, 有一頁係介紹 GTS R31, 是當年下半季代替DR30, 但只得一頁, 3幅內龍圖片咁大把! 有興趣隨時攞去睇 ( PM我給你電話號碼), 我冇scanner

絕對係!  它會令你已經忘記晒的或者原來驚覺桹本唔識的基本功全數叫番出黎! 真真正正的磨鍊, 然而, 只要救到少少已經會產生好大的滿足感, 就算失敗了也必定從中學到D野. 對我個人來說製作過程才是砌模型的最大樂趣, 砌完的成品反而.....總之唔夠製作時過癮.  你的綠屋 比我一種"特然間醒晒"的感覺!





我是在佳旺2樓買36期, 好多圖片睇, 所以在東京買了其餘兩本  但唔見波波有得賣播
不是甚麼珍藏, 真係無所謂, 因為我的真正珍藏一定收收埋埋慌死人知家嘛!


我打算帶架 Arrows A23 去23號的聚會, 等你地 "見識" 一吓它的.... 真面目 而喱架 R24則會帶去1月19號的真人騷17, 砌唔切都會帶去, 因為估計那時應該完成埋透明光油了 你唔怕學壞手勢咩? 其實難得大家有共同嗜好而又有機會交流, 個個都係師傅同時亦係學生!! 今日噴了第一浸184, 開稀1:3 只剩下廿幾毫升, 終於遲吓有機會試 GX100了

............

梗係得啦!  都話我的超勁好野收埋左係隴底咯! 你星期日飛? 我幾時都得, check PM pls

哈哈, 好多謝你!  雖然不是 F-1, 但其實 Formula Renault 的圖片仲難搵呀! 所有各種方程式車我都鐘意, 都有參考價值, 多多益善呀

哎呀! 我係石器時代的古老石山冇MSN  唔緊要啦, 縮緇就縮細啦, 好想睇!

ok~ 你要大圖再問我啦
PS: 下盤全塊都係carbon, F1 的都應該係 [/quote]
多謝晒 Xpohei 兄!  相信你是玩珠海Formula Renault的吧?  它是很好和安全的方程式賽車, 我以前有澳門賽車 pit 證時成日都走落那地牢泊賽車的停車場睇, 應該連 cockpit 都是 carbon fibre 的, 相反那時我的朋友玩 Formula 2000 和 Spider 則睇落牙煙得多! 第時需要清楚的大圖一定PM你

比獅象大哥這句"特然間醒晒"引到我都想開工 [/quote]
唔知邊個先係大哥呢?  好呀! 吾道不孤! 有人幫拖對付地獄使者! 其實我仲有兩盒地獄牌 : 雪鐵龍 Xara rally 和標緻利曼冠軍車906


冇點錯相, 就係佢嘞, 不而我地一齊郁佢啦!!

上埋輪胎的米芝蓮水貼, 好彩一早估到地獄使者冇咁順灘, 所以先在內側試貼, 衰左都唔多覺. 一貼才發現其弧度不準確! 要做些小手術, 先剪開幾段才上, 但發覺唔夠圓, 唯有剪成多個分差口強行屈曲出合適弧度. 另外尾底翼及車頂攝影機的 ScaleMotorSport 炭纖水貼噴了#101 smoke調暗顏色.

..............幾乎唔記得提尾二幅相的O.Z. Racing水貼不是變黃, 而是之前貪得意, 想張輪圈的黑色加點變化而噴了透明橙, 避免成舊野都黑蚊蚊, 點知比後來的透明光油輕微溶化而張原本雪白的水貼染黃 下次記得不要直接貼在透明顏色油上了, 因為其實它們是屬於染料, 而是隔一浸透明光油便乜事都冇

歡迎!  又多個 F-1友了
車身鯊魚鰓散熱口補了畢地, 打磨, 噴灰, 檢查, 有缺點, 再補畢地, 噴灰, 打磨. 檢查, 仲有少少未得, 再補, 再磨, 再睇, 再...... 你只不過看見其中打磨後未噴灰的.....死嘞..係第幾次呢? ...  當有些地方要反覆執時, 便只噴那部位, 因為唔擔保一定一 take 過家嘛 , 如果次次都成架噴, 底灰一定厚到....兼浪費油/時間...所以到執好晒才整架噴灰作最後檢查.
黃色那是雙星的 Epoxy putty.

我睇見你拆拆拆裝裝裝, 夠好耐性咯!


想擺我上神枱?! 即係咒我快D去...


色水太銀唔係大問題, 因為橫掂都會在其上噴油保護, 噴 smoke 定噴透明油都係要噴之嘛, 我反而覺得係優點, 因為可以調不同光暗, 需要時兼可加 flat base 調埋光澤添!  尺碼每間廠都可能有出入, 甲廠的細碼可能等同乙廠的中碼, 加上個人喜好有別, 因為有時會刻意誇大比例來突顯視覺效果等等, 其實如果真係要依足比例, 間間廠的出品都肯定過大! 因為如實縮到1/24或以下咁細要搵顯微鏡了! 個人覺得1/12用上廠方聲稱1/20的炭纖水貼則幾吻合. 市面上有的是給1/43用的, 真係唔理解!!! 這架1/18我用了ScaleMotorSport (SMS) 的聲稱1/20尺碼. 至於花紋, 又係個人的喜好問題, 我始終較喜歡傳統的 Z 紋.


其實真係幾好玩的, 一次半次都冇所謂, 但如果盒盒係錦就`咪攪我嘞


埋尾喇, 希望真係埋到尾啦!

繼續玩胎 .因為黑胎黑軨乜都黑蚊蚊, 所以便玩D變化, ( 玩開軍事 afv 的 dna 作怪? ) 之前講過黑軨噴左透明橙想營造些合金少少帶啡的感覺. 而家輪到胎嘞 我習慣連胎也噴透明油, 因為軟膠好惹塵. 為了突顯那些坑紋, 便先遮蓋它們來保留原本的半光澤, 胎面噴上透明啞油 (雙星水性X-21 flat base + X-22 clear) 胎肚則減低 X-21 flat base 份量來達到半光澤效果來增加立體感, (事前先噴上 metal primer 來增強油漆在軟膠的咬合力, 但它會使軟膠表面呤立立 ) 坑紋的目標效果達到了, 可惜胎面唔夠啞, 因為太滑, 不關油事 ( 試噴在其他零件, 超啞!) 除非先用沙紙磨過, 甚至索性加些灰色上去?! ( 你估軍車咩 ) 算, 下次會記得了!