[機身的製作 - 2]

機身左邊近照 (前半部)。圓拱上可見深啡色的線紮著皮帶及孔眼 (eyelet)。
[attach]275799[/attach]

機身正前方。  圓拱上的孔將會插上圓木柱作支持主翼骨，最頂的孔眼會縛上 cable 拉著主翼骨。
[attach]275800[/attach]

機身正上方。
[attach]275801[/attach]

機身底部 (後方)。  尾部的三個「Ｔ」形物用作繞 cable，孔眼是用作引導 cable。
[attach]275802[/attach]

機身底部 (前方)。
[attach]275803[/attach]

待續.....

[ 本帖最後由 patmb 於 2009-4-15 11:59 PM 編輯 ]

[機身的製作 - 3]

講講機身製作的小花絮。

滑輪的製作，是使用大小的薄膠圓片，用 AA 膠水黐實，再上啡色。
[attach]275804[/attach]

製作飛行器所會用到的「線」/「繩」。
右後方黑色最粗的是「cable」，用作帶動機翼動作機械部份。最前方的一小卷幼線，會用作將網布縛到翼骨。
跟模型來的只有上述兩種線，唔多夠用，惟有自己加料.... 左方的是自購的德國尼龍縫紉線，用作「紮」住部件 (整個飛行器上有多處地方使用這些紮作)。
[attach]275805[/attach]

製作飛行器用到的各種小部件： 大小孔眼、膠珠、小釘、「孔眼+膠珠+紮線」製作的導線器、銅線屈成的小部件 (已上黑色)。
[attach]275806[/attach]

皮帶。 左邊是原裝跟模型來的，太過厚和硬，完全不適用。 右邊是到油麻地砵蘭街皮具行自購的皮條，較薄同軟身得多。
[attach]275807[/attach]

兩種皮帶的比較。 後：跟模型來的，厚、硬、粗糙；前：自購的，較薄、軟身、較幼滑。
[attach]275808[/attach]

待續.....

[ 本帖最後由 patmb 於 2009-4-16 12:01 AM 編輯 ]

當年都出去買左好多隻色試，最後先決定用呢三隻色。

上色遠睇就 OK，近睇就可能嚇死人.....      好彩我部相機水皮，影得唔夠清晰......

[ 本帖最後由 patmb 於 2009-4-16 12:11 AM 編輯 ]

多謝支持！    呢隻野拖左好多年，我都想快ｄ搞掂....


戰斧兄，大家一齊努力！    多謝支持！

嘩~~~  米兄認真畀面！  多謝捧場！

不過唔知下次幾時有得 update ......  

其實整得唔夠精細，有ｄ位做得唔多準確.......        只不過我架傻瓜相機水皮，影得唔夠清晰，所以呃得下人......

不過再次多謝支持！

你果幾團火又燒成點？  好似話要等 0.2mm 噴筆.....    揀左邊隻筆？  出面買噴牌子、筆型何其多，點解要等？

[ 本帖最後由 patmb 於 2009-4-17 12:05 PM 編輯 ]

Yeah....  I'm working on it.....

你揀 0.2mm 筆，有無乜要求？

「有就唔志在'; 無就唔爭在」.....  好豁達的態度，相信你呢位朋友個人好開朗、經常都好開心.....

Gunze PS-269 係 0.3mm，PS-270 先係 0.2mm......    而家球記做緊「買滿 $800 八折」，不過八折後只平得過出面三、二十蚊......
但如果噴鎗搭一件正價 Dragon 買 (幾十蚊的 Dragon 兵仔都得)，噴鎗就有七五折 (如果有金咭或銀咭，件 Dragon 可以另有折頭)，約 $780，都平過出面七、八十蚊....
Gunze 呢兩款鎗都幾重，幾聚手，用慣輕身噴鎗的要點時間適應。

其實揀 Iwata 都唔錯，Professional 用的噴鎗，香港又有正式代理，如果有需要，買 parts 都易ｄ.....
Iwata 0.2mm 噴鎗，可以睇下呢兩款：

  High-Performance HP-BP：0.2mm、頂置細油杯、無 air-adjusting knob，約 $8xx
  High-Line HP-BH：0.2mm、頂置細油杯、有 air-adjusting knob，約 $11xx (差不多 $1200)

【註】air-adjusting knob，就是鎗身前方、杯下面果個氣量掣，Gunze PS-269 同 PS-270 都有，可以方便調節出氣量.....  但如果你套「架生」本身配有調壓掣，咁呢個 air-adjusting knob 實際意義就不太大了。

[ 本帖最後由 patmb 於 2009-8-8 12:05 PM 編輯 ]

如果套「架生」有調壓 (調壓掣都好普遍，差不多有泵的人都會有，而且好多同水隔造埋一齊)，十之九、十都會有埋壓力錶，咁係呢邊調壓可以即時睇到氣壓指數。問題係有時個調壓掣未必會好近身邊 (睇下用乜野泵、睇下套野點 set up 同擺位，人人可以唔同)，伸手去扭個調壓掣有時可能會唔多方便。

而鎗身上果個 air adjust knob，可以由「全關」(完全無氣出) 至「全開」(等如無呢個掣) 之間作調節出氣量，以 Gunze PS-269/270 為例，個掣全程可以扭動約 2.5 圈。由於個掣係鎗身上，可以方便近距離作調節......  但無錶睇，其實都係斷估......  高手/熟手的，可以從出油的情況得知壓力是否適當；生手的就有可能會覺得個掣唔易用.......

