Devil 兄係講翼骨果個「2-合-1」粘合？  

其實呢個步驟好早已經做好，只不過加工整雙翼和尾翼的部份未做.......

做呢個步驟時，都有諗過一次過整 2~3 條翼骨，但因為對位要準，所以情願逐條逐條做.......  三十幾條翼骨，當時整左好耐.......

多謝捧場！

先多謝兩位大佬捧場！

近排確係周身唔得閒......  六月尾首先感冒，病好後過左去新加坡成個星期，臨返香港再次感冒又病過，病好後又好多野做....  
搞到架 Flying Machine 進度如同蝸牛，真係烏龜都趴得更快.....

小弟都唔想佢爛尾......  應該都就快有 update.....   暫時有拖無欠......  


To vr2xtd:

所謂「船身一體成形」，即係實心木頭一舊過？    我見到盒面印住：   Precarved wood hull ，咁即係船底已經原廠成形，咁易搞好多。
另   Precut solid wood parts，都只係需要執下、磨下便 OK .....   呢盒野好適合木模型新手。

[ 本帖最後由 patmb 於 2009-8-3 06:37 PM 編輯 ]

要砌龍骨果ｄ木船，船身左右兩邊的長係木塊要逐塊砌上去，仲要上釘，有好多塊.......   「Kun」呀！  

[翼鉸的製作 - I]

唔得閒左一大輪，近排有ｄ空檔，可以整理下架飛行器。  不過對住一束 (十幾、廿條) 要整成翼骨的木條，好悶.......  暫時放低，整下第二ｄ野......  先整兩個主翼鉸 (Wing Hinge)。

主翼鉸，就係下圖 (互聯網圖片) 中，深啡色、「L」形狀、連接著主翼骨的鉸，左右翼各一個，以一前一後方式接到機身上。
[attach]296585[/attach]

製作翼鉸的部件。每個翼鉸由兩塊「L」形的木部件合成，已由原廠約略 pre-cut 及 pre-drill 凹位和洞。凹位裡會藏上木珠一粒，翼鉸是可動的。
[attach]296586[/attach]

翼鉸部件近照。部件原廠製作較粗糙，每塊部件的尺寸差額出入頗大，而且凹位較難打磨，要花點時間執執。最麻煩係每件部件都過厚 (約 5.3~5.7mm)，目標係要製作成 4mm 厚度，手頭上無乜特別工具，唯有用砂紙慢慢磨薄..... 用砂紙將一件厚 5.xmm 的木磨薄至 4mm，好花時間、心機、手指骨力。
[attach]296587[/attach]

約略將凹位打磨過，中間深色果粒就係將會放係入面的木珠，木珠會鑽孔，以穿過上面果條軸。 木珠原盒是缺件的，搞到我要去深水埔賣珠仔的地方搵返來......  
[attach]296588[/attach]

要搞一輪先磨得薄呢四件野，接合後又要整形、上色，相信要搞一段時間。

待續.....

[ 本帖最後由 patmb 於 2009-8-8 12:18 PM 編輯 ]

我聽日都要去買ｄ粗ｄo既砂紙，希望可以磨得快ｄ。

我都好鍾意木材果種溫潤感覺，呢樣野可能要個人有返咁上下成熟，先有呢種 feel......  

相中呢把卡尺係粗野黎，係廿幾年前執返黎的，平時不需要太準確的量度都會用呢把....   呢把卡尺 Made in USA，睇佢個樣，有可能係 60~70 年代產物，從佢簡漏、單薄的結構 (幅相可能睇唔清楚)，我估好有可能係學校裡面比學生用的 cheap 野.....
其實我仲有另外一把較精準的卡尺，但較少用，需要嚴謹ｄ的量度先會用......

[ 本帖最後由 patmb 於 2009-8-8 12:07 AM 編輯 ]

多謝 pbaa 兄支持！  

你咁多火頭燒完未？

車床應該唔會幫到ｄ乜野，因為無需要「車」野......

不過如果有車床，我可能會車過另一條圓形的底座柱。

先多謝兄台捧場！   

兄台有迷你車床？  我有需要的話會搵兄台幫手的.....    不過暫時未有需要.....

兄台用車床玩木工定金工？ 定係兩樣都玩？   

[翼鉸的製作 - II]

話說上回需要將厚 5.x mm 的木用砂紙磨薄至 4 mm，今日去買左較粗的 #100 木工砂紙，可以磨得快ｄ。

買左砂紙返黎便開工整其中一邊翼鉸。一路磨、一路量度厚度，要確保厚度平均，又唔可以磨過龍...... 都磨左半粒鐘有多。

放粒木珠入去試下，發覺翼鉸個窿要太細，要整大ｄ。 而粒木珠本身個窿亦太細，穿唔過條軸；用 3.2mm 鑽嘴加大後，仍然太緊，要再用砂紙磨大少少。

磨薄 + 鑽大窿後，用白膠漿粘合、夾好，等乾。

翼鉸木部件已磨薄至 4mm 厚 (每邊)，兩個窿已加大。 中間粒木珠亦鑽過一個較大的窿，以可以通過條軸。
[attach]297328[/attach]

落白膠漿粘合後，用夾夾好，等膠水乾。
[attach]297329[/attach]

呢度向大家推薦使用呢種膠夾，真係幾好用。 夾嘴係可以活動的，當在不同厚度的場合使用，夾嘴可以緊貼部件表面，使受力平均。而且夾嘴用較軟的膠，一般情況下唔會對部件造成損壞。另一個好處 (亦可能係缺點)，係佢比木衣夾較好力。  呢種活動夾嘴夾/鉗，靚的一般要係較專業的五金工具店先有得賣，而且好貴 (幾十蚊一個)。
但我用果ｄ係o係十蚊店買返黎，有大有細，大o既 $10 有兩個，細o既 $10 有四個.... 當然質素同正式靚果ｄ有出入，但只係三、幾蚊一個，經濟、夠用便是。 不過唔係成日有貨，買唔買到要睇運氣。
[attach]297331[/attach]

十蚊店買到的活動夾嘴夾/鉗，有大有細。
[attach]297330[/attach]

聽日先磨埋另一邊。 等膠水乾透後，跟住就要整形同上色。

待續.....

[ 本帖最後由 patmb 於 2009-9-6 04:18 PM 編輯 ]

你相中所用的夾個夾口可以較到好大同好細，好有用o架，砌船時就知好用。  你意思係你相中所用的夾係o係十蚊店買到的？  你呢隻我反而無係十蚊店見過.....  係鴨記同新填地街就見過ｄ靚野，接近一百銀，唔捨得買......   如果十蚊店有就正喎！

隻飛行器砌起翼展有成三尺幾、高尺幾，如果整 display box 要好大個，都未知整唔整好.......

[ 本帖最後由 patmb 於 2009-8-9 12:56 PM 編輯 ]

係十蚊店都成日搵到ｄ好野，不過好多好野返貨量好少，成日比人買曬.......  好似你呢隻夾，我都已經經常去旺角果間十蚊店行，有時去埋佐敦道果間，但係我係十蚊店都未見過.......  睇黎要再多ｄ去十蚊店留意下.......

[翼鉸的製作 - III]

續上回......  兩個翼鉸部件磨薄、略作修整及粘合後，便要整形至所需形狀及大小，然後上色。

左右翼鉸粘合乾透，尚待整形。
[attach]301354[/attach]

使用薄身鋸鋸出半圓形.... 圖中的小型鋸原本是鋸金屬的，雖然鋸片夠薄，但鋸片高，其實不適合鋸弧形的....
這步驟如有幼身木工線鋸，會好用得多..... 但只係鋸少少野，懶得去買個把....
[attach]301355[/attach]

左面是仍未整形，右面的是已整形及修邊，留心看，是有很多個「切面」的。
[attach]301356[/attach]

上色後再比較分別 (顏料使用 GSI Mr.Color #133 - Earth)。
[attach]301357[/attach]

替第一個翼鉸整形時有點戰戰驚驚，要慢慢摸索和部署，用了較多時間 (約兩天)。 有了經驗，製作第二個鉸時快了很多，只用了約兩、三個小時 (連上色)。
[attach]301358[/attach]

兩個翼鉸至此製作完成，留待雙翼完成後將雙翼連到機身上。

下一 part 搞乜？  未知啊！  睇下有乜靈感到先喇！  

多謝收看！  待續.....

[ 本帖最後由 patmb 於 2009-9-8 05:14 PM 編輯 ]

只要兩件木材粘合面打磨得夠平滑，粘合得宜，再上深色，條接縫多數都睇唔到的。

將就下，睇住ｄ先啦........   總之有拖無欠......  

