我都唔知飛左去邊，唔自己整喇，我只係想快手d完成佢算，因為實左仲有太多車未整喇，我已經無位放我d車。同埋有好多絕版野想整左先，唔係d水紙黃晒就喊都喊唔番。

我都希望快d了結左佢，俾住d真車相你睇住先。

吓！？我未見過無wor，有無相睇呀？不過拖車個扣就真係一時有一時無，我都係整好晒個殼先發現，而家都唔知加唔加好，另外你有無d內裝o既相呀？

麻麻，太多布

教就唔講得，大家分享經驗啦！基本上都係好似我上面所講咁做，有無邊part唔明吖？

FXX我未砌過不過可以想像倒有好多CF，不過雙星應該有紙樣俾你Cut CF掛！？

另外我見過有人砌FXX車門同車身有D唔對位，唔知咩問題，你假組o既時候不防留意吓，睇吓使唔使執一執。

今日好求其咁做左個洗塗...

一直都有一個問題，總係覺得黑色上面掃銀色好似好假咁，cas兄有咩好建議呢？如果俾你做乾掃你會點處理呢？

211同212掃出黎個效果好似好過一般銀色wor，等我試試先，thanks!

多謝你o既支持，我而家target係十月中埋單，希望做倒啦，因為我仲要趕joey兄個fairlady求其砌呀！

今日做左4條拎，真車應該中間係金金地銀銀地唔太令，出面個圈同最中間係閃令令o既銀色。

為左做番呢個效果，我先將最出個圈做masking，中間用法瑯油先噴金，噴完金再用銀離遠打一兩吓霧，噴好就用棉花棒抺走最中間d油露番d電鍍銀出黎，再做少少入墨就變成而家咁。睇相同實物有少少分別，實物中間金番少少。

我覺得求其砌呢個名幾好聽

好高興響呢度見倒你，你俾心機搞埋部testarossa佢啦，唔好爛尾先得格

我呢排好努力埋尾，而家個籠差唔多搞掂，準備上安全帶。另外我睇左d參考相片之後發現用番雨宮o個張Bride o既桶seat先正確，所以我已經換番。

用左成日時間裝條安全帶，因為好難搞。雖然crazy modeler o既蝕刻係幾靚，但安全帶紙質差左d，穿d難穿o既位時條帶俾我隊到殘晒，如果條帶可以改番膠質就perfect喇。整完條安全帶我近視當堂深左，都係休息吓先。

而家內籠已經完成喇，仲爭車殼部份parts未整好。

THANKS！如果有多d內籠相參考可以再做好d，不過整完d安全帶真係暈暈地，一黎紙質問題，二黎我無d靚PE剪，人地可以一野剪落去就OK，我就要剪出黎用個夾固定再用銼黎磨，o個d扣細到粒米咁眼都花埋，整完真係要睇醫生...

WINSTON兄，我用緊o個套crazy modeler條帶係紙造o既，紙o既其中一面過左磨沙膠面。可能真係用唔倒但我都照用，因為我手頭上無其他野可以代替，唯有頂硬上，而家都叫做免強裝倒上去，但過程好痛苦呢！

我o既方法係磨晒水口之後噴灰，噴完唔使磨滑佢，由佢個面粗粗地，跟住噴finisher pure red，貼水貼，再用消光油響個面打兩吓霧。


o個set蝕刻包一張蝕刻片、一張有紅籃黑三隻色o既紙製安全帶(要自己cut o既)、同埋一張水貼(有唔同安全帶o既牌子)。

價錢唔記得喇，一年前同亞糊買o既，你問佢啦。


用咩剪佢落黎都唔係問題，但除非你把野好利，否則唔可以剪得太盡。因為如果你有玩開蝕刻你會發覺你剪得太盡，個水口位係會曲o既，咁就破壞左件野架喇！我聽rice兄講响日本買過把PE剪超利，CUT到好盡都唔怕，如果香港有得賣就好喇！

由於個殼已經係一年前捽好，當時仲用緊SUPER CLEAR，一年後D油縮左仲封左少少塵，於是決定響噴窗邊前再捽一次，順便試吓長谷川COMPOUND同郡氏磨光布o既威力。

[ 本帖最後由 wongleo 於 2007-10-2 02:14 AM 編輯 ]

無錯係長谷川o既compound。


thanks 呀！其實我覺得以super clear黎講做到而家呢個效果算合格架喇。

[ 本帖最後由 wongleo 於 2007-10-2 11:37 PM 編輯 ]

我較早前響褔利買o既，不過之後再去都無喇，我諗要等下一水。

今日無咩時間，只係做左個masking