以上所講就有如「鍊車」一樣，有人睇住個轉數錶去轉波，有人聽下 engine 聲就知道轉數去到幾高而轉波。

要知道呢個 air adjust knob 並唔係無用或多餘，始終係一個 function，但要用呢個 knob 作微調，需要一定的噴油知識和噴鎗使用經驗，才能好好掌握。
從某一個角度睇，有呢個 knob 好過無.....  有掣可以唔用 (將佢「全開」，就等如從來無呢個掣)，等到有一定經驗或有需要時先用。
但又從另一個角度睇，呢個 function 要用錢買的，如果你唔打算用，點解要比錢買？

先多謝支持！   

底座同條柱之間本來係無螺絲的，原本只係用膠水黐上去，但係我覺得唔夠穩陣，自己鑽個位加螺絲，當然都有落埋膠水.....

因為係靜態擺設模型的關係，唔會郁呢郁去，而且受力位是垂直的，所以用一粒較大的螺絲應該無問題，只要粒螺絲上得夠緊，加埋膠水，都會好穩陣。

[ 本帖最後由 patmb 於 2009-4-28 12:33 PM 編輯 ]

以前讀中學時，見人玩電子野，自己又玩......  

第一樣野相信同好多人一樣，整「電子千人震」，相對易砌，成功.....  跟住整 FM 咪，都唔太難，都搞掂.....

成功整過兩樣野，以為玩電子好易，膽粗粗就去跟書整 walkie talkie......  試過整兩部，無一次成功.......  

講起去鴨記買電子零件，當年推木頭車擺街果個「高佬」，而家變左近南昌街的綠色鐵皮檔......  咁多年後都仲見呢位「高佬」係鴨記打躉，真係難得....

[ 本帖最後由 patmb 於 2009-4-28 12:22 PM 編輯 ]

多謝支持！

要留意，Iwata 的 HP-BP 或 HP-BH，都是細油杯 (1.5 c.c.)，而並不是一般的標準油杯 (一般約 10 c.c.)......    細油杯，噴迷彩或細節時絕對夠用，噴車身或較大面積就唔得 (添油添到你傻)......

一般專業 0.2mm 噴筆，主要係比美術或有關行業用黎噴細微野，配較低氣壓出油量好細，所以通常會配細油杯 (~1.5 cc) 甚至係筆身開個凹位 (~0.5 cc)，入一「缸」油都可以有排噴.....  但一噴大面積要用較高氣壓，噴兩野就無油......

噴細微野用細油杯會好用ｄ，一來無需要大油杯，二來細油杯無咁阻礙視線，三來無咁「縰」油......   但唔代表 0.2mm 筆配大油杯唔得.......

如果想要 0.2mm 筆，但又想要大油杯，可以考慮 Gunze PS-270 (有埋 air adjust knob)；另外美國的 Badger 100LG 配 F 嘴 (Fine 嘴) 亦可以，而且較平，去千記買，五舊幾.....  

Badger 支 100LG 算唔錯，唔貴之餘，仲可以自己換嘴同針，有 F (Fine)、M (Medium)、L (Large) 三種粗幼，配件可以係千記買，比起 Gunze 筆配件相對易買到......  不過美國野較粗枝大葉，用起上黎手感應該不及日本筆。

貓兄識整膽機！？         睇黎你都係玩「搭棚」居多，High-Hand 喎！

早輪成日落雨，搞到無乜 mood 砌野........  

而家搞緊對翼，要磨尖ｄ翼骨，過程好沉悶，進度緩慢.......

不過可以有少少相 update，請稍等.......

[雙翼的製作 - I]

卒之搞到對翼，最難、最煩複、最花時間的部份.....  先執執其中部份翼骨......

圖中所見，淺色的為「主翼骨」，約 14.5" 長，就像人的上臂骨；深啡色的為支架骨，支撐其他的翼骨 (未整到) 及作活動關節。左右翼各一 set。
[attach]278806[/attach]

主翼骨的關節位。凸出來的那塊長木板，約 6mm 闊，作用像彈簧，夾著外翼的其中一條支架骨 (下述)，讓可動的外翼可以回彈。
那個窿會穿進一口釘作軸。紮在上面的「繩」(其實是縫紉線)，雖然也可以起到穩固作用，但主要是用作「扮野」、「裝飾」。
[attach]278807[/attach]

這就是外翼的其中一條支架骨關節位，套進上述的主翼骨關節，較大的那個窿是讓軸通過的。較淺色的那條小木條，闊約 4mm，黐在下面支架骨收窄了只闊 2mm 的位置..... 因為黏貼面積太細了，不太受力，套進主翼骨的關節位時，那條小木條差不多一定會甩出來，所以鑽穿了一個窿仔，種入了一條約 2.5mm 長的鋼針 (用大頭針鋸出來)，以作補強.... 小木條上可以見到這個窿仔.... 加了鋼針後，變成穩固得多了。
[attach]278808[/attach]

主翼骨關節與支架骨關節連接的示意圖。  這是底部。
[attach]278810[/attach]

另一條支架骨。上面有金屬環，是用鐵線屈成、再上黑色油漆，用 AA 膠黐在開了淺坑的翼骨上；again，紮上「繩」扮下野。 這個金屬環會套過內翼的一條翼骨上，作用是引導外翼的活動。
[attach]278809[/attach]

下一步將會把其他的翼骨磨尖.......

待續.....

[ 本帖最後由 patmb 於 2009-5-1 04:39 AM 編輯 ]

唔係呀........   只係搞左主翼骨同支架骨的部份工程，另有左右翼總共 16 支翼骨完全未搞......    
以人的臂和手為比喻，就等於整好上臂骨和下臂骨的部份，而ｄ手指骨未整.......

再另外仲有 4 支尾翼骨都一樣等住開工........  

磨尖ｄ翼骨、度好位置和長度、粘合、打磨、上色、mount 網布、綑線.......   所以話整對翼 (仲有條尾) 係最煩複的部份.......
∼∼∼  There's still a long, long way to go........