...........

因為它每一格是1毫米, 便等於一把可任意剪裁的尺!!! 好好用架, 各大細書局有售.


錦係咪即係話我 : 唔係人!   講笑

多謝. 有時鼓勵的說話真係好有動力!


好似坐倉入面這些位, 普通尺點放入去度呢? 況且每格長和高都是1毫米正方形, 便兼可度埋垂直平水.


所以我只砌鐘意的, 少D都一樣會放棄 例如果佢係 F-14 一早掉底, F-15就唔同嘞


哈! 又有飛機友黎呀! 車同飛機真係好易兩棲架! 多謝. 預祝你的噴迷彩搏鬥成功.

終於完成了製作環節, 打磨那底板的凹位真的出盡法寶, 最好用的都是 (再宣傳一吓 ) 擦紙膠大法. 跟住會是漫長的遮蓋/噴油過程, 有排先有得更新了, 最敝是我病倒了 要休息吓. 28號會去日本8天睇東京車展和逛模型鋪, 好興奮呢!! 希望自己及時痊癒吧!

先為 Heller 平反它的座倉蓋造型 ( 圖11) 它兩邊的兩個半月形其實是對的, 只不過它又想連埋側板一齊啤, 變成唔知似乜, 而其他車隊一般都是直的, 剛巧只有雷諾的 cockpit 造得很窄, 所以便偷位, 形成兩個半月形以免頂着膊頭和手肘位, 以上都是日前偶然番看04年的 F-1錄影帶的in-car camera, 咁啱有個鏡頭位對到正才知! 在此對地獄使者講聲對不起 屈錯左佢!
今日完成了遮蓋, 開始噴 Finisher's 黃色.

唔慌快得去邊, 因為又習慣要噴幾浸, 又驚死等乾時間唔夠長....


原來你最心水清, 睇穿我上述的都是籍口  真正原因是 : 懶散


得日文名稱  即係上次R23用剩那隻黃色

多種唔同色的拉花賽車一於當噴迷彩, 所以戰機我多數揀迷彩版本


上色係賣飛佛 上水貼則是賣毛時池飛佛!!


定係睇我點屎 (死) 呢?   (講笑)

哼!! 身為外國留學生竟然連我的英文文法正宗過英女皇,發音準過劉家傑, 教育性遠超過靈格風的標準英語都睇唔明!


我已經去完番左黎啦!


你緊係唔知我個朵嘞 : 大"魔"王 !! 我係好慢的, 亦習慣色漆 wet coat 噴唔少過5浸, 每浸之間等乾又起碼幾粒鐘, 透明漆仲十幾浸添....鬼叫我孤寒唔用 GP2 ...不過我玩任何種類模型都鐘意慢慢撚,  你一定會變長頸鹿.

每人的手法/想法/經驗都不同, 論壇的好處便是可以大家分享  我的習慣係 : 色漆每浸相隔不少於6小時, 噴完我認為足夠的浸數/厚度就等超過24小時才 wet sand, 透明漆因為漆粒子最細, 每浸相隔加倍=12小時, 打磨則等不少於一星期. 我的想法是每浸之間越相隔長時間越有利完全揮發 (即係"乾") 如果相隔時間太短, 下一浸會令之前一浸更難揮發餘下的溶劑, 每多一浸便使問題以幾何級數惡化, 最後因減得加 (指全部等乾的時間)! 仲有, 我係每次一噴完便放入郡仕乾油器內長焗!! 今次用剩的184肯定唔夠用, 可以試新野 GX100了

完成第一隻黃色繼續第二隻深藍色, 選用 Finisher's 的 Blitz Blue, 它聲稱這正是 Mild Seven 的深藍色. 點解唔係順序由淺至深而跳了一級? 因為躚就 Masking 囉, 我覺得錦樣會慳左D遮蓋工序. 順便再次抄番上次在 A-23 答雜果涼粉兄的關於顏色交接位遮蓋的問題 :

顏色交接位方面, 我是張遮蓋膠紙 cut 至1.5mm以下的寬度, 沿着之前的色漆邊緣慢慢逐段按壓貼上, 盡量緊貼邊緣之餘最好留下很少很少的虛位露出之前的色漆, 讓它們有極少的重疊, 一來可確保冇色罅, 二來在磨走凸起的色邊時就算磨穿只會露出之前的色. 一般彎曲位方面, 如果弧度不大以上方法可以應付, 大弧度的話便先在闊遮蓋膠紙上 cut 出大約的弧形, 再張它 cut 幼至1.5mm 或以下, 同上述方法一樣地貼上, 便能夠好緊跟那弧線遮蓋.

.............

最後撕開膠紙時便知龍定蟲


因為你問得好呀! 熟能生巧, 等睇 R390


多謝, 又再講句 : 熟能生巧, 加上耐性, 個個都得! 你條頸.....


到時發現滲漏多到飛起唔准柴台!!! 魚撈!!


錦就唔好砌一個月內起貨嗰D囉  dum 半年嗰D精品你唔砌大把人唔肯過你呀!


論壇就係比大家交流嗎! 幾時過三兩式飛機招數黎呀?


同得地獄使者一齊癲的都唔慌醒得去邊啦  睇怕都真係唔係人黎嘞

本來都唔想再提利華的1/24 F-1模型, 費事比人誤會我成日幫它講好話, 以為有乜利益瓜葛 但又比你挑起 以下是我的利華存貨. 其實過厚的邊位好易利用削薄作掩眼法來補救, 當然用薄金屬片重造最理想, 但對我來說太大工程了!

我是在佳旺2樓訂的, 價錢唔記得太清楚, 400 定 600 ??

嘩! 砌得好靚呀  Barge board 用左汽水罐? Revell 胎係 "extreme hard compound"  手磨真係天光都未得, 我都係靠 Dremel 黎搞掂佢

噴完7浸及打磨好深藍色, 撕掉遮蓋膠紙, 都算合格, 只須執番少少, 明天磨色邊的高低差後便會噴最後的淺藍色, 相信大家現在明白點解今次是先噴深藍才後噴淺藍, 因為遮蓋工夫慳了不少呢! 其實貼遮蓋膠紙一點也不難, 只是煩!! 直線唔駛講全無難度可言, 弧線只要小心內灣位, 因為內灣容易起摺而引致滲漏, 所以最好一如上次所講, 先切出相約弧度的遮蓋膠紙幼條. 相反外灣位因為遮蓋膠紙本身有一定彈性/伸展性, 膠紙越切得幼彈性越佳, 如弧度不大, 直線的幼膠紙條也可輕鬆應付外灣位.

三位過獎嘞  既然咁捧場, 錦就繼續獻醜, 順便用圖片解釋之前文字的意思, 我知道各位好多都一早耳熟能詳, 但亦有些是新玩的朋友, 就讓我厚面皮落去吧!

............

噴完7浸淺藍色, 打磨好, 是撕膠紙揭盎時侯了......成績滿意, 沒有大問題, 明天磨平顏色交接的邊和執少少便可上水貼. 但今次因遷就製作而先組合了的底板/尾懸掛又要再 mask 過才噴得透明漆

..............