兩位過獎啦.......    說實話，我心機就有，但我ｄ手工其實麻麻地.......   

你地留心ｄ睇，果ｄ切面與切面之間條「邊」係唔多夠直的，而且唔夠清晰，因為我打磨得唔好......    真係好手工的，可以做到果ｄ「邊」夠直、夠清晰分明，要起角但又圓潤；我都做唔到......

[ 本帖最後由 patmb 於 2009-9-8 05:17 PM 編輯 ]

我唔係師兄，毛毛兄客氣了.....  砌 AFV 要向毛毛兄學習就真！

架飛行器拖左幾年都未砌好，慚愧......  今次要o的起心肝完成佢！


多謝收看！

今時今日玩木模型確係冷門，但都唔係乜野勁.....  係膠模型出現前，木模型原是主流。

[連杆的製作 - I]

這次製作兩條主翼連杆 (Wing Strut)，是將機身上像絞盤的機械裝置連到兩隻主翼的連杆，用以帶動雙翼作撲翼動作。

杆身是直徑 1/8" 的竹枝 (約 3mm)。 原裝跟來的竹枝質地不佳，我用串燒的竹枝代替。
特別的地方是左右不同長度，左邊的長 135mm，而右邊的長 130mm。
[attach]301859[/attach]

將竹枝的一端鏟出兩個斜面，稍後要將一個像髮夾的 pin 粘合到斜面上。
[attach]301860[/attach]

說明書裡只是把 pin 直接粘到杆上，但連杆是要由機械裝置帶動著雙翼撲動，是受力位來的，把 pin 直接粘合到杆上是不夠力的，會很容易甩出來，所以要做點手腳作補強。
Pin 的腳度好長度剪斷後，把腳尾屈成直角，就像「勾爪」的形狀。杆身方面，在每個斜面的中間開一條凹坑以藏入 pin 腳，上面鑽洞以藏入「勾爪」；這樣 pin 就不易甩出來，而凹坑亦可幫助 pin 身不會左右移位。
不過要在這個約 3mm x 9mm 的斜面上搞呢幾個坑同洞，搞到眼水都乾埋.....
[attach]301861[/attach]

杆身上了一次顏料，所用的是 GSI Mr.Color #318 - Radome。  而連杆和 pin 用 AA 膠粘合，夾好待膠水乾透。
[attach]301862[/attach]

連杆頭尾兩端都要同樣製作，但定位是互相垂直的。
[attach]301863[/attach]

雖然竹和木可以說是同類材料，但竹的纖維較粗和明顯 (竹身明顯看到一條條「絲」，而且打磨/處理時很易有「絲」走出來)，硬得來又有點韌性....... 較麻煩的是因為竹身裡的纖維走向，使竹枝上的不同位置會出現不同特性...... 這些都使竹比木較難處理得好。  以上是個人經驗。

下一步是要替粘合位紮上細繩。

多謝收看！  待續.....

[ 本帖最後由 patmb 於 2009-9-11 01:24 AM 編輯 ]

我都認為模型原材料，木會貴過膠。 膠模型，最貴係造模，但模一但造好，就可以快速、大量咁「啤」出黎，生產成本可以大幅分散。 而木模型，唔少部件要用人手處理，而且一般產量唔高，整體成本相對會較高。

To vr2xtd：呢個日規我都係 $10 Shop 見過，咁o既價錢都抵玩，不過個人覺得佢有點兒戲，所以無買。

[連杆的製作 - II]

續上回......  將 pin 粘合到連杆後，要替粘合位紮上細繩。

Pin 和連杆粘合後的模樣，pin leg 已藏入坑內、「勾爪」亦勾緊孔洞。
[attach]301936[/attach]

紮上縫紉線。 縫紉線是用德國的 Gütermann (古特曼) 尼龍縫紉線，質地很好，但幾貴，而且好少地方有得賣。
[attach]301937[/attach]

兩條連杆已製作完成。 上面那條是左邊的，長 135mm；下面那條是右邊的，長 130mm。 左右不同長度是要符合機身上的特別機械設計。
[attach]301938[/attach]

多謝收看！  待續.....

[ 本帖最後由 patmb 於 2009-9-12 12:54 AM 編輯 